1 Peter 4:18 - Nǫ̀htsı̨ Nı̨htł'è

¹⁸ Dıı hanì dek'eèhtł'è: “Dǫ ehkw'ı geeda kò edaxàgeedè ha gıgha kèhoedı-le nı̨dè dǫ Nǫ̀htsı̨ k'ègeezǫ-le eyıts'ǫ hołı̨ı̨-hogehtsı̨ı̨-dǫǫ̀ sìı gıgha dàgǫ̀ht'e ha sǫnı?” hanì dek'eèhtł'è.

1 Peter 4:18 ပူးပေါင်းရင်းမြစ်များ

Dànì Kèhoį̀wo 13:13

Dǫzhìı kǫ̀ta Sodom nàgedèe sìı hołı̨ı̨ nàowoò k'ę̀ę̀ geeda, gots'ǫ̀ K'àowo k'èch'a hołı̨ı̨ hogehtsı̨.

Luke 15:1

Įłàà sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ Zezì weyatıì ts'ııhkw'ǫ̀ gı̨ı̨wǫ t'à wemǫǫ̀ nègı̨ı̨de.

Luke 23:31

Įłaà ts'ı dèhdlı̨ et'ıì dǫ hanì eghàlageeda nı̨dè, ts'ı whegǫ nı̨dè dàgode ha? (Dıì hanì sets'ǫ̀ eghàlageeda nı̨dè nǫǫde nı̨dè dànì naxıts'ǫ̀ eghàlageeda ha?)” gòhdı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Zezì Wecheekeèdeè 27:24

hasèhdı, ‘Nı̨ı̨jı̨-le, Paul. Dèe-ts'ǫ̀-k'àowo Caesar wenadąą̀ nesınìyaetı ha. Nǫ̀htsı̨ etenèeɂı̨ t'à nı̨ eyıts'ǫ dǫ hazǫǫ̀ nexè aget'ı̨ı̨ sìı edaxànaxeehłe ha hǫt'e,’ yak'eet'ı̨į̀ sèhdı.

Zezì Wecheekeèdeè 27:31

Eyıt'à Paul eghǫǫ-dǫǫ̀-gha-k'àowo ts'ǫ̀ hadı, “Eyı dǫ elàcho yìı geèhkw'e lenǫsıı edaxàahdè ha nıìle,” yèhdı.

Rome 1:18

Nǫ̀htsı̨, amìı yek'èch'a eghàlaedaa sìı yesınìyaehtı ha yak'e gots'ǫ wek'èedzǫǫ̀ ayį̀į̀là hǫt'e. Dǫ hołı̨ı̨ hogehtsı̨ ts'ıhɂǫ̀ Nǫ̀htsı̨ wek'èch'a t'à, hołı̨ı̨ k'èxa nàgoehkwa ha. Dǫ gınàowołı̨ı̨ t'à nàowo ehkw'ıı k'èch'a eghàlageeda.

Rome 5:6

Dıı wenıahdì welì: Nǫ̀htsı̨ wegha ehkw'ı nèhòkw'o ekò, ı̨łaà edets'àts'edı ha dìì ekìıyeè k'e Zezì-Krı dǫ wejıı gha ełaı̨wo hǫt'e.

Rome 5:8

Hanìkò Nǫ̀htsı̨ sıì goghǫneètǫ t'à dıı hanì gogha eghàlaı̨dà: Įłaà hołı̨ı̨-hots'ehtsı̨ı̨-dǫǫ̀ ats'ı̨ı̨t'e kò Zezì-Krı gogha ełaı̨wo ı̨lè.

1 Corınth 10:12

Eyıt'à amìı nàhtso edeewǫǫ sìı, hołı̨ı̨ t'à naxık'èchıìtła ch'à edexoahdı!

1 Tımothy 1:9

Dǫ ehkw'ı geedaa sìı nàowodeè gıgha adlà nıìle, wek'èts'eezǫ, hanìkò dǫ eyı nàowo k'ègedì-le sìı gıgha adlà hǫt'e: nàowo-k'eezhìı-dǫǫ̀, dǫ k'èagı̨ı̨t'e-le dǫǫ̀, Nǫ̀htsı̨ gı̨ı̨wǫ-le dǫǫ̀, hołı̨ı̨-hogehtsı̨ı̨-dǫǫ̀, hołı̨ı̨ k'ę̀ę̀ geedaa dǫǫ̀, Nǫ̀htsı̨ nàowoò gıtǫ̀-le dǫǫ̀, dǫ edetà eyıts'ǫ edemǫ ełaàgehdee, eyıts'ǫ dǫ-ełahdee-dǫǫ̀,

Hebrew 4:1

Nǫ̀htsı̨ wexè ts'èwhı̨į̀ hòɂǫǫ sìı hots'eɂį̀ gha edeyatıì goghàı̨ɂǫǫ sìı ı̨łaà goxè wheɂǫ hǫt'e. Eyıt'à hotıì edexoahdı, naxıta ts'ǫ dǫ wı̨ı̨zìı eyı gha dek'aɂį̀ awede sǫ̀ǫ̀.

James 5:6

Dǫ ekǫ-le hogèhtsı̨-le xè naxık'èch'a aget'ı̨-le kò gısınìyaahtı xè ełaàgìahde hǫt'e.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

2 Peter 3:7

Nǫ̀htsı̨ weyatıì et'ıì t'à yak'e eyıts'ǫ dıı nèk'e gok'eek'ǫ̀ gha wek'èhodì hǫt'e. T'asìı hazǫǫ̀ wesınìyaetıı dzęę̀ k'e ts'ǫ̀ wek'èhodì, eyıts'ǫ ekìıyeè k'e nı̨dè dǫ hazǫǫ̀ Nǫ̀htsı̨ k'èch'a geedaa sìı gıdıhołè ha.

Jude 1:15

eyıts'ǫ dǫ hazǫǫ̀ gosınìyaehtı ha. Nǫ̀htsı̨ dǫ hazǫǫ̀ yınì k'ę̀ę̀ geeda-le xè hołı̨ı̨ hogehtsı̨ı̨ sìı eyı k'èxa gosınìyaehtı ha, eyıts'ǫ yatıjıı hazǫǫ̀ t'à Nǫ̀htsı̨ k'èch'a xàyagehtı k'èxa gosınìyaehtı ha,” dek'eèhtł'è.