1 Peter 5:14 - Nǫ̀htsı̨ Nı̨htł'è

¹⁴ Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı. Zezì-Krı wets'ǫ aaht'ee sìı naxıxè sìghà welè.

1 Peter 5:14 ပူးပေါင်းရင်းမြစ်များ

Matthew 5:47

Naxèot'ı̨ zǫ ts'ǫ̀ nezı̨į̀ naahɂa nı̨dè, dǫ eyıì-le gınahk'e t'asìı nezı̨ı̨ hòahtsı̨ nıìle. Dǫ Nǫ̀htsı̨ k'ègeezǫ-le ededı̨ kò ełets'ǫ̀ nezı̨į̀ nageɂa hǫt'e.

John 14:27

Naxıxè sìghà hòɂǫ agohłe ha. Sexè sìghà hòɂǫǫ sìı naxıghàehɂà ha. Dıı nèk'e dànì dǫ gıxè hòɂǫǫ lanì naxıghàhoehɂà ha-le. T'asìı ghǫ nànıahdè-le eyıts'ǫ dahjı̨-le.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

John 20:19

Nǫ̀htsı̨ dzęę̀ k'e xèhts'ǫ̀ łą̀ą nègı̨ı̨de ekò Israel got'ı̨į̀ gha k'aodèe ts'àgeejı̨ t'à edets'ǫdaànìgį̀ı̨hgè. Hǫtsaa Zezì gonı nàwo, hadı, “Naxıxè sìghà welè!” gòhdı.

John 20:26

Įłè dzęahta k'ehǫǫwo tł'axǫǫ̀ k'achı̨ wecheekeè goyìı geèhkw'e. Ekò Thomas goxè wheda. Eneèdo kò Zezì goyaèhtła, gonı nàwo, hadı, “Naxıxè sìghà welè!” gòhdı.

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

Rome 16:16

Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı. Zezì-Krı wecheekeè hazǫǫ̀, “Naxıxè sìghà welè,” naxègedı.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

1 Corınth 16:20

Nǫ̀htsı̨ cheekeè hazǫǫ̀ jǫ geèhkw'ee sìı “Naxıxè sìghà welè,” gedı. Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı.

2 Corınth 13:12

Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Ephesus 6:23

Gòet'ı̨ gı̨ı̨lı̨ı̨ sìı Nǫ̀htsı̨ goxè sìghà hòɂǫǫ̀ ayııle, Nǫ̀htsı̨-Gotà eyıts'ǫ Zezì-Krı naxıghǫnegeètǫ xè naxıgha ehkw'ı-ahodıì agııle welè.

1 Thessalonıca 5:26

Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı.

1 Peter 1:2

Nǫ̀htsı̨-Gotà edınì dahxà naxį̀į̀hchì hǫt'e, hòt'a hayele ha yek'èezǫ t'à. Zezì wek'èaht'e anaxele gha, wedoò naxık'e adle gha, eyıts'ǫ degaı aahłı̨ gha, Nǫ̀htsı̨ Yedàyeh Nezı̨ı̨ naxıdzeè yìı eghàlaedaà ayį̀į̀là. Nǫ̀htsı̨ deɂǫ̀ǫ̀ naxıts'ǫ̀ sǫnıwǫ welè eyıts'ǫ naxıxè sìghà hòɂǫǫ̀ ayııle.

3 John 1:14

Whaà-le-t'ıì neehɂį̀ ha dehwhǫ, ekìıyeè k'e nı̨dè ełexè gowìdo ha. Nexè sìghà welè. Jǫ goàgı̨ą geèhkw'ee sìı nexè sìghà welè, gedı. Goàgı̨ą ekǫ geèhkw'ee sìı gıtaàt'eè, “Nexè sìghà welè,” segha hagìı̨dı.