1 Tımothy 1:2 - Nǫ̀htsı̨ Nı̨htł'è

² Tımothy, nets'ǫ̀ eehtł'è. Sexè Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà hòɂǫǫ̀ agııle.

1 Tımothy 1:2 ပူးပေါင်းရင်းမြစ်များ

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

Galatıa 1:3

Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıts'ǫ̀ sǫnıwǫ welè, eyıts'ǫ naxıxè sìghà hòɂǫǫ̀ agııle.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

1 Tımothy 1:12

Gots'ǫ̀ K'àowo Zezì-Krı sedzeè t'à masì weehwhǫ. Sınì nàtsoò asį̀į̀là t'à, ehkw'ı eghàlaedaa dǫǫ̀ aht'e sı̨ı̨hwhǫ t'à, eyıts'ǫ wegha eghàlaehda ha sį̀į̀hchì t'à masì weehwhǫ.

1 Tımothy 1:18

Tımothy seza lanet'e, Yedàyeh Nezı̨ı̨ dahxà neghǫ nadąą̀ xàyagı̨ı̨htı ı̨lèe k'ę̀ę̀ yatı neghàehɂà ha. Dıı yatı nets'ǫ̀ eehtł'èe sìı wek'ènedì nı̨dè, nınì nàtso xè nàowo ehkw'ıı gha hòtł'ò eghàlaı̨da ha,

1 Tımothy 6:20

Tımothy, Nǫ̀htsı̨ ayìı netł'aàyı̨ı̨ɂǫǫ sìı hotıì nezı̨į̀ wehonehdı. Dǫ łǫ ełek'ę̀ę̀ agı̨ı̨wǫ-le kò nàowo łǫ wet'à gots'ı̨ı̨zǫ gı̨ı̨wǫ ghǫ gogede. Hanì Nǫ̀htsı̨ wınì k'ę̀ę̀-le sìı wedę anele.

2 Tımothy 1:2

Tımothy seza lanìı sìı dıı enı̨htł'è wets'ǫ̀ eehtł'è. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà welè.

2 Tımothy 2:1

Eyıt'à nı̨ seza lanet'ee sìı, Zezì-Krı wesǫnıwǫ t'à nànetsoò adı̨ı̨le.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.

Tıtus 2:2

Naxıta gots'ǫ dǫzhìı ǫhdaà sìı hotıì edexogııhdı ha hoghàgı̨ı̨htǫ. Ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Nàowołı̨ı̨ ch'à edek'ègedì ha, nàowo ehkw'ıı k'ę̀ę̀ gıgha ehkw'ı-ahodı ha hǫt'e, dǫ ghǫnegeètǫ ha eyıts'ǫ t'aats'ǫǫ̀ gınì nàtso ha hǫt'e.

Tıtus 3:15

Jǫ dǫ hazǫǫ̀ sexè geèhkw'ee sìı, “Nexè sìghà welè,” gedı. Dǫ goxè gıgha ehkw'ı-ahodı t'à goghǫnegeètǫǫ sìı gogha yatı nezı̨ı̨ gıghàı̨ɂà. Nǫ̀htsı̨ naxıts'ǫ̀ sǫnıwǫ welè.

1 Peter 1:2

Nǫ̀htsı̨-Gotà edınì dahxà naxį̀į̀hchì hǫt'e, hòt'a hayele ha yek'èezǫ t'à. Zezì wek'èaht'e anaxele gha, wedoò naxık'e adle gha, eyıts'ǫ degaı aahłı̨ gha, Nǫ̀htsı̨ Yedàyeh Nezı̨ı̨ naxıdzeè yìı eghàlaedaà ayį̀į̀là. Nǫ̀htsı̨ deɂǫ̀ǫ̀ naxıts'ǫ̀ sǫnıwǫ welè eyıts'ǫ naxıxè sìghà hòɂǫǫ̀ ayııle.

2 John 1:3

Nǫ̀htsı̨-Gotà eyıts'ǫ Weza Zezì-Krı goxè sǫgı̨ı̨wǫ xè gots'ǫ̀ gıdzeè eteèɂı̨ welè eyıts'ǫ goxè sìghà hòɂǫ agııle hanì-ı̨dè nàowo ehkw'ıı k'ę̀ę̀ ełeghǫnets'eètǫ ha.

3 John 1:4

Dǫ seza lagı̨ı̨t'ee sìı nàowo ehkw'ıı k'ę̀ę̀ geeda weghǫ eèhkw'o t'à sıì denahk'e sınà hǫt'e.

Jude 1:2

Nǫ̀htsı̨ naxıts'ǫ̀ wedzeè eteèɂı̨ welè, naxıxè sìghà hòɂǫ ayııle, eyıts'ǫ deɂǫ̀ǫ̀ naxıghǫneètǫ welè.