1 Tımothy 1:13 - Nǫ̀htsı̨ Nı̨htł'è

¹³ Įnę̀ę Nǫ̀htsı̨ wek'èch'a xàyahtı ı̨lèe, eyıts'ǫ yıdaeht'e t'à Nǫ̀htsı̨ wecheekeè dagìıhɂa ı̨lè. Hanìkò dàht'ı̨į̀-aht'ı̨ı̨ sìı wek'èehsǫ-le ı̨lè eyıts'ǫ segha ehkw'ı-ahodı-le t'à hanì eghàlaıhdà t'à Nǫ̀htsı̨ sets'ǫ̀ wedzeè eteèɂı̨ ı̨lè.

1 Tımothy 1:13 ပူးပေါင်းရင်းမြစ်များ

Luke 12:47

“Eyı dǫ, wets'ǫ k'àowo dànıwǫ yek'èezǫ kò yınì k'ę̀ę̀ eghàlaeda-le xè yegha ts'atà wheda-le nı̨dè hòtł'ò nàweekwa ha hǫt'e.

Luke 23:34

Zezì hadı, “Setà, gıghǫ nahoı̨le, dàget'ı̨ı̨ sìı gık'èezǫ nıìle t'à,” hadı. Eghǫǫ-dǫǫ̀ wegoht'ǫǫ̀ ełetaàgeelè gha ekw'ǫą k'egehdè.

Zezì Wecheekeèdeè 22:4

Dǫ Zezì wenàowoò k'ę̀ę̀ agı̨ı̨wǫǫ sìı dagìıhɂa eyıts'ǫ mǫ̀hdaa ełaàgìıhdè ı̨lè. Dǫzhìı eyıts'ǫ ts'èko dǫ-danìı̨laa-kǫ̀ ts'ǫ̀ agèhłà ı̨lè.

Zezì Wecheekeèdeè 3:17

“Sèot'ı̨ı̨, wek'èahsǫ-le t'à hanì Zezì ts'ǫ̀ eghàlaahdà, eyıts'ǫ naxıts'ǫ k'aodèe ededı̨ sı hanì eghàlagı̨ı̨dà.

Zezì Wecheekeèdeè 8:3

Saul Nǫ̀htsı̨ wecheekeè godıhohtsı̨ ha, kǫ̀ta dǫzhìı eyıts'ǫ ts'èko nıgoìle gà dǫ-danìı̨laa-kǫ̀ ts'ǫ̀ agohɂı̨.

Zezì Wecheekeèdeè 9:1

Ekìıyeè k'e Saul ı̨łaà gots'ǫ̀ K'àowo wecheekeè goweè hanıwǫ. Eyıt'à yahtıı-wet'àaɂàa-deè ts'ǫ̀ èhtła.

Zezì Wecheekeèdeè 9:13

Ananıas hadı, “Sets'ǫ̀ K'àowo, eyı dǫ weghǫ godı łǫ eèhkw'o. Nets'ǫ dǫ Jerusalem nàgedèe sìı hoìla łǫ gogha hòèhtsı̨ ghǫ eèhkw'o.

Zezì Wecheekeèdeè 9:5

Saul hadı, “K'àowo, amìı anet'e?” “Zezì aht'e, sı̨ sìı dasenèehɂa hǫt'e.

1 Corınth 15:9

Wecheekeèdeè gha sìı hazǫǫ̀ t'à sı̨ denahk'e dek'aɂį̀ aht'e. Nǫ̀htsı̨ wecheekeè dagı̨ı̨ɂaà agèhłà ı̨lè t'à, wecheekeèdeè ehłı̨ gha xèeht'e-le.

1 Corınth 7:25

Ekò ts'èko hogıat'į̀ whìle sìı gıghǫ gots'ǫ̀ K'àowo t'asasèhdı-le, hanìkò Nǫ̀htsı̨ wesǫnıwǫ t'à ehkw'ı eghàlaehda k'ę̀ę̀ sı̨ dàahwhǫǫ sìı yatı naxıghàehɂà ha:

Galatıa 1:13

Įnę̀ę dànì Israel got'ı̨į̀ gınàowoò k'ę̀ę̀ ıhdàa sìı weghǫ aàhkw'o sǫnaà. Nǫ̀htsı̨ wecheekeè sıì dagìıhɂa xè gıdıhohtsı̨ ha hoèhdzà ı̨lè.

Phılıppı 3:6

Eyı ghǫ sınì nàtso t'à Nǫ̀htsı̨ wecheekeè dagìıhɂa ı̨lè; Pharısee gınàowoò k'ę̀ę̀ ha nı̨dè nàowo k'eıhzhì whìle hǫt'e.

1 Tımothy 1:16

Eyı ts'ıhɂǫ̀ Nǫ̀htsı̨ sets'ǫ̀ wedzeè eteèɂı̨ ı̨lè. Sı̨ hołı̨ı̨-hohtsı̨ı̨-dǫǫ̀ aht'e ı̨lè kò, set'à, dǫ hazǫǫ̀ ts'ǫ̀ wedzeè nezı̨ı̨ xè ts'èwhı̨į̀ godanaèhɂı̨ı̨ sìı wek'èedzǫǫ̀ adììdlà. Sexè ts'èwhı̨į̀ nıwǫ t'à, dǫ gıgha ehkw'ı-ahodıı sìı, eyıts'ǫ welǫ whìle ts'ǫ̀ geeda agììdlàa sìı Nǫ̀htsı̨ dǫ xè sıì ts'èwhı̨į̀ nıwǫ gık'èezǫǫ̀ agǫ̀ǫ̀là.

Hebrew 4:16

Eyıt'à edèdats'eedı-le xè Nǫ̀htsı̨ wesǫnıwǫ wehòhɂǫǫ sìı wenadąą̀ nèts'ııdè, hanì-ı̨dè etegoèhɂı̨ ha eyıts'ǫ gogha hoìla ajà nı̨dè gots'ǫ̀ sǫnıwǫ t'à gots'àdı ha.

1 Peter 2:10

Įnę̀ę Nǫ̀htsı̨ wets'ǫ dǫ aaht'e-le ı̨lè, hanìkò dıì sìı Nǫ̀htsı̨ wets'ǫ aaht'e. Įnę̀ę etenaxeèɂı̨-le ı̨lè, hanìkò dıì sìı etenaxeèɂı̨ hǫt'e.