1 Thessalonıca 3:3 - Nǫ̀htsı̨ Nı̨htł'è

³ Hanì-ı̨dè hoìla naxıxè k'ehokw'o kò, weghǫ nànıahdè-le eyıts'ǫ naxıgha gots'eèdı welè-le. Dats'ı̨ı̨ɂa ha Nǫ̀htsı̨ goghàhòı̨ɂǫǫ sìı wek'èahsǫ hǫt'e.

1 Thessalonıca 3:3 ပူးပေါင်းရင်းမြစ်များ

Luke 21:12

“Hanìkò eyı hazǫǫ̀ hagode kwe sìı naxegìhchı xè danaxegį̀ı̨hɂa ha. Nàyaetıı-kǫ̀ eyıts'ǫ dǫ-danìı̨laa-kǫ̀ ts'ǫ̀ anaxegele ha. K'àowocho eyıts'ǫ dèe-ts'ǫ̀-k'àowo gınadąą̀ naxısınìyaetı anaxegele ha. Sı̨ sets'ıhɂǫ̀ hanì naxıts'ǫ̀ eghàlageeda ha.

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Zezì Wecheekeèdeè 2:25

K'àowocho Davıd dıı hanì yeghǫ ı̨ı̨tł'è ı̨lè, ‘Sets'ǫ̀ K'àowo t'aats'ǫǫ̀ senadąą̀ wègaat'ı̨. Nàgòts'ehnèe k'e segà wheda t'à dehjı̨ ha-le.

Zezì Wecheekeèdeè 21:11

Paul wewè neyı̨į̀wa gà wet'à edılà eyıts'ǫ edekè xèwhezhà, hadı, “Yedàyeh Nezı̨ı̨ hadı, ‘Kǫ̀ta Jerusalem gots'ǫ Israel got'ı̨į̀, dıı whe amìı wets'ǫ ne sìı dıı hanì dageèzhà ha, eyı gà eyıì-le dǫ xàɂaa ghàgıhtè ha,’ ” hadı gots'ǫ̀ goı̨de.

Zezì Wecheekeèdeè 21:13

Hanìkò Paul hadı, “Ayìıha seghǫ aahtse xè sedzeè etseè aahɂı̨? Zezì wıızì ts'ıhɂǫ̀ dasegeezà gha ts'atà whıhda hǫt'e, eyı zǫǫ̀-le wets'ıhɂǫ̀ ekǫ ełaehwhı ha segha asanìle hǫt'e,” gòhdı.

Zezì Wecheekeèdeè 9:16

Sıızì ts'ıhɂǫ̀ hòtł'ò daı̨ɂa ha sìı yek'èezǫǫ̀ awehłe ha,” Zezì yèhdı.

Rome 5:3

Eyı zǫ weghǫ goınà nıìle, hanìkò goxè hoìla t'à dats'ı̨ı̨ɂa nı̨dè weghǫ goınà hǫt'e. Dats'ı̨ı̨ɂa nı̨dè wet'à denahk'e goınì nàtso at'į̀ wek'èts'eezǫ,

1 Corınth 15:58

Eyıt'à sèot'ı̨ı̨, naxınì nàtsoò aahłe. T'asìı wı̨ı̨zìı t'à naxınì nàtso-le awede sǫ̀ǫ̀. Naxıdzeè t'à t'aats'ǫǫ̀ gots'ǫ̀ K'àowo wegha eghàlaahda, k'ètł'ǫ̀ gots'ǫ̀ K'àowo wegha eghàlaahda nıìle, wek'èahsǫ hǫt'e.

1 Corınth 4:9

Weghǫ nànıhwho nı̨dè goxı̨ Nǫ̀htsı̨ wecheekeèdeè ts'ı̨ı̨lı̨ı̨ sìı nǫǫde ts'ǫ̀ ts'eèhkw'e lanì agǫ̀ǫ̀là. Sǫnàts'edèe k'è dǫ gınadąą̀ goweè hołè ha gosınìyaetı lagǫ̀ǫ̀là. T'asìı hazǫǫ̀ hòèlı̨ı̨ yak'eet'ı̨į̀ dǫ hazǫǫ̀ gınadąą̀ hanì gògaat'ı̨į̀ agǫ̀ǫ̀là.

Ephesus 3:13

Eyıt'à naxıgha daıhɂa kò sets'ıhɂǫ̀ naxıgha gots'eèdı awede-le, eyı wet'à sıì naxıgha enıìyah ha hǫt'e.

Phılıppı 1:28

Dǫ naxık'èch'a agedıı sìı gıts'àahjı̨-le, eyı weghàà gıdıhołè ha sìı gık'èezǫ ha, hanìkò naxı̨ edaxàahdè ha sìı gık'èezǫ ha, Nǫ̀htsı̨ ededı̨ at'ı̨ ne t'à.

Colosse 1:23

Eyıt'à Nǫ̀htsı̨ gha naxınì nàtsoò aahwhǫ nı̨dè, weghǫ naaht'è-le nı̨dè, eyıts'ǫ godı nezı̨ı̨ sìı naxıgha ehkw'ı-ahodı nı̨dè naxıxè sìghà ha hǫt'e. Eyı godı nezı̨ı̨ sìı naxıts'ǫ̀ hats'edı hǫt'e eyıts'ǫ dıı nèk'e dǫ hazǫǫ̀ eyı t'à hoghàgıts'eèhtǫ hǫt'e. Sı̨ Paul eyı godı nezı̨ı̨ zǫ gha eghàlaehda hǫt'e.

1 Thessalonıca 5:9

Nǫ̀htsı̨ sìı gosınìyaehtı eyıts'ǫ nàgoehkwa gha gòį̀hchì nıìle, hanìkò gots'ǫ̀ K'àowo Zezì-Krı gogha ehkw'ı-ahodı t'à edaxàgole ha gòį̀hchì hǫt'e.

2 Thessalonıca 1:4

Eyıì-le kǫ̀ta Nǫ̀htsı̨ wecheekeè, dànì danaxegį̀ı̨hɂa eyıts'ǫ naxıxè hoìla kò ı̨łaà naxıgha ehkw'ı-ahodı k'ę̀ę̀ aahdaa sìı ghǫ xàdahots'edì.

2 Tımothy 1:8

Eyıt'à gots'ǫ̀ K'àowo weghǫ dǫ ts'ǫ̀ goı̨de ha į̀į̀zhanelı̨-le, eyıts'ǫ sı̨ wegha dǫ-danìı̨laa-kǫ̀ whıhda t'à seghǫ į̀į̀zhanelı̨-le. Hanìkò godı nezı̨ı̨ gha sexè daneeɂa ha welì. Nǫ̀htsı̨ sìı eyı gha nàts'etsoò agohɂı̨ hǫt'e.

1 Peter 2:21

Zezì-Krı naxıgha daı̨ɂà ne t'à, hanì aahda gha naxıkayaetı hǫt'e. Ededı̨ hanì gogha daı̨ɂàa sìı wek'ę̀ę̀ ts'eeda ha agǫ̀ǫ̀là.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.