1 Peter 5:8 - Nǫ̀htsı̨ Nı̨htł'è

⁸ Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

1 Peter 5:8 ပူးပေါင်းရင်းမြစ်များ

Matthew 13:39

Eyı dǫ wet'à tł'oh nezı̨-le dehshee dèè k'e ayı̨į̀làa sìı wehłı̨ı̨ hǫt'e. Eyı dzęę̀ k'e t'asìı dıìdìı hazǫǫ̀ nàgehtsį̀ı̨ sìı nǫǫde dzęę̀ hǫt'e, eyıts'ǫ k'àowo wecheekeè t'asìı nezı̨ı̨ hazǫǫ̀ xehkǫ̀ goyageewaa sìı yak'eet'ı̨į̀ agı̨ı̨t'e.

Matthew 24:42

“Eyıt'à kexoahdı! Ayìı dzęę̀ k'e naxıts'ǫ̀ K'àowo jǫ nììtła ha sìı wek'èahsǫ nıìle.

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Matthew 4:1

Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.

Matthew 4:11

Eyı tł'axǫǫ̀ wehłı̨ı̨ yets'ǫǫ̀ nàèhtła. Ekòet'ıì yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.

Mark 4:15

Dǫ mǫ̀hdaa wet'à t'asìı dehshee tı̨lı k'e nàı̨tł'ıı lagı̨ı̨t'e. Nǫ̀htsı̨ weyatıì gıìkw'o ts'ǫ̀et'ıì wehłı̨ı̨ eyı yatı goghǫ yìhchı.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

Luke 21:36

Eyıt'à t'aats'ǫǫ̀ kexoahdı, hoìla hawee sìı naxıxè agode ha-le gha yaahtı. Eyıts'ǫ Dǫ-wet'àaɂàa-deè wenadąą̀ nàahza nı̨dè edeghǫ į̀į̀zhaahłı̨ ha-le gha yaahtı,” Zezì gòhdı.

Luke 22:31

Eyı tł'axǫǫ̀ Zezì hadı, “Sımon, hotıì nezı̨į̀ sı̨į̀hkw'ǫ. Wehłı̨ı̨ naxeèhdzà ha nıwǫ,

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

2 Corınth 2:11

Hanì-ı̨dè wehłı̨ı̨ goghǫehnè ha-le. T'aats'ǫǫ̀ goghǫyaeɂà k'ehoɂa wek'èts'eezǫ hǫt'e.

Ephesus 4:27

hanì-ı̨dè wehłı̨ı̨ naxıdaèht'è ha nıìle.

Ephesus 6:11

Nǫ̀htsı̨ wets'ǫ eghǫǫ-dǫǫ̀ lanì, Nǫ̀htsı̨ wets'ǫ ełets'egǫǫ-goht'ǫǫ̀ hazǫǫ̀ edek'e nìahwha, hanì-ı̨dè wehłı̨ı̨ naxık'alawo ha nıwǫ kò weghǫahnè ha dìì-le.

1 Tımothy 2:15

Hanìkò ts'èko gızaa gǫ̀hłı̨ t'à dagı̨ı̨ɂa xè t'aats'ǫǫ̀ gıgha ehkw'ı-ahodı nı̨dè, dǫ ghǫnegeètǫ nı̨dè, degaı nàowoò k'ę̀ę̀ geeda nı̨dè, eyıts'ǫ edeghǫ xàdahogedì-le nı̨dè, edaxàgeedè ha hǫt'e.

1 Tımothy 2:9

Ts'èko sìı ehkw'ı k'ę̀ę̀ nàgehtł'ı̨ ha hǫt'e. Deɂǫ̀ǫ̀ edekwìghà degehtł'ı̨-le kò, t'asìı sǫǫ̀mbaekwo eyıts'ǫ sǫǫ̀mbakweè t'à hòèlı̨ı̨ sìı t'à-aget'ı̨-le kò, eyıts'ǫ goht'ǫ dètìı t'à-aget'ı̨-le kò.

1 Tımothy 3:11

Eyı xèht'eè gıts'èkeè ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Yatıjıı t'à dǫ ghǫ gogede ha-le, edexogııhdı ha, eyıts'ǫ ehkw'ı nàhogehwho gha gııtà ha hǫt'e.

1 Tımothy 3:2

Nǫ̀htsı̨ wecheekeè gha k'àowo elı̨ı̨ sìı weghǫ godı nezı̨-le gǫ̀hłı̨ ha nıìle. Wets'èkeè ı̨łè zǫ gǫ̀hłı̨ xè ehkw'ı eda ha, hotıì edexoehdı ha, nàowołı̨ı̨ ch'à edek'èdì xè dǫ nezı̨į̀ gıts'ǫ̀ naɂa ha, wekǫ̀ dǫ gha enìxànı̨ı̨tǫ ayį̀į̀hwhǫ ha, eyıts'ǫ nezı̨į̀ dǫ hoghàehtǫǫ elı̨ ha hǫt'e.

2 Tımothy 4:17

Hanìkò gots'ǫ̀ K'àowo sexè at'ı̨ t'à, sınì nàtsoò asį̀į̀là. Hanì ts'ıhɂǫ̀ godı nezı̨ı̨ deghàà dǫ ts'ǫ̀ gohde ha, eyıts'ǫ dǫ hazǫǫ̀ Israel got'ı̨į̀ agı̨ı̨t'e-le sìı geèhkw'ǫ ha welì. Ekìıyeè k'e goìjìıcho wewà ch'à Nǫ̀htsı̨ edaxàsį̀ı̨htı̨ ı̨lè.

Tıtus 1:8

Hanìkò wekǫ̀ dǫ gha enìxànı̨ı̨tǫ ayį̀į̀hwhǫ ha, ayìı nezı̨ı̨ sìı ghǫneètǫ ha, nàowołı̨ı̨ ch'à edek'èdì ha, ehkw'ı eda xè degaı lanì ha, eyıts'ǫ nàowo nezı̨ı̨ k'ę̀ę̀ edek'èdì ha hǫt'e.

Tıtus 2:12

Eyı wet'à t'asìı hazǫǫ̀ Nǫ̀htsı̨ wınì k'ę̀ę̀ nıìle sìı, eyıts'ǫ dıı nèk'e t'asìı weghats'eewıı sìı ts'ǫ̀ į̀le ts'edı gha hoghàgoètǫ hǫt'e. Eyıts'ǫ wet'à dıı nèk'e nàowołı̨ı̨ ch'à edek'èts'edì ha, ehkw'ı ts'eeda ha, eyıts'ǫ Nǫ̀htsı̨ wek'ę̀ę̀ ts'eeda ha, wek'èts'eezǫ hǫt'e.

Tıtus 2:2

Naxıta gots'ǫ dǫzhìı ǫhdaà sìı hotıì edexogııhdı ha hoghàgı̨ı̨htǫ. Ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Nàowołı̨ı̨ ch'à edek'ègedì ha, nàowo ehkw'ıı k'ę̀ę̀ gıgha ehkw'ı-ahodı ha hǫt'e, dǫ ghǫnegeètǫ ha eyıts'ǫ t'aats'ǫǫ̀ gınì nàtso ha hǫt'e.

Tıtus 2:4

T'eeko ededǫǫ̀ eyıts'ǫ edeza ghǫnegeètǫ gha hoghàgogııhtǫ.

Tıtus 2:6

Eyı xèht'eè cheko sìı nàowołı̨ı̨ ch'à edek'ègedì gha hotıì gıts'ǫ̀ goı̨de.

James 4:7

Eyıt'à Nǫ̀htsı̨ ghàdeahtè xè wek'èaht'e. Wehłı̨ı̨ ch'à edek'èahdì, hanì-ı̨dè naxıts'ǫǫ̀ naetła ha.

1 Peter 1:13

Eyıt'à nezı̨į̀ k'ehoahɂa gha naxınì nàtsoò aahłe. Nàowołı̨ı̨ ch'à edek'èahdì. Zezì-Krı wègoèht'į̀ nı̨dè Nǫ̀htsı̨ naxıts'ǫ̀ sǫnıwǫǫ̀ ade ha eyı ghǫ hòtł'ò naxıgha ehkw'ı-ahodı welè.

1 Peter 4:7

T'asìı hazǫǫ̀ welǫ agode ha nìhǫǫwo. Eyıt'à naxınì ehkw'ıì aahłe eyıts'ǫ nàowołı̨ı̨ ch'à edek'èahdì, hanì-ı̨dè nezı̨į̀ yaahtı ha dìì-le.

John Wenazhıı 12:10

Eyı tł'axǫǫ̀ yak'e gots'ǫ hòtł'ò dıı hats'edıì hǫt'e: “Hòt'a Nǫ̀htsı̨ edaxàgoı̨la. Ededı̨ sìı K'àowocho elı̨ eyıts'ǫ edets'ǫ Chrıst xè K'àowo nàtsoo elı̨ ha. Amìı Nǫ̀htsı̨ wenadąą̀ t'aats'ǫǫ̀ gòet'ı̨ k'e nìdahoeɂà elı̨ı̨ sìı hòt'a hodàweèdo hǫt'e.

John Wenazhıı 12:12

Eyıt'à naxı̨ hazǫǫ̀ yak'e nàahdèe sìı sıì naxınà welè! Hanìkò wehłı̨ı̨ dıı nèk'e ts'ǫ̀ ajà ne t'à, dèè eyıts'ǫ tıcho xè hoìla hòɂǫ ha! Whaà-lea gots'ǫ̀ zǫ wegha hòɂǫ t'à sıì ìch'è hǫt'e,” ts'edıì hǫt'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 20:2

Eyı yak'eet'ı̨į̀ tıts'aàdìıcho dek'oo daachì. Eyı tıts'aàdìıcho sìı ı̨nę̀ę whaà gots'ǫ gòocho hǫt'e eyıts'ǫ wehłı̨ı̨ hǫt'e. Įłè-lemì xo gots'ǫ̀ wek'èhodì ha t'à yak'eet'ı̨į̀ dayeèzà.