1 Thessalonıca 2:2 - Nǫ̀htsı̨ Nı̨htł'è

² Naxıts'àts'ede kwe kǫ̀ta Phılıppı dǫ nàgedèe sìı gok'adageedè xè dagogį̀ı̨hɂa ı̨lè wek'èahsǫ hǫt'e. Sıì dǫ gok'èch'a agı̨ı̨wǫ kò, Nǫ̀htsı̨ gots'àı̨dì t'à, Nǫ̀htsı̨ wegodıì nezı̨ı̨ naxıts'ǫ̀ hats'edı ha ts'ejı̨-le ı̨lè.

1 Thessalonıca 2:2 ပူးပေါင်းရင်းမြစ်များ

Zezì Wecheekeèdeè 14:3

Eyıt'à Paul eyıts'ǫ Barnabas whaà gots'ǫ̀ eyı kǫ̀ta agı̨ı̨t'è. Gots'ǫ̀ K'àowo wesǫnıwǫ ghǫ ededageedì-le gogı̨ı̨de eyıts'ǫ Nǫ̀htsı̨ enıìyah hogèhtsı̨į̀ agǫ̀ǫ̀là t'à gıgodıì ehkw'ıı sìı wek'èhoedzǫǫ̀ ayį̀į̀là.

Zezì Wecheekeèdeè 14:5

Dǫ eyıì-le xàɂaa, eyıts'ǫ Israel got'ı̨į̀, gıts'ǫ̀ k'aodèe xè Zezì wecheekeèdeè dagogį̀ı̨hɂa ha, eyıts'ǫ kwe t'à ełaàgogìhde ha, hanì ełexè yatı gèhtsı̨.

Zezì Wecheekeèdeè 16:12

Eyı gots'ǫ kǫ̀godeè Phılıppı ts'ǫ̀ ats'ejà. Roman got'ı̨į̀ eyı kǫ̀godeè gogèhtsı̨ ı̨lè. Macedonıa nèk'e hazǫǫ̀ gogha kǫ̀godeè wet'àaɂà hǫt'e. Whaà-lea gots'ǫ̀ eyı nàts'ı̨ı̨dè.

Zezì Wecheekeèdeè 16:19

T'eekoa ts'ǫ̀ k'ahogedè gı̨ı̨lı̨ı̨ sìı k'achı̨ gıt'à sǫǫ̀mba gehtsı̨ ha-le gık'èezǫ t'à Paul eyıts'ǫ Sılas dagogıachì. Kǫ̀ta k'aodèe ts'ǫ̀ agogele ha t'asìı nàedìı k'è yàgòlaa ekǫ ts'ǫ̀ gogeèwa.

Zezì Wecheekeèdeè 16:37

Hanìkò Paul kǫ̀ta k'aodèe cheekeè ts'ǫ̀ hadı, “Gosınìyagı̨ı̨htı-le et'ıì dǫ daà nàgogı̨ı̨hkwa. Roman got'ı̨į̀ k'ę̀ę̀ goıtà kò dǫ-danìı̨laa-kǫ̀ ts'ǫ̀ agogį̀į̀là. Ekìı hanì dǫ naàhtǫ nagogeehɂà ha gı̨ı̨wǫ nì? Į̀le, ededı̨ gots'ǫ̀ gııdè gà xàgogııwa,” gòhdı.

Zezì Wecheekeèdeè 17:1

Kǫ̀godeè Amfıpolıs eyıts'ǫ Apollonıa goxa geède, kǫ̀godeè Thessalonıca ts'ǫ̀ agejà. Ekǫ Israel got'ı̨į̀ gıts'ǫ ełègehdèe-kǫ̀ gòɂǫ.

Zezì Wecheekeèdeè 17:17

Eyıt'à ełègehdèe-kǫ̀ goyìı Israel got'ı̨į̀ eyıts'ǫ Greece got'ı̨į̀ Nǫ̀htsı̨ gı̨ı̨wǫǫ sìı gots'ǫ̀ goı̨de. Eyıts'ǫ dzę taàt'eè t'asìı nàedìı k'è yàgòlaa ekǫ sı dǫ ts'ǫ̀ goı̨de.

Zezì Wecheekeèdeè 19:8

Paul, ekǫ Israel got'ı̨į̀ gıts'ǫ ełègehdèe-kǫ̀ gòɂǫǫ goyaèhtła. Taı sa haı̨wa gots'ǫ̀ edèdaedı-le xè Nǫ̀htsı̨ wenàowoò ghǫ gots'ǫ̀ goı̨de t'à, dǫ gıgha ehkw'ı-ahodıì agejà.

Zezì Wecheekeèdeè 4:13

Peter eyıts'ǫ John geejı̨-le gogede eyıts'ǫ hoghàgeetǫ-le agı̨ı̨t'e gok'èhogeèhzà ekò k'aodèe sıì gıgha enıìyah dìì. Eyı dǫ sìı Zezì xè agıat'į̀ ı̨lè gınadì.

Zezì Wecheekeèdeè 4:20

Ayìı ghàts'ı̨ı̨dàa eyıts'ǫ ayìı weghǫ ts'ıìkw'oo sìı weghǫ gots'ede-le ha dìì,” gedı.

Zezì Wecheekeèdeè 4:31

Yagı̨ı̨htı tł'axǫǫ̀, kǫ̀ goyìı łą̀ą geèhkw'ee sìı hǫtsaa nàgoèhdǫ. Hazǫǫ̀ goyìı geèhkw'ee sìı Yedàyeh Nezı̨ı̨ gık'e ajà t'à Nǫ̀htsı̨ weyatıì t'à gogede ha gınì nàtsoò ajà.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

Rome 1:1

Sı̨ Paul aht'e, Zezì-Krı wegha eghàlaehda. Wecheekeèdeè ehłı̨ gha eyıts'ǫ Nǫ̀htsı̨ wegodıì nezı̨ı̨ dǫ ts'ǫ̀ haehsı̨ gha Nǫ̀htsı̨ sį̀į̀hchì hǫt'e.

2 Corınth 3:12

Hanì gogha ehkw'ı-ahodı t'à sıì weghǫ goınì nàtso hǫt'e.

Colosse 2:1

Naxıgha, kǫ̀ta Laodısıya dǫ nàgedèe sìı gıgha eyıts'ǫ dǫ xàè segıaɂı̨-le sìı gıgha daıhɂa. Dàı̨hcho ts'ǫ̀ naxıgha daıhɂaa sìı wek'èahsǫ ha dehwhǫ.

1 Thessalonıca 1:5

Godı nezı̨ı̨ naxıts'ǫ̀ nèts'ı̨ı̨ɂǫ ekò, yatı zǫ naxıghàts'ı̨ı̨ɂǫ nıìle. Hanìkò Yedàyeh Nezı̨ı̨ ts'ıhɂǫ̀ naxıta enıìyah nàhòwo t'à, eyı godı nezı̨ı̨ hotıì ehkw'ı hǫt'e wek'èahsǫ anaxį̀į̀là. Naxıts'àts'edı ha t'à dànì naxıta nàts'ı̨ı̨dèe sìı wek'èahsǫ hǫt'e.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

Jude 1:3

Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.