1 Peter 5:7 - Nǫ̀htsı̨ Nı̨htł'è

⁷ Naxıghǫneètǫ ne t'à t'asìı hazǫǫ̀ ghǫ nànıahdèe sìı weghàahłe.

1 Peter 5:7 ပူးပေါင်းရင်းမြစ်များ

Matthew 6:27

Ayìıha t'asìı ghǫ nànıahdè? Dǫ wı̨ı̨zìı nànıwo t'à ı̨łè sadzeè deɂǫ̀ǫ̀ edaà adele ha nıìle.

Matthew 6:28

“Ayìıha goht'ǫ ghǫ nànıahdè? Dèè k'e ı̨t'ǫ̀chàa dehshee sìı wedaànıahdè. Eghàlaeda-le kò wèdaat'ı̨ hǫt'e.

Matthew 6:31

Eyıt'à dıı haahdı-le xè t'asìı ghǫ nànıahdè-le: ‘Ayìı ts'ı̨ı̨ɂà lì?’ ‘Ayìı ts'ats'e lì?’ ‘Ayìı goht'ǫ t'à-ats'et'ı̨ lì?’

Mark 4:38

Hanìkò Zezì ı̨dè tè k'e elà yìı whetı̨ nǫǫ̀. Wecheekeè ts'ıgį̀ı̨hwho, hagıìhdı, “Gots'ǫ̀ K'àowo, tı t'à ełaàts'ede ha nìkw'o. Negha t'asanìle nì?” gıìhdı.

Luke 12:22

Eyıts'ǫ Zezì edecheekeè ts'ǫ̀ hadı, “Eyıt'à ayìı t'à aahda ha, ayìı ghǫ shèahzhe ha, eyıts'ǫ ayìı goht'ǫǫ̀ t'à-aaht'ı̨ ha sìı ghǫ nànıahdè-le.

Luke 12:26

Eyı haı̨htsòa haahłe ha dìì nı̨dè ayìıha t'asìı ghǫ nànıahdè?

John 10:13

Dǫ weèhtł'èe sìı sǫǫ̀mba zǫ k'èxa at'ı̨, eyıts'ǫ sahzǫ̀ą goghǫneètǫ-le t'à sahzǫ̀ą ts'ǫǫ̀ natı̨mǫeda.

Phılıppı 4:6

T'asìı wı̨ı̨zìı ghǫ nànıahdè-le, hanìkò Nǫ̀htsı̨ ts'ǫ̀ yaahtı, t'asìı hazǫǫ̀ naxıgha whìle sìı weahkè, eyıts'ǫ masì wèahdı.