1 Tımothy 1:3 - Nǫ̀htsı̨ Nı̨htł'è

³ Macedonıa nèk'e nawhıhtła ekò kǫ̀ta Ephesus wheęda nèehsı̨ ı̨lè. Įłaà ekǫ wheęda ha dehwhǫ. Hanì-ı̨dè dǫ mǫ̀hdaa nàowo ekǫ-le t'à dǫ hoghàgogeehtǫǫ sìı haget'ı̨ ha-le gìı̨dı.

1 Tımothy 1:3 ပူးပေါင်းရင်းမြစ်များ

Zezì Wecheekeèdeè 18:19

Kǫ̀ta Ephesus nègı̨ı̨de ekò Paul, Prıscılla eyıts'ǫ Aquıla ekǫ gots'ǫǫ̀ naèhtła. Ededı̨ t'aa ełègehdèe-kǫ̀ ts'ǫ̀ ajà, ekǫ Israel got'ı̨į̀ ts'ǫ̀ goı̨de.

Zezì Wecheekeèdeè 18:21

Paul naetła kwe, hagòhdı, “Nǫ̀htsı̨ hanıwǫ nı̨dè k'achı̨ jǫ ts'ǫ anahde ha,” gòhdı. Eyı tł'axǫǫ̀ elàcho t'à kǫ̀ta Ephesus gots'ǫǫ̀ naèhɂe.

Rome 15:26

Macedonıa nèk'e eyıts'ǫ Achaıa nèk'e ekǫ gòet'ı̨ agı̨ı̨t'ee sìı Nǫ̀htsı̨ wets'ǫ dǫ etegeèt'ı̨ı̨ Jerusalem nàgedèe sìı gogha sǫǫ̀mba ełègį̀ı̨la.

Rome 16:17

Sèot'ı̨ı̨, hotıì edexoahdı, dǫ eyıì-le ełek'èch'a anaxegehɂı̨ xè ekǫ-le anaxegehɂı̨ı̨ sìı gıch'à kexoahdı. Hòt'a ayìı hoghànaxeètǫǫ sìı eyı k'èch'a hoghànaxegeehtǫ nı̨dè gıxè aaht'ı̨-le.

2 Corınth 11:4

Dǫ ładı̨ı̨ naxıts'ǫ̀ nììtła gà Zezì eyıì-le ghǫ hoghànaxeehtǫ nı̨dè naxıgha t'asanìle. Yedàyeh Nezı̨ı̨ naxıghǫ̀t'ǫǫ sìı wedę ı̨nì eładı̨ı̨ naxıgha ehkw'ı-ahodı nı̨dè, hanì-le-ı̨dè godı nezı̨ı̨ naxıghǫ̀t'ǫǫ sìı wedę godı eładı̨ı̨ naxıgha ehkw'ı-ahodı nı̨dè, nàhotì-le gıyatıì ààhchı hǫt'e.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Phılıppı 2:24

Whaà-le-t'ıì sı̨ sı sets'ǫ̀ K'àowo naxıts'ǫ̀ asele ha hotıì wek'èehsǫ.

1 Tımothy 4:11

Eyı yatı dǫ hoghàgı̨ı̨htǫ xè wek'èaht'e gį̀ı̨dı.

1 Tımothy 4:6

Gòet'ı̨ hanì hoghàgı̨ı̨htǫ nı̨dè, Zezì-Krı wegha nezı̨į̀ eghàlaı̨da ha hǫt'e. Haąt'ı̨ nı̨dè Zezì-Krı weyatıì ehkw'ıı wet'à negeèhsǫǫ sìı wek'ę̀ę̀ anet'ı̨ hǫt'e, eyıts'ǫ ayìı ehkw'ıı hoghàneètǫǫ xè ayìı wek'èaneet'èe sìı wek'ę̀ę̀ eghàlaı̨da ha hǫt'e.

1 Tımothy 5:7

Dıı yatı wet'à ts'eedaa sìı dǫ gıghàı̨ɂà, hanì-ı̨dè dǫ wı̨ı̨zìı gok'e nìdahogeeɂà ha-le.

1 Tımothy 6:10

Sǫǫ̀mba ghǫ ets'edì-le nı̨dè wets'ıhɂǫ̀ hołı̨ı̨ hazǫǫ̀ xàɂaa hots'ehtsı̨. Dǫ mǫ̀hdaa sıì sǫǫ̀mba ghageewı t'à, Zezì-Krı gha gınì nàtso-le aget'į̀. Eyıt'à edegha hoìla hogehtsı̨.

1 Tımothy 6:17

Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.

1 Tımothy 6:3

Dǫ ekǫ-le hoghàgoehtǫǫ xè gots'ǫ̀ K'àowo Zezì weyatıì ehkw'ıı sìı k'ę̀ę̀ anıwǫ-le, eyıts'ǫ Nǫ̀htsı̨ nàowoò k'èch'a dǫ hoghàehtǫǫ sìı,

2 Tımothy 1:18

Nǫǫde dzęę̀ k'e nı̨dè Nǫ̀htsı̨ eteyeèɂı̨ welè. Kǫ̀ta Ephesus nàhdè ekò t'asìı nezı̨ı̨ łǫ t'à sets'àı̨dì ı̨lèe sìı hazǫǫ̀ wek'èı̨zǫ hǫt'e.

2 John 1:7

Dǫ ghǫyageeɂàa łǫ dıı nèk'e dǫ ta ts'ǫ̀ agejà hǫt'e. Zezì-Krı dıı nèk'e wegǫ̀hłı̨ı̨ sìı gıgha ehkw'ı-ahodı nıìle. Hanıı dǫ sìı eghǫyageeɂàa-dǫǫ̀ agı̨ı̨t'e, eyıts'ǫ Zezì-Krı ts'ǫ̀ kànegı̨ı̨ɂaa dǫǫ̀ agı̨ı̨t'e.

John Wenazhıı 2:14

“Hanìkò t'asìı mǫ̀hdaa naxık'e nìdahoehɂà ha: Naxını dǫ mǫ̀hdaa Balaam wenàowoò k'ę̀ę̀ dǫ hoghàgogeehtǫ. Eyı dǫ sìı Israel got'ı̨į̀ hołı̨ı̨ hogehtsı̨ gha k'àowo Balak hoghàehtǫ ı̨lè. T'asìı nǫ̀htsı̨ą hòèlı̨ı̨ ghàgeedıı sìı gedè agohɂı̨, eyıts'ǫ edezhį̀į̀ t'à hołı̨ı̨ k'alagedè agohɂı̨.

John Wenazhıı 2:20

“Hanìkò t'asìı ı̨łè naxık'e nìdahoehɂà: Eyı ts'èko Jezebel nakwenàoɂǫǫ edèedıı sìı nàweahɂǫ nıìle. Secheekeè hoghàgoehtǫ t'à ts'ıɂǫ̀ geède, edezhį̀į̀ t'à hołı̨ı̨ k'alagedè eyıts'ǫ t'asìı nǫ̀htsı̨ą hòèlı̨ı̨ ghàgeedıı sìı gedè agohɂı̨.