1 Thessalonıca 2:4 - Nǫ̀htsı̨ Nı̨htł'è

⁴ Į̀le, hanì nıìle, goxı̨ godı nezı̨ı̨ dǫ ts'ǫ̀ k'ets'eɂa gha Nǫ̀htsı̨ goghàhòı̨ɂǫ hǫt'e. Dǫ gınì k'ę̀ę̀ hots'ehtsı̨ ha ats'et'ı̨ nıìle hanìkò Nǫ̀htsı̨ wınì k'ę̀ę̀ hots'ehtsı̨ ha ts'ı̨ı̨wǫ. Ededı̨ sìı godzeè t'à goèhdzà hǫt'e.

1 Thessalonıca 2:4 ပူးပေါင်းရင်းမြစ်များ

Luke 12:42

Zezì yets'ǫ̀ hadı, “Dǫ nezı̨ı̨ aahłı̨ xè goahsǫǫ̀ k'ehoahɂa. Eyı hanıı dǫ sìı wets'ǫ̀ k'àowo edecheekeè hazǫǫ̀ ts'ǫ̀ k'àowoò ayele ha. Weghǫ shèts'ezhee gı̨ı̨wǫ nı̨dè goghàɂeedı ha.

Luke 16:11

Dıı nèk'e t'asìı whelaa sìı wet'à ehkw'ı eghàlaahda-le nı̨dè amìı yak'e ts'ǫǫ̀hk'e t'asìı weghàlaahda naxèhdı ha welì?

John 21:17

K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

Rome 8:27

Nǫ̀htsı̨ godzeè k'èezǫǫ sìı Yedàyeh Nezı̨ı̨ wınì sı k'èezǫ hǫt'e. Yedàyeh Nezı̨ı̨ sìı Nǫ̀htsı̨ wınì k'ę̀ę̀ Nǫ̀htsı̨ wets'ǫ dǫ gha yahtı hǫt'e.

1 Corınth 7:25

Ekò ts'èko hogıat'į̀ whìle sìı gıghǫ gots'ǫ̀ K'àowo t'asasèhdı-le, hanìkò Nǫ̀htsı̨ wesǫnıwǫ t'à ehkw'ı eghàlaehda k'ę̀ę̀ sı̨ dàahwhǫǫ sìı yatı naxıghàehɂà ha:

1 Corınth 9:17

Sı̨ xàè haehwhǫ t'à eyı la weghàlaehda nı̨dè, wek'èxa t'asìı seghǫ̀t'à ha ı̨lè. Ekò Nǫ̀htsı̨ eyı la seghàı̨ɂǫǫ̀ ayį̀į̀là nı̨dè ekìı sılaà weghàlaehda aht'ı̨.

2 Corınth 2:17

Dǫ łǫ gıxèht'eè eghàlats'eeda nıìle, Nǫ̀htsı̨ yatıì t'à dǫ ts'ǫ̀ gots'ede k'èxa gots'àɂeedì t'à sǫǫ̀mba ts'ehtsı̨ nıìle. Hanì nıìle, Nǫ̀htsı̨ dǫ ts'ǫ̀ goı̨hɂà ats'ı̨ı̨t'e t'à, Zezì-Krı wedahxà Nǫ̀htsı̨ wenadąą̀ ehkw'ı dǫ gıts'ǫ̀ gots'ede hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

2 Corınth 5:11

Eyıt'à dànì gots'ǫ̀ K'àowo wek'èats'ı̨ı̨t'e ha wek'èts'eezǫ t'à, dǫ ładı̨į̀ agede ha gıghǫdats'eehnè ha hots'eèhdzà. Dànì ts'eedaa sìı Nǫ̀htsı̨ wegha hotıì nezı̨į̀ wègaat'ı̨ hǫt'e, eyıts'ǫ naxı̨ sı naxınì gha hotıì nezı̨į̀ wègaat'ı̨ nı̨dè dehwhǫ.

2 Corınth 5:16

Eyıt'à jǫ gots'ǫ ı̨daà dıı nèè gots'ǫ dǫ gınàowoò k'ę̀ę̀ dǫ wı̨ı̨zìı gısınìyats'ehtı ha nıìle. Įnę̀ę sìı Zezì-Krı hanì wesınìyats'ı̨ı̨htı ı̨lè, hanìkò dıì sìı hats'et'ı̨-le ats'ejà.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

Galatıa 2:7

Į̀le, hanì nıìle, Peter godı nezı̨ı̨ xè Israel got'ı̨į̀ ts'ǫ̀ awììdlà lanì, sı̨ sı godı nezı̨ı̨ t'à dǫ Israel got'ı̨į̀ agı̨ı̨t'e-le sìı ts'ǫ̀ gohde gha seghàhòt'ǫǫ sìı gık'èhoèhzà.

Ephesus 3:8

Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.

Ephesus 6:6

Gınadąą̀ zǫ gık'èaht'e-le, ekìı naxıghǫ nezı̨į̀ agı̨ı̨wǫ zǫ gha aaht'ı̨-le, hanìkò Zezì-Krı wecheekeè lanì gıgha nezı̨į̀ eghàlaahda, hanì-ı̨dè naxıdzeè t'à Nǫ̀htsı̨ wınì k'ę̀ę̀ eghàlaahda hǫt'e.

Colosse 3:22

Dǫ gıcheekeè yàahłı̨ı̨ sìı dıı nèk'e naxıts'ǫ̀ k'aodèe gı̨ı̨lı̨ı̨ sìı gık'èaht'e. Gınadąą̀ zǫ nezı̨į̀ k'ehoahɂa-le, ekìı naxıghǫ nezı̨į̀ agı̨ı̨wǫ gha aaht'ı̨-le. Hanìkò gots'ǫ̀ K'àowo ts'ǫ̀ nezı̨į̀ kànıahɂa xè naxıdzeè t'à nezı̨į̀ eghàlaahda.

1 Tımothy 6:20

Tımothy, Nǫ̀htsı̨ ayìı netł'aàyı̨ı̨ɂǫǫ sìı hotıì nezı̨į̀ wehonehdı. Dǫ łǫ ełek'ę̀ę̀ agı̨ı̨wǫ-le kò nàowo łǫ wet'à gots'ı̨ı̨zǫ gı̨ı̨wǫ ghǫ gogede. Hanì Nǫ̀htsı̨ wınì k'ę̀ę̀-le sìı wedę anele.

2 Tımothy 1:14

Nàowo ehkw'ıı netł'aà wheɂǫǫ̀ adlàa sìı hotıì wek'ènedì. Yedàyeh Nezı̨ı̨ godzeè yìı nàdèe sìı wexè wek'ènedì.

2 Tımothy 2:2

Eyıts'ǫ dǫ łǫ gıdaà ayìı dàehsı̨ı̨ sı̨į̀kw'oo sìı dǫ gıgha dìì-le laneewǫǫ sìı, eyıts'ǫ dǫ hoghàgeetǫ ha dìì-le sìı seyatıì gıtł'aà wheɂǫǫ̀ anele.

Tıtus 1:3

Ededı̨ wegha ehkw'ı nèhòı̨wo k'e, edeyatıì wek'èhoedzǫǫ̀ ayį̀į̀là. Nǫ̀htsı̨-Gotà Edaxàgolee elı̨ı̨ sìı wedahxà weyatıì t'à dǫ ts'ǫ̀ gohde ha setł'aà wheɂǫǫ̀ ayį̀į̀là.

Hebrew 4:13

T'asìı hazǫǫ̀ hòèlı̨ı̨ sìı ı̨łè kò Nǫ̀htsı̨ wenaàhtǫ wheɂǫ nıìle. T'asìı hazǫǫ̀ wegha ts'ǫwhela xè wenadąą̀ wègaat'ı̨, eyıts'ǫ t'asìı hazǫǫ̀ k'èxa gosınìyaehtı ha hǫt'e.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.