1 Tımothy 1:7 - Nǫ̀htsı̨ Nı̨htł'è

⁷ Moses wenàowoò hoghàgogeehtǫ ha gı̨ı̨wǫ eyıts'ǫ ayìı ghǫ agedıı sìı hotıì ehkw'ı ats'edı gı̨ı̨wǫ, hanìkò ayìı ghǫ gogedee sìı gınıedì-le.

1 Tımothy 1:7 ပူးပေါင်းရင်းမြစ်များ

Matthew 15:14

Gıts'ǫnıahɂà-le. K'enaxegehɂı̨ ha gı̨ı̨wǫ, hanìkò gıdaà goìlee lagı̨ı̨t'e. Dǫ gıdaà goìlee sìı k'ełegeehɂı̨ nı̨dè į̀łah dèè yìı gǫǫ̀ɂàa goyìı geetł'ì ha,” Zezì hagòhdı.

Matthew 21:27

Eyıt'à Zezì ts'ǫ̀ hagedı, “John-Baptıst amìı dahxà at'ı̨ı̨ sìı wek'èts'eezǫ-le,” gedı. Zezì gots'ǫ̀ hadı, “Hanì-ı̨dè sı̨ sı amìı dahxà dıı hanì eghàlaehdaa sìı naxıts'ǫ̀ haehsı̨ ha-le,” gòhdı.

Luke 2:46

Taı dzęę̀ ts'ǫ̀ gıxanı̨ı̨wį̀ tł'axǫǫ̀ Nǫ̀htsı̨kǫ̀-gocho gà Nǫ̀htsı̨-yatıì-k'ègedìı-dǫǫ̀ gonı wheda gıgòį̀hɂǫ. Ekǫ goèhkw'ǫ xè dagoehke.

Zezì Wecheekeèdeè 15:1

Dǫ mǫ̀hdaa Judea nèk'e gots'ǫ kǫ̀ta Antıoch nègı̨ı̨de. Eyı dǫ nìı̨dee sìı Nǫ̀htsı̨ wecheekeè hoghàgogeehtǫ, hagògedı, “Moses wenàowoò k'ę̀ę̀ naxıkwǫ̀ k'e nàt'à-le nı̨dè edaxàahdè ha dìì,” gògedı.

Rome 1:22

Gots'ı̨ı̨zǫ edegeewǫ kò gogı̨ı̨zǫ-le agejà.

Galatıa 3:2

T'asìı ı̨łè sets'ǫ̀ haahdı ha dehwhǫ: Moses wenàowoò k'èahdì t'à Yedàyeh Nezı̨ı̨ naxıts'ǫ̀ ajà nì? Hanì-le-ı̨dè, ayìı aàhkw'oo sìı naxıgha ehkw'ı-ahodı t'à naxıts'ǫ̀ ajà nì?

Galatıa 3:5

Moses wenàowoò k'èahdì t'à Nǫ̀htsı̨ edets'ǫ Įnì Degaı naxıghàı̨ɂǫ xè naxıta enıìyah hòèhtsı̨ nì? Hanì-le-ı̨dè ayìı aàhkw'oo sìı naxıgha ehkw'ı-ahodı t'à Nǫ̀htsı̨ hanì naxıts'ǫ̀ eghàlaı̨dà nì?

Galatıa 4:21

Naxı̨ Moses wenàowoò k'ę̀ę̀ aahda ha dahwhǫǫ sìı eyı nàowo dàhodıì-ahodıı sìı asį̀į̀ deghàà wenıahdì?

1 Tımothy 6:4

xàhodì xè t'asìı wı̨ı̨zìı nıedì-le hǫt'e. Yatı ghǫ dǫ ełek'ę̀ę̀ agı̨ı̨wǫ-le xè ełets'ǫ̀ nàyagehtıì agohɂı̨ ghaewı t'à wınì nezı̨-le. Eyıt'à dǫ ełeghǫ ts'ohogeedıì agohɂı̨, ełek'èch'a geedaa, yatıjıı t'à ełeghǫ gogedee, eyıts'ǫ hołı̨ı̨ t'à ełeghǫ nànıgedè agohɂı̨.

2 Tımothy 3:7

T'aats'ǫǫ̀ hołı̨ı̨ nàowoò hoghàdegeetǫ, hanìkò Nǫ̀htsı̨ wenàowoò ehkw'ıı sìı gıgha ehkw'ı-ahodı hǫı̨lı̨-le.

James 3:1

Sèot'ı̨ı̨, dǫ-hoghàehtǫǫ-dǫǫ̀ aahłı̨ ha k'ehoahɂa-le. Dǫ-hoghàehtǫǫ ts'ı̨ı̨lı̨ nı̨dè dǫ eyıì-le gınahk'e hòtł'ò gosınìyaetı ha, wek'èahsǫ hǫt'e.

2 Peter 2:12

Hanìkò eyı dǫ t'asìı nıgeedì-le ghǫ ekǫ-le gogede t'à Nǫ̀htsı̨ k'èch'a agedı. Tıts'aàdìı wets'àhoejı̨ı̨ lagı̨ı̨t'e eyıts'ǫ tıts'aàdìı k'ę̀ę̀ k'ehogeɂa. Gık'èchıìtła xè ełaàgede zǫ gha gıgǫ̀hłı̨ lagı̨ı̨t'e, eyıts'ǫ tıts'aàdìı lanì gıdıhołè ha.