1 Peter 4:2 - Nǫ̀htsı̨ Nı̨htł'è

² Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.

1 Peter 4:2 ပူးပေါင်းရင်းမြစ်များ

Matthew 12:50

Amìı Setà yak'e whedaa k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì yèhdı.

Matthew 20:4

Gots'ǫ̀ hadı, ‘Naxı̨ sı sedèè k'e eghàlaahda. Ayìı ehkw'ıı sìı naxıts'àɂeehdì ha,’ gòhdı.

Matthew 21:31

“Eyıt'à eyı weza nàke sìı amìı edetànì k'ę̀ę̀ eghàlaı̨dà?” Zezì gòhdı. Zezì ts'ǫ̀ hagedı, “Edeza t'akwełǫ̀ǫ̀ daı̨hkee sìı,” gıìhdı. Zezì gots'ǫ̀ hadı, “Ehkw'ı anaxèehsı̨, sǫǫ̀mba-nàgehtsį̀ı̨-dǫǫ̀ egedì-le eyıts'ǫ ts'èkojıı naxıkwe-t'ıì Nǫ̀htsı̨ Wenàowoò k'ę̀ę̀ hòɂǫǫ goyageedè ha.

Matthew 7:21

“Dǫ hazǫǫ̀ ‘K'àowo, K'àowo,’ sègedıı sìı Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha nıìle. Amìı, Setà yak'e whedaa k'èı̨t'ee sìı zǫ goyageedè ha.

Mark 3:35

Amìı Nǫ̀htsı̨-Gotà k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì gòhdı.

Mark 7:21

Nàowołı̨ı̨ t'à nànıts'ewoo sìı godzeè yìı gots'ǫ at'ı̨ hǫt'e. Godzeè t'à dıı hanì nanıts'edè: gozhį̀į̀ t'à hołı̨ı̨ k'alats'edèe, ets'eeɂį̀ı̨, dǫ ełaàts'ehwhıı, ełexè hołı̨ı̨ hots'ehtsı̨ı̨,

John 1:13

Wezaa gı̨ı̨lı̨ı̨ sìı dǫkwǫ̀ t'à gıgǫ̀hłı̨ı̨ awèts'edı-le, dǫ hanıwǫ t'à le, eyıts'ǫ dǫzhìı wınì k'ę̀ę̀ sı t'à le, hanìkò Nǫ̀htsı̨ dahxà gıgǫ̀hłı̨ t'à Nǫ̀htsı̨ wezaa gı̨ı̨lı̨ hǫt'e.

John 7:17

Amìı Nǫ̀htsı̨ k'èı̨t'e ha sìı asį̀į̀ Nǫ̀htsı̨ wedahxà gohde, hanì-le-ı̨dè ededahxà gohde, yek'èezǫ ha hǫt'e.

Rome 12:2

Dıı nèk'e dǫ dànì geedaa sìı gık'ę̀ę̀ k'ehoahɂa-le, hanìkò naxınì eładı̨į̀ adlà k'ę̀ę̀ aahda. Hanì-ı̨dè Nǫ̀htsı̨ ayìı wınì k'ę̀ę̀ ne sìı deghàà wek'èahsǫǫ̀ aahde ha. Nǫ̀htsı̨ ayìı wegha nezı̨ı̨ xè degaı ne sìı, eyıts'ǫ ayìı wegha sìghà ne sìı wek'èahsǫǫ̀ aahde ha.

Rome 14:7

Gota gots'ǫ dǫ wı̨ı̨zìı edegha zǫ eda nıìle, eyıts'ǫ dǫ wı̨ı̨zìı edegha zǫ ełaàwı nıìle.

Rome 6:11

Eyı xèht'eè naxı̨ sı hołı̨ı̨ ts'ǫ̀ ełaahde k'ę̀ę̀ ededaànıahdè. Hanìkò Zezì-Krı wet'ǫ̀ǫ̀ Nǫ̀htsı̨ gha aahda k'ę̀ę̀ ededaànıahdè.

Rome 6:2

Hanì ha honàedı nıìle! Goxı̨ hołı̨ı̨ hots'ehtsı̨ ts'ǫ̀ ełaàts'ı̨ı̨dè gha goıtà hǫt'e. Eyıt'à dànì k'èdaà hołı̨ı̨ hots'ehtsı̨ welì?

Rome 7:4

Eyıt'à sèot'ı̨ı̨, Zezì ełaı̨wo ts'ıhɂǫ̀ Moses wenàowoò ts'ǫ̀ ełaahdè k'ę̀ę̀ naxııtà. Hanì-ı̨dè eyıì-le wets'ǫ aaht'e ha, Zezì-Krı gogha naìdà wets'ǫ aaht'e ha, eyıt'à Nǫ̀htsı̨ wınì k'ę̀ę̀ aahda ha hǫt'e.

2 Corınth 5:15

Ededı̨ sìı dǫ hazǫǫ̀ gha ełaı̨wo t'à, dǫ geedaa sìı edegha geeda ha nıìle hanìkò amìı gogha ełaı̨woo eyıts'ǫ gogha naìdàa sìı wegha geeda ha hǫt'e.

Ephesus 2:3

Goxı̨ sı hołı̨ı̨ k'ę̀ę̀ ts'eedaà ekò gıxèts'ı̨ht'e ı̨lè. Hołı̨ı̨ ghats'eewı eyıts'ǫ gonìłı̨ı̨ t'à dàts'ı̨ı̨wǫǫ sìı k'èats'ı̨ı̨t'e ı̨lè. Dǫ hazǫǫ̀ gıxèht'eè gonìłı̨ı̨ k'èxa nàgoehkwa ha gogha hòɂǫ ı̨lè.

Ephesus 4:17

Eyıt'à gots'ǫ̀ K'àowo wedahxà yatı nàtsoo t'à dıı hanaxèehsı̨: Dǫ Nǫ̀htsı̨ k'ègeezǫ-le sìı k'achı̨ gık'ę̀ę̀ aahda-le, gınìłı̨ı̨ k'ę̀ę̀ geeda ne t'à.

Ephesus 5:17

Eyıt'à goahsǫ-le k'ę̀ę̀ aahda-le, hanìkò Nǫ̀htsı̨ ayìı dàahłe ha naxı̨ı̨hwhǫǫ sìı wenıahdì.

Ephesus 6:6

Gınadąą̀ zǫ gık'èaht'e-le, ekìı naxıghǫ nezı̨į̀ agı̨ı̨wǫ zǫ gha aaht'ı̨-le, hanìkò Zezì-Krı wecheekeè lanì gıgha nezı̨į̀ eghàlaahda, hanì-ı̨dè naxıdzeè t'à Nǫ̀htsı̨ wınì k'ę̀ę̀ eghàlaahda hǫt'e.

Colosse 1:9

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha.

Colosse 3:3

Ełaahdèe lanì ı̨lè, eyıt'à dıì aahdaa sìı Zezì-Krı wexè Nǫ̀htsı̨ nezı̨į̀ naxık'èdì.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.

1 Thessalonıca 5:18

Naxıxè dànì k'ehokw'oo sìı Nǫ̀htsı̨ masì wèahdı. Naxı̨ Zezì xè aahdaa sìı Nǫ̀htsı̨ hanì aahda ha naxı̨ı̨hwhǫ.

Hebrew 13:21

Nǫ̀htsı̨ wınì k'ę̀ę̀ eghàlaahda gha t'asìı hazǫǫ̀ naxıghàyııle. Eyıts'ǫ ayìı wınì k'ę̀ę̀ ne sìı Zezì-Krı wet'ǫ̀ǫ̀ naxıdzeè yìı yeghàlaıdà. Welǫ whìle ts'ǫ̀ Zezì weghàsǫhoedı welè. Amen.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

1 Peter 1:14

Chekoa edetà k'èı̨t'ee lanì Nǫ̀htsı̨ k'èaht'e. Įnę̀ę godı nezı̨ı̨ k'èahsǫ-le ekò naxınìłı̨ı̨ k'ę̀ę̀ k'ehoahɂa ı̨lè, hanìkò dıì sìı hanì aahda ha nıìle.

1 Peter 2:1

Hanìkò dıì sìı hołı̨ı̨ hazǫǫ̀ k'ę̀ę̀ k'ehoahɂaa, ełeghǫyaahɂàa, degaı daahtsı̨ı̨, ełeghǫ ts'oxoahdıı, ełıızì jıı aahtsı̨ı̨, eyı hazǫǫ̀ wedę aahłe.

1 John 2:17

Dıı nèè, eyıts'ǫ wenàowołı̨ı̨ hazǫǫ̀ whìle agode ha, hanìkò dǫ Nǫ̀htsı̨ wınì k'ę̀ę̀ edaa sìı welǫ whìle ts'ǫ̀ eda ha.