1 Peter 5:5 - Nǫ̀htsı̨ Nı̨htł'è

⁵ Naxı̨ cheko yàahłı̨ı̨ sìı dǫzhìı ǫhdaà gık'èaht'e. Hazǫǫ̀ ełets'ǫ̀ k'èeweèt'ı̨ k'ę̀ę̀ aahda, dıı hanì dek'eèhtł'è t'à: “Nǫ̀htsı̨ dǫ xàhodìı sìı ts'ǫ̀ wınì-le hǫt'e, hanìkò amìı k'èeweèt'ı̨ı̨ elı̨ı̨ sìı ts'ǫ̀ sǫnıwǫ hǫt'e,” hanì dek'eèhtł'è.

1 Peter 5:5 ပူးပေါင်းရင်းမြစ်များ

Luke 22:26

Hanìkò naxı̨ sìı gıxèaht'e ha-le. Naxıta gots'ǫ dǫ denahk'e elı̨ı̨ sìı gochı nǫǫdea lanì elı̨ ha, eyıts'ǫ dǫ gha k'àowo elı̨ı̨ sìı dǫ gha eghàlaedaa-dǫǫ̀ lanì elı̨ ha.

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

Rome 13:14

Hanìkò dıı haaht'ı̨: Gots'ǫ̀ K'àowo Zezì-Krı wınì k'ę̀ę̀ aahda. Dànì gonìłı̨ı̨ k'ę̀ę̀ k'ehots'eɂaa sìı ghǫ nànıahdè-le.

Ephesus 5:21

Ełek'èaht'e, hanì-ı̨dè Zezì-Krı wets'ǫ̀ nezı̨į̀ naahɂa hǫt'e.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

1 Tımothy 5:1

Ǫhdah ekǫ-le hòèhtsı̨ nı̨dè yatı nàtsoo t'à wets'ǫ̀ goı̨de-le, hanìkò netà ts'ǫ̀ goı̨de lanì weghǫnàdaı̨tì. Eyıts'ǫ cheko sìı nechı lanì gıts'ǫ̀ k'ehoı̨ɂa.

Hebrew 13:17

Naxıts'ǫ̀ k'aodèe gı̨ı̨lı̨ı̨ sìı gık'èaht'e. Nezı̨į̀ naxık'ègedì hǫt'e eyıts'ǫ dànì eghàlageeda k'èxa Nǫ̀htsı̨ gosınìyaehtı ha hǫt'e. Gık'èaht'e, hanì-ı̨dè gınà edılaà ghàlageeda ha, eyıts'ǫ gıgha dezhì ha-le. Gılaà gıgha dezhì aahłà nı̨dè gıt'àhoahwhı ha nıìle.

James 4:6

Hanìkò edesǫnıwǫǫ̀ denahk'e gots'ǫ̀ ayehɂı̨ hǫt'e. Hanì ts'ıhɂǫ̀ Nǫ̀htsı̨ Nı̨htł'è dıı hadı: “Nǫ̀htsı̨ sìı dǫ xàhodì k'èch'a at'ı̨, hanìkò dǫ k'èeweèt'ı̨ı̨ elı̨ı̨ sìı ts'ǫ̀ wedzeè sǫnıwǫ hǫt'e,” dek'eèhtł'è.

1 Peter 3:8

Nǫǫde t'à naxıts'ǫ̀ dıı haehsı̨ ha dehwhǫ: ts'èwhı̨į̀ ełexè aahdaa; ełets'ǫ̀ naxıdzeè nezı̨ı̨ aaht'ı̨ı̨, ełèot'ı̨ lanì ełeghǫnıahtǫǫ, etełeahɂı̨ı̨ eyıts'ǫ xàhoahdì-le k'ę̀ę̀ ełets'ǫ̀ naahɂa.

1 Peter 4:1

Zezì-Krı dıı nèk'e ı̨ı̨dà ekò edezhį̀į̀ t'à daı̨ɂà hǫt'e, Zezì-Krı lanì naxı̨ sı naxızhį̀į̀ t'à daahɂa ha naxınì nàtsoò aahłe. Amìı edezhį̀į̀ t'à daı̨ɂaa sìı hołı̨ı̨ nàowoò k'ę̀ę̀ eda-le at'į̀ hǫt'e.

1 Peter 4:5

Hanìkò Nǫ̀htsı̨ nadąą̀ edek'e xàyagehtı ha hǫt'e. Dǫ hazǫǫ̀ geedaa eyıts'ǫ dǫ hazǫǫ̀ ełaı̨dèe sìı hòt'a Nǫ̀htsı̨ gosınìyaehtı ha nìkw'o hǫt'e.