1 Tımothy 1:9 - Nǫ̀htsı̨ Nı̨htł'è

⁹ Dǫ ehkw'ı geedaa sìı nàowodeè gıgha adlà nıìle, wek'èts'eezǫ, hanìkò dǫ eyı nàowo k'ègedì-le sìı gıgha adlà hǫt'e: nàowo-k'eezhìı-dǫǫ̀, dǫ k'èagı̨ı̨t'e-le dǫǫ̀, Nǫ̀htsı̨ gı̨ı̨wǫ-le dǫǫ̀, hołı̨ı̨-hogehtsı̨ı̨-dǫǫ̀, hołı̨ı̨ k'ę̀ę̀ geedaa dǫǫ̀, Nǫ̀htsı̨ nàowoò gıtǫ̀-le dǫǫ̀, dǫ edetà eyıts'ǫ edemǫ ełaàgehdee, eyıts'ǫ dǫ-ełahdee-dǫǫ̀,

1 Tımothy 1:9 ပူးပေါင်းရင်းမြစ်များ

Matthew 10:21

“Ekìıyeè k'e nı̨dè ełechı-t'ıì k'aodèe tł'aàłegìhtè ha, eyıts'ǫ gotà gı̨ı̨lı̨ı̨ sìı edeza hagole ha. Chekoa edèot'ı̨ sı k'aodèe tł'aàgogììle xè ełaàgogìhdeè agogele ha.

Rome 1:30

ełıızì jıı gehtsı̨, Nǫ̀htsı̨ dzagı̨ı̨hwhǫ, ełek'adagedè, xàhogedì xè edeghǫ xàdahogedì; hołı̨ı̨ hogehtsı̨ gha nàowo ładı̨ı̨ gehtsı̨; edemǫ eyıts'ǫ edetà k'èagı̨ı̨t'e-le;

Rome 4:13

Nǫ̀htsı̨ dıı hadı ı̨lè, Abraham, weza eyıts'ǫ wets'ıhɂǫ̀ǫ-dǫǫ̀ gı̨ı̨lı̨ı̨ sìı dıı nèk'e k'àhogedè agole ha, gòhdı ı̨lè. Moses wenàowoò k'èagı̨ı̨t'e t'à gıxè hagode ha, gòhdı nıìle, hanìkò gıgha ehkw'ı-ahodı t'à ehkw'ı geedaa k'ę̀ę̀ goıhtà ts'ıhɂǫ̀ gıxè hagode ha, gòhdı.

Rome 5:20

Dǫ deɂǫ̀ǫ̀ hołı̨ı̨ hogehtsı̨ı̨ wek'èhoedzǫ gha Moses wenàowoò goghǫ̀t'ǫ ı̨lè. Dǫ deɂǫ̀ǫ̀ hołı̨ı̨ hogehtsı̨ nı̨dè Nǫ̀htsı̨ denahk'e gots'ǫ̀ sǫnıwǫǫ̀ ajà.

Rome 6:14

K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Galatıa 3:19

Hanì hòɂǫ nı̨dè Moses nàowo weghǫ̀zhaa sìı ayìı gha adlà? Nǫ̀htsı̨ edeyatıì Abraham ghàı̨ɂǫ tł'axǫǫ̀ eyı nàowo wek'ę̀ę̀ hòɂǫǫ̀ agòjà. Eyıt'à eyı “Abraham wets'ıhɂǫ̀ǫ-dǫǫ̀” nììtła gots'ǫ̀ Moses wenàowoò weghàà dǫ hołı̨ı̨ hogehtsı̨ gık'èezǫ gha adlà hǫt'e. Eyı nàowo sìı yak'eet'ı̨į̀ t'à Moses ts'ǫ̀ nììt'ǫ hǫt'e. Moses dǫ gha eyıts'ǫ Nǫ̀htsı̨ gha tanı whedaa elı̨ı̨ sìı wek'ę̀ę̀ hòɂǫǫ̀ ayį̀į̀là.

Galatıa 5:18

Hanìkò Yedàyeh Nezı̨ı̨ k'enaxehɂı̨ nı̨dè, Moses wenàowoò tł'a dahkw'e nıìle.

Galatıa 5:21

dǫ ayìı gıts'ǫ sìı wets'ı̨ı̨wǫǫ; jìetì ts'eedèe, deɂǫ̀ǫ̀ gogha sìgoèt'ı̨ t'à ts'ıɂǫ̀-hots'eeɂà. Eyı hazǫǫ̀ gonìłı̨ı̨ k'ę̀ę̀ ats'et'ı̨ hǫt'e. Hanì aahda-le naxèehsı̨ ı̨lè k'achı̨ hanaxèehsı̨ ha: Dǫ hanì geedaa sìı Nǫ̀htsı̨ wenàowoò k'ę̀ę̀ hòɂǫǫ sìı goyageedè ha nıìle.

Galatıa 5:23

ełets'ǫ̀ godzeè nezı̨ı̨, eyıts'ǫ hołı̨ı̨ nàowoò ch'à edek'èts'edì. Eyı hanıı wets'àet'ǫ gha nàowo gǫ̀hłı̨ nıìle.

2 Thessalonıca 2:8

Eyı tł'axǫǫ̀-ı̨dè eyı dǫ wejıı sìı wègoèt'į̀ ha. Hanìkò gots'ǫ̀ K'àowo Zezì nììtła nı̨dè, ededaàzhìı t'à yek'e ehsò t'à yeghǫehnè ha eyıts'ǫ enıìyah deè t'à yedıhohtsı̨ ha.

1 Tımothy 4:7

Godı wet'àaɂà-le, eyıts'ǫ godı Nǫ̀htsı̨ ts'ǫ nıìle sìı wedę anele, hanìkò Nǫ̀htsı̨ wınì k'ę̀ę̀ ı̨da gha hòtł'ò eghàlaı̨da.

1 Tımothy 6:20

Tımothy, Nǫ̀htsı̨ ayìı netł'aàyı̨ı̨ɂǫǫ sìı hotıì nezı̨į̀ wehonehdı. Dǫ łǫ ełek'ę̀ę̀ agı̨ı̨wǫ-le kò nàowo łǫ wet'à gots'ı̨ı̨zǫ gı̨ı̨wǫ ghǫ gogede. Hanì Nǫ̀htsı̨ wınì k'ę̀ę̀-le sìı wedę anele.

2 Tımothy 2:16

Nǫ̀htsı̨ k'èch'a t'asìı ghǫ-le gots'edee sìı wedę anele. Dǫ hagedıı sìı Nǫ̀htsı̨ ts'ǫ̀ nezı̨į̀ nageɂa nıìle eyıts'ǫ denahk'e Nǫ̀htsı̨ gı̨ı̨wǫ-le aget'į̀.

2 Tımothy 3:2

Dǫ ededı̨ zǫ edeghǫnegeètǫ ha, sǫǫ̀mba ghageewı ha, xàhogedì agede xè xàdahogedì ha, nàdahogeeɂà ha, edèot'ı̨ k'èagı̨ı̨t'e ha-le, masì gı̨ı̨wǫ ha-le, degaı nàowoò dę geeda ha,

Tıtus 1:10

Dǫ łǫ yatı ehkw'ıı k'èagı̨ı̨t'e-le t'à aehsı̨. Ekìı gogedee eyıts'ǫ dǫ ghǫyageeɂà. Israel got'ı̨į̀ Moses wenàowoò k'ę̀ę̀ dǫkwǫ̀ nàt'à ha gı̨ı̨wǫǫ sìı hanì eghàlageeda.

Tıtus 1:16

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

Tıtus 1:6

Dǫ Nǫ̀htsı̨ wecheekeè gha k'àowo elı̨ı̨ sìı t'asìı wejıı wı̨ı̨zìı hohtsı̨ ha nıìle. Ts'èko ı̨łè zǫ wets'ǫ ha, eyıts'ǫ weza sı gıgha ehkw'ı-ahodı ha, sìgoèt'ı̨ı̨ zǫ gı̨ı̨wǫ ha-le eyı xè gık'èı̨t'e ha hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

Hebrew 11:31

Ts'èkojıı Rahab wìyeh sìı wegha ehkw'ı-ahodı t'à, nàeɂį̀ı̨-dǫǫ̀ gots'àı̨dì, eyıt'à dǫ Nǫ̀htsı̨ k'èagı̨ı̨t'e-le sìı xè ełaàgı̨ı̨hwho-le.

Hebrew 12:16

Naxıta dǫ wı̨ı̨zìı hołı̨ı̨ k'ę̀ę̀ ełek'alagııdè sǫ̀ǫ̀, hanì-le-ı̨dè Esau lanì Nǫ̀htsı̨ nàowoò gıgha wet'àaɂà-le lagııt'è sǫ̀ǫ̀. Esau wetà weza ǫhdaà ı̨lèe t'à wetà wets'ǫ t'asìı denahk'e wet'àaɂàa sìı wets'ǫ̀ ade ha ı̨lè, hanìkò ı̨łàà yeghǫ shètı̨ k'èxa wechı ts'ǫ̀ weghǫ nàedì ı̨lè.

1 Peter 2:7

Naxıgha ehkw'ı adı t'à eyı kwe naxıgha sıì wet'àhoòɂà hǫt'e. Hanìkò amìı wegha ehkw'ı-ahodı-le sìı gıgha dıı hanì dek'eèhtł'è: “Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àhoòɂà whelı̨,”

1 Peter 3:20

T'akwe whaà Noah elàcho whehtsı̨ ekò ekìıyeè k'e Nǫ̀htsı̨ k'èagı̨ı̨t'e-le ı̨lè. Ekò k'e Nǫ̀htsı̨ ts'èwhı̨į̀ godanaèhɂı̨ ı̨lè, hanìkò eyı elàcho wet'à dǫ łǫ-lea zǫ edaxàwhede; dǫ ek'èdı̨ zǫ tı t'à ełaàgı̨ı̨dè-le ı̨lè.

1 Peter 4:18

Dıı hanì dek'eèhtł'è: “Dǫ ehkw'ı geeda kò edaxàgeedè ha gıgha kèhoedı-le nı̨dè dǫ Nǫ̀htsı̨ k'ègeezǫ-le eyıts'ǫ hołı̨ı̨-hogehtsı̨ı̨-dǫǫ̀ sìı gıgha dàgǫ̀ht'e ha sǫnı?” hanì dek'eèhtł'è.

Jude 1:15

eyıts'ǫ dǫ hazǫǫ̀ gosınìyaehtı ha. Nǫ̀htsı̨ dǫ hazǫǫ̀ yınì k'ę̀ę̀ geeda-le xè hołı̨ı̨ hogehtsı̨ı̨ sìı eyı k'èxa gosınìyaehtı ha, eyıts'ǫ yatıjıı hazǫǫ̀ t'à Nǫ̀htsı̨ k'èch'a xàyagehtı k'èxa gosınìyaehtı ha,” dek'eèhtł'è.

John Wenazhıı 21:8

Hanìkò dǫ gınì nàtso-le sìı, dǫ ehkw'ı-ahodı gı̨ı̨wǫ-le sìı, dǫjıı, dǫ ełaàgehdee dǫǫ̀, hołı̨ı̨ k'alagedèe dǫǫ̀, ı̨k'ǫǫ̀ gı̨ı̨lı̨ı̨, kwe t'à nǫ̀htsı̨ą hòèlı̨ı̨ ts'ǫ̀ yagehtıı, eyıts'ǫ hots'ìı-dǫǫ̀, hazǫǫ̀ kwe dèk'ǫ̀ǫ whehtǫǫ weta ts'ǫ̀ agedle ha. Nàekeè t'à ełaàgede ha,” sets'ǫ̀ hadı.

John Wenazhıı 22:15

Hanìkò hołı̨ı̨-dǫǫ̀ mǫ̀ht'a geèhkw'e ha, ı̨k'ǫǫ̀-gı̨ı̨lı̨ı̨-dǫǫ̀, hołı̨ı̨ k'ę̀ę̀ dǫ k'alagedèe dǫǫ̀, dǫ ełaàgehdee dǫǫ̀, nǫ̀htsı̨ą hòèlı̨ı̨ ts'ǫ̀ yagehtıı dǫǫ̀, eyıts'ǫ hogets'ìı ghageewıı dǫǫ̀, hazǫǫ̀ mǫ̀ht'a geèhkw'e ha.