1 Peter 5:3 - Nǫ̀htsı̨ Nı̨htł'è

³ Dǫ gıxoahdı ha anaxììdlàa sìı gıts'ǫ̀ k'adahoahdè-le, hanìkò Nǫ̀htsı̨ wesahzǫ̀ą gıgha k'aodèe nezı̨ı̨ aahłı̨, hanì-ı̨dè naxıxègeɂı̨į̀ agede ha hǫt'e.

1 Peter 5:3 ပူးပေါင်းရင်းမြစ်များ

John 13:15

Hanì naxıghàlaıhdàa sìı wek'ę̀ę̀ eghàlaahda ha, naxı̨ sı weghàà haaht'ı̨ ha naxıdaà hahłà hǫt'e.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

1 Corınth 11:11

Gots'ǫ̀ K'àowo wenadąą̀ ts'èko sìı dǫzhìı dę t'asìı elı̨ nıìle, eyıts'ǫ dǫzhìı sı ts'èko dę t'asìı elı̨ nıìle.

1 Corınth 3:5

Apollos eyıts'ǫ Paul, ayìı gı̨ı̨lı̨ı̨ ghǫ aahdı? Ekìı Nǫ̀htsı̨ wecheekeè awììt'e. Nǫ̀htsı̨ naxıts'ǫ̀ goı̨hɂà t'à naxıgha ehkw'ı-ahodıì aahjà hǫt'e. Goxı̨ ı̨łak'aà Nǫ̀htsı̨ la goghàı̨ɂǫ k'ę̀ę̀ weghàlawìda hǫt'e.

1 Corınth 3:9

Nǫ̀htsı̨ wexè eghàlats'eedaa ats'ı̨ı̨t'e, naxı̨ sìı Nǫ̀htsı̨ wedèè k'e t'asìı dehshee laaht'e, eyıts'ǫ Nǫ̀htsı̨ wekǫ̀ laaht'e.

2 Corınth 1:24

Dànì naxıgha ehkw'ı-ahodıı sìı weghǫ naxıts'ǫ̀ k'ahots'edè dehsı̨į̀-aehsı̨-le, hanìkò naxınà gha naxıxè eghàlats'eeda hǫt'e, naxıgha ehkw'ı-ahodıı sìı wet'à naxınì nàtso hǫt'e.

2 Corınth 4:5

Goxı̨ edeghǫ gots'edeè-ats'edı-le, Zezì-Krı, t'asìı hazǫǫ̀ ts'ǫ̀ k'àowo elı̨ı̨ sìı weghǫ gots'edeè-ats'edı. Zezì wets'ıhɂǫ̀ naxıgha eghàlats'eeda hǫt'e.

Phılıppı 3:17

Sèot'ı̨ı̨, dànì ehdaa sìı sexèahɂı̨, eyıts'ǫ dǫ, nàowo naxıghàts'ı̨ı̨ɂǫ k'ę̀ę̀ geedaa sìı gıghàahda.

Phılıppı 4:9

T'asìı hazǫǫ̀ hoghànaxeèhtǫ sìı k'ę̀ę̀ aahda. Yatı hazǫǫ̀ wet'à nezı̨į̀ aahda ha naxıghàıhɂǫǫ sìı, eyıts'ǫ naxıdaà dànì ıhdàa, eyı hazǫǫ̀ wek'ę̀ę̀ aahda. Hanì-ı̨dè Nǫ̀htsı̨ naxıxè sìghà hòɂǫ ayele ha.

1 Thessalonıca 1:7

Eyıt'à Macedonıa nèk'e eyıts'ǫ Achaıa nèk'e dǫ gıgha ehkw'ı-ahodıı nàgedèe sìı hazǫǫ̀ naxıxègeɂı̨į̀ agejà.

2 Thessalonıca 3:9

Gots'àahdı naxèts'edı ha gogha ehkw'ı ı̨lè kò hanì ha ts'ı̨ı̨wǫ-le ı̨lè. Goxèahɂı̨ ha ts'ıhɂǫ̀ hanì edets'ǫ̀ eghàlats'ı̨ı̨dà.

1 Tımothy 4:12

Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

Tıtus 2:7

T'aats'ǫǫ̀ nezı̨į̀ k'ehoı̨ɂa, hanì-ı̨dè nexègeɂı̨ ha. Nàowo ehkw'ıı k'ę̀ę̀ eyıts'ǫ degaı k'ę̀ę̀ hoghàgı̨ı̨htǫ.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.