1 Thessalonıca 2:9 - Nǫ̀htsı̨ Nı̨htł'è

⁹ Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.

1 Thessalonıca 2:9 ပူးပေါင်းရင်းမြစ်များ

Luke 18:7

Dǫ-sınìyaehtıı-dǫǫ̀ wejıı sìı hanì ehkw'ı eghàlaeda nı̨dè Nǫ̀htsı̨ dǫ edegha nàwhehtsı̨ı̨ sìı asį̀į̀ gogha denahk'e ehkw'ı eghàlaeda ha dahwhǫ? Dzęę̀, toò Nǫ̀htsı̨ ts'ǫ̀ nàdageetì nı̨dè whaà nageèhɂı̨į̀ agǫ̀ǫ̀hwhǫ ha nì?

Luke 2:37

Dıì ek'èdı̨ènǫ-daats'ǫ̀-dı̨ weghoò. Nǫ̀htsı̨kǫ̀-gocho gots'ǫ xàèhtła whìle, hanìkò dzę taàt'eè eyıts'ǫ to taàt'eè edegǫ xè Nǫ̀htsı̨ ts'ǫ̀ yahtı.

Zezì Wecheekeèdeè 18:3

Paul, goxèht'eè nı̨hbàa-ehtsı̨ı̨-dǫǫ̀ elı̨ t'à goxè nàı̨dè eyıts'ǫ goxè eghàlaı̨dà.

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Zezì Wecheekeèdeè 20:31

Eyıt'à sıì kexoahdı! Taı xo gots'ǫ̀, dzę, to senatì xè naxıghǫnatıehɂà ghǫ naht'è-le, eyı wenaahdì.

Rome 1:1

Sı̨ Paul aht'e, Zezì-Krı wegha eghàlaehda. Wecheekeèdeè ehłı̨ gha eyıts'ǫ Nǫ̀htsı̨ wegodıì nezı̨ı̨ dǫ ts'ǫ̀ haehsı̨ gha Nǫ̀htsı̨ sį̀į̀hchì hǫt'e.

Rome 15:16

Zezì-Krı wegha yahtıı wılaà ghàlaehda sììchì hǫt'e. Dǫ eyıì-le xàɂaa Nǫ̀htsı̨ wegodıì nezı̨ı̨ t'à hoghàgeehtǫ ha asį̀į̀là. Hanì-ı̨dè dǫ eyıì-le xàɂaa sìı Nǫ̀htsı̨ ghàgets'ele ha. Yedàyeh Nezı̨ı̨ wedahxà degaı agììdlà t'à Nǫ̀htsı̨ goghǫ sìghà anıwǫ ha.

Rome 15:19

Yedàyeh Nezı̨ı̨ wedahxà nàhtsoò asììdlà ts'ıhɂǫ̀ enıìyah łǫ hòwhıhtsı̨ t'à dıı hanì eghàlaıhdà hǫt'e. Eyıt'à kǫ̀ta Jerusalem gots'ǫ nıwàa nèk'e Ilırıcum ts'ǫ̀ Zezì-Krı wegodıì nezı̨ı̨ deghàà dǫ hazǫǫ̀ ts'ǫ̀ wek'ayawhıhtı hǫt'e.

1 Corınth 4:12

Goılà t'à hòtł'ò eghàlats'eeda. Dǫ gots'ǫ̀ nàdahogeeɂà nı̨dè gıgha yats'ehtı, dagogį̀ı̨hɂa nı̨dè wexè kò ts'èwhı̨į̀ dats'ı̨ı̨ɂa.

1 Corınth 9:15

Hanìkò sı̨ ayìı seghàhòt'à ha ı̨lèe sìı wedę kò dehwhǫ. Edahxǫ t'asìı seghàahłe ha dehwhǫ t'à dıı hanì naxıts'ǫ̀ ehtł'è nıìle. T'asìı k'èxa-le godı nezı̨ı̨ t'à naxıts'ǫ̀ gohdee sìı weghǫ xàdahohdì ha dìì-le. Eyı sìı dǫ seghǫ yìhchı nı̨dè bò dę ełaıhwho kò segha denahk'e nezı̨ hǫt'e.

1 Corınth 9:18

Eyıt'à wek'èxa ayìı seghǫ̀t'à ha? Dıı zǫ k'èxa aht'ı̨: Godı nezı̨ı̨ t'à dǫ ts'ǫ̀ gohde nı̨dè t'asìı k'èxa-le yatı gıghàehɂà hǫt'e. Godı nezı̨ı̨ t'à gohde k'èxa t'asìı seghǫ̀t'à ha hòɂǫ kò, wedę ahɂı̨.

1 Corınth 9:4

Weghǫ shèts'ezhee eyıts'ǫ t'asìı ts'edǫǫ sìı goxı̨ sı gogha nıìle nì?

2 Corınth 11:27

T'aats'ǫǫ̀ hòtł'ò eghàlaehda xè gǫı̨tłǫǫ̀ ıhtè-le. Bò dę xè tı dę aeht'è, eyıts'ǫ goht'ǫ dę aeht'è xè segha edza ı̨lè.

2 Corınth 11:9

Naxıta aeht'è ekò, t'asìı segha whìle kò t'asìı naxeehkè t'à naxıgha hoezhì ahłà whìle. Nǫ̀htsı̨ wets'ǫ dǫ Macedonıa nèk'e gots'ǫ nègı̨ı̨dee sìı ayìı segha whìle sìı seghàgı̨ı̨la hǫt'e. Sets'àahdı t'à naxıgha t'asìı whìle ha dehwhǫ-le, ı̨łaà naxıts'ǫ̀ hanì ehda ha dehwhǫ hǫt'e.

2 Corınth 6:5

gokwǫ̀ǫyaà-gogehɂı̨ t'à, dǫ-danìı̨laa-kǫ̀ nègogı̨ı̨le t'à, gots'ıhɂǫ̀ dǫ xè nàdahoowo hogehtsı̨ t'à; la nàtso ghàlats'eeda t'à, łǫ-eht'aà to ts'ete-le eyıts'ǫ dets'eèhdì t'à;

Phılıppı 4:16

Kǫ̀ta Thessalonıca ekǫ whıhda ekò t'asìı segha whìle t'à ek'èdaà sǫǫ̀mba sets'ǫ̀ aahɂı̨ ı̨lè.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

1 Thessalonıca 2:2

Naxıts'àts'ede kwe kǫ̀ta Phılıppı dǫ nàgedèe sìı gok'adageedè xè dagogį̀ı̨hɂa ı̨lè wek'èahsǫ hǫt'e. Sıì dǫ gok'èch'a agı̨ı̨wǫ kò, Nǫ̀htsı̨ gots'àı̨dì t'à, Nǫ̀htsı̨ wegodıì nezı̨ı̨ naxıts'ǫ̀ hats'edı ha ts'ejı̨-le ı̨lè.

1 Thessalonıca 2:6

Naxı̨ eyıts'ǫ dǫ eyıì-le goghǫ nezı̨į̀ gogede ha ts'ı̨ı̨wǫ t'à ats'et'ı̨ nıìle. Zezì-Krı wecheekeèdeè ats'ı̨ı̨t'e t'à naxıgha hoezhì ats'ele ha ı̨lè,

1 Thessalonıca 3:10

K'achı̨ naxıts'eɂį̀ ha ts'ı̨ı̨wǫ t'à godzeè t'à dzęę̀, toò, ehk'ę̀ę̀ hòtł'ò naxıgha yats'ehtı hǫt'e. Deghàà naxıgha ehkw'ı-ahodıì ade gha naxıts'àts'edı ha ts'ı̨ı̨wǫ.

1 Tımothy 4:10

Eyıt'à wek'ę̀ę̀ hòtł'ò eghàlats'eeda xè wet'à dats'ı̨ı̨ɂa, Nǫ̀htsı̨ edaa sìı wegha goınì nàtsoò ats'ı̨ı̨là t'à. Nǫ̀htsı̨ sìı dıı nèk'e ts'ǫ dǫ hazǫǫ̀ edaxàlee elı̨ı̨ hǫt'e, eyıts'ǫ dǫ gıgha ehkw'ı-ahodıı sìı denahk'e edaxàgole hǫt'e.

1 Tımothy 5:5

Ts'èko gıdǫǫ̀ ełaı̨dèe, sıì etegeèt'ı̨ı̨ xè dǫ wı̨ı̨zìı gok'èdì-le sìı hotıì Nǫ̀htsı̨ ghǫ hòtł'ò agı̨ı̨wǫ ha hǫt'e. Nǫ̀htsı̨ gots'àdı gha toò, dzęę̀ ehk'ę̀ę̀ t'aats'ǫǫ̀ Nǫ̀htsı̨ ts'ǫ̀ yagehtı welì.

2 Tımothy 1:3

Nǫ̀htsı̨ masì weehwhǫ. Secho gıxèht'eè, sınì ehkw'ı xè Nǫ̀htsı̨ wegha eghàlaehda, eyıts'ǫ dzęę̀, toò ehk'ę̀ę̀ t'aats'ǫǫ̀ negha wets'ǫ̀ yahtı.