1 Thessalonıca 5:2 - Nǫ̀htsı̨ Nı̨htł'è

² Eeɂį̀ı̨-dǫǫ̀ to dǫ naàhtǫ dǫ kǫ̀ goyaetła lanì gots'ǫ̀ K'àowo hǫtsaa nììtła ha hotıì wek'èahsǫ hǫt'e.

1 Thessalonıca 5:2 ပူးပေါင်းရင်းမြစ်များ

Matthew 25:13

“Eyıt'à edexoahdı! Ayìı dzęę̀ k'e eyıts'ǫ ayìı sadzeè k'e hagode ha sìı wek'èahsǫ nıìle,” Zezì hadıì goxè godo.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

1 Thessalonıca 5:4

Hanìkò sèot'ı̨ı̨, naxı̨ sìı eyı gha naxıxè togoòtł'ò nıìle, eyıt'à eyı dzęę̀ k'e sìı eeɂį̀ı̨-dǫǫ̀ naxınaàhtǫ naxıkǫ̀ goyaetła lanì naxıtł'ahk'e agode ha nıìle.

2 Thessalonıca 2:2

Dǫ mǫ̀hdaa ekìı ts'edıı yatıì t'à naxıta k'egedè. Nǫ̀htsı̨ weyatıì gıghǫ̀t'ǫ gedı t'à, hanì-le-ı̨dè goxı̨ godı gıghàts'ı̨ı̨ɂǫ gedı t'à, hanì-le-ı̨dè enı̨htł'è naxıts'ǫ̀ ts'ı̨ı̨tł'è gedı t'à gogedeè-agedı. Gots'ǫ̀ K'àowo hòt'a nììtła ı̨lèe ne naxègedı, hanìkò eyı ghǫ nànıahdè xè naxıgha gots'eèdı ha ts'ı̨ı̨wǫ-le.

2 Peter 3:10

Hanìkò gots'ǫ̀ K'àowo nǫ̀ǫtłaa dzęę̀ k'e nı̨dè dǫ gıxaelı ha-le, eeɂį̀ı̨-dǫǫ̀ enìxàezhì lagode ha. Ekìıyeè k'e nı̨dè hòtł'ò nàgoekw'ǫ xè yat'a hazǫǫ̀ whìle agode ha, whǫ̀ dawhelaa hazǫǫ̀, dıı nèè eyıts'ǫ t'asìı hazǫǫ̀ wek'e whelaa sìı kǫ̀ t'à wedıhołè ha.

John Wenazhıı 16:15

Gots'ǫ̀ K'àowo dıı hadı, “Kexoahdı! Eeɂį̀ı̨-dǫǫ̀ lanì hǫtsaa naxıts'ǫ̀ nèehtła ha. Amìı ts'ıgoedìı xè edegoht'ǫǫ̀ edegà whehłaa sìı wexè sìghà ha hǫt'e. Hanì-ı̨dè goht'ǫ dę edeghǫ į̀į̀zhaelı̨ ha-le,” hadı.

John Wenazhıı 3:3

Eyıt'à ayìı naxıghǫ̀t'ǫǫ eyıts'ǫ ayìı aàhkw'oo sìı wenaahdì. Eyı yatı wek'èaht'e xè edek'eahłı̨. Ts'ıahdè-le nı̨dè eeɂį̀ı̨-dǫǫ̀ lanì naxınaàhtǫ naxıts'àhtła ha. Ayìı sadzeè k'e naxıts'àhtła ha sìı wek'èahsǫ ha nıìle.