1 Thessalonıca 5:3 - Nǫ̀htsı̨ Nı̨htł'è

³ Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle.

1 Thessalonıca 5:3 ပူးပေါင်းရင်းမြစ်များ

Matthew 23:33

“Naxı̨ sìı wehłı̨ı̨ weza laaht'e! Wehłı̨kǫ̀ ts'ǫ̀ anaxedle ch'à edaxàahdè ha dahwhǫ nì?

John 16:21

Ts'èko chekoa nìhtè ha nìkw'o nı̨dè hòtł'ò eyaìhłè, hanìkò webebìa gǫ̀hłı̨ tł'axǫǫ̀ nı̨dè wegha eyaı̨lèe sìı yenadì-le, webebìa dǫ elı̨ t'à wınà.

Zezì Wecheekeèdeè 13:41

‘Naxı̨ seyatıì ghaahdlòo yàahłı̨ı̨ sìı aàhkw'o xè ts'ehłı̨ laahde. Dıı nèk'e aahda ekìıyeè k'e t'asìı nechàa eghàlaehda ha, eyı sìı naxıgha ehkw'ı-ahodı ha-le. Dǫ hanaxègedı kò naxıgha ehkw'ı agedı ha nıìle,’ dek'eèhtł'è,” Paul gòhdı.

2 Thessalonıca 1:9

Eyıt'à welǫ whìle ts'ǫ̀ dagı̨ı̨ɂa xè gıdıhołè ha, eyıts'ǫ gots'ǫ̀ K'àowo ts'ǫ̀ nıwà geèhkw'eè agedle ha. Nǫ̀htsı̨ enıìyah t'à nàtso xè t'asìı wegha dìì-le wehòhɂǫǫ sìı hogeɂį̀ hǫı̨lı̨ ha nıìle.

Hebrew 12:23

Dǫ hazǫǫ̀ Nǫ̀htsı̨ ghàgììzhaa sìı gıta dahkw'eè aahjà, eyıts'ǫ gıxè naxıızì yak'e dek'eèhtł'è hǫt'e. Nǫ̀htsı̨ dǫ hazǫǫ̀ gosınìyaehtıı sìı ghǫ nìahde hǫt'e, dǫ deghàà degaı agììdlàa sìı gıts'ǫ ı̨nì ts'ǫ̀ nìahde hǫt'e.

Hebrew 2:3

Eyıt'à Nǫ̀htsı̨ enıìyah k'ę̀ę̀ edaxàgolee sìı wedę ats'ı̨ı̨là nı̨dè nàgoehkwa ch'à kwı̨ts'eehdè ha honàedı nıìle. Edaxàgole ha sìı gots'ǫ̀ K'àowo t'akwełǫ̀ǫ̀ yeghǫ goı̨de ı̨lè, eyıts'ǫ dǫ gı̨į̀hkw'ǫ̀ǫ sìı ededı̨ sı gots'ǫ̀ hagedı.

2 Peter 2:4

Nǫ̀htsı̨ wets'ǫ yak'eet'ı̨į̀ hołı̨ı̨ hogèhtsı̨ ekò etegoèhɂı̨-le ı̨lè, hanìkò wehłı̨kǫ̀ ts'ǫ̀ agǫ̀ǫ̀là. Gısınìyaetıı dzęę̀ gots'ǫ̀ togoòtł'òo gòɂǫǫ k'è gıdanìı̨la hǫt'e.