1 Peter 4:14 - Nǫ̀htsı̨ Nı̨htł'è

¹⁴ Zezì-Krı naxıgha ehkw'ı adı t'à dǫ naxık'adageedè nı̨dè, naxıxè sìghà hǫt'e; Nǫ̀htsı̨ wets'ǫ Yedàyeh Nezı̨ı̨ enıìyah t'à naxıts'ǫ̀-èlı̨ hǫt'e.

1 Peter 4:14 ပူးပေါင်းရင်းမြစ်များ

Matthew 5:11

“Sets'ıhɂǫ̀ dǫ naxık'adageedè xè danaxegį̀ı̨hɂa eyıts'ǫ naxıghǫ hogets'ì gogede nı̨dè, naxıxè sìghà hǫt'e.

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

Luke 6:22

Dǫ-wet'àaɂàa-deè wets'ıhɂǫ̀, dǫ naxıdzagı̨ı̨hwhǫ nı̨dè, naxıdę gı̨ı̨wǫ nı̨dè naxık'adageedè nı̨dè, naxızì jıı gehtsı̨ nı̨dè, naxıxè sìghà hǫt'e.

John 15:21

Sı̨ sets'ıhɂǫ̀ hanì naxıts'ǫ̀ eghàlageeda ha hǫt'e, amìı sı̨ı̨hɂàa sìı gık'èezǫ-le t'à.

John 8:48

Israel got'ı̨į̀ gha k'aodèe Zezì ts'ǫ̀ hagedı, “Samarıa got'ı̨į̀ anet'e eyı xè ı̨nìłı̨ı̨ nets'ǫ̀-èlı̨, hanèts'edı ı̨lèe sìı ehkw'ı anèts'edı ı̨lè!” gıìhdı.

John 9:28

Hagòhdı t'à yatıjıı t'à gık'adaedè, hagıìhdı, “Nı̨ wecheekeè anet'e! Goxı̨ Moses wecheekeè ats'ı̨ı̨t'e.

John 9:34

Hadı t'à gıts'ǫ̀ hadı, “Negǫ̀hłı̨ gots'ǫ hołı̨ı̨-hohtsı̨ı̨-dǫǫ̀ anet'e, hoghàgoı̨htǫ ha neewǫ nì?” gıìhdı tł'axǫǫ̀ xàdegeèzhì.

Zezì Wecheekeèdeè 13:45

Dǫ haàtłǫǫ ełèwhede t'à, Israel got'ı̨į̀ sıì ts'ohogeedı xè gıgha nezı̨-le. Paul dàdıı sìı k'èch'a gogede.

Zezì Wecheekeèdeè 18:6

Hanìkò Israel got'ı̨į̀ Paul k'èch'a gogede. Paul ehkw'ı aget'ı̨-le gık'èezǫ ha nıwǫ t'à edegoht'ǫǫ̀ yèhxo xè hagòhdı, “Naxı̨ edaxàahdè-le nı̨dè naxıt'à ha ne. Hòt'a sı̨ sets'ǫ̀ hoèlı̨ nıìle. Jǫ gots'ǫ ı̨daà dǫ eyıì-le xàɂaa gıts'ǫ̀ ahde ha,” gòhdı.

Zezì Wecheekeèdeè 28:22

Hanìkò nı̨ dàneewǫǫ sìı nets'ıìkw'o ha ts'ı̨ı̨wǫ. Hazǫǫ̀ nèk'e eyı nàowo k'ę̀ę̀ geedaa sìı gıghǫ godı nezı̨-le ts'ıìkw'o hǫt'e,” gedı.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

2 Corınth 12:10

Eyıt'à Zezì-Krı wets'ıhɂǫ̀ nàhtso-le nı̨dè, dǫ sek'adageedè nı̨dè, segha nàhotì nı̨dè, dǫ dasegį̀ı̨hɂa nı̨dè, sexè hoìla k'ehokw'o nı̨dè sınà hǫt'e. Nàhtso-le nı̨dè hǫdaats'ǫ̀ nàhtso hǫt'e.

2 Corınth 4:10

Zezì dànì gogha dàı̨ɂàa xè ełaı̨woo sìı t'aats'ǫǫ̀ gozhį̀į̀ yìı edexè k'ets'eɂa hǫt'e, eyı ts'ıhɂǫ̀ Zezì gozhį̀į̀ yìı edaa sìı wek'èedzǫǫ̀ ade ha.

2 Corınth 4:16

Eyıt'à gogha gots'eèdı nıìle. Gozhį̀į̀ nàtso-le adaade kò dzę taàt'eè goınì t'à denahk'e nàts'etsoò agodaade hǫt'e.

Galatıa 1:24

Sexè dàgòjà ghǫ egıìkw'o t'à Nǫ̀htsı̨ ghàsǫgeedı.

Hebrew 11:26

Įdaà Nǫ̀htsı̨ t'asìı nechàa yeghàɂà ha sìı ts'ǫ̀ nadąą̀ nànıwo t'à, Chrıst gha daı̨ɂaa sìı Egypt nèk'e t'asìı nezı̨ı̨ łǫ whela nahk'e wegha wet'àaɂà ı̨lè.

James 1:12

Dǫ weèdzà t'à wexè hoìla kò wınì nàtso-le ade-le sìı wexè sìghà hǫt'e. Ayìı t'à weèdzàa sìı yeghǫèhnǫ nı̨dè wek'èxa welǫ whìle ts'ǫ̀ edaà awedle ha. Amìı Nǫ̀htsı̨ ghǫnegeètǫǫ sìı hanì edeyatıì goghàı̨ɂǫ hǫt'e.

James 5:11

Amìı edınì nàtsoò ayį̀į̀hwhǫ xè yeghǫ nat'è-le sìı wexè sìghà hòɂǫ, wek'èahsǫ hǫt'e. Job wegodıì k'èahsǫ sǫnaà; Nǫ̀htsı̨ ts'ǫ̀ edınì nàtsoò ayį̀į̀hwhǫ, eyıt'à nǫǫde ts'ǫ̀ gots'ǫ̀ K'àowo yexè eładı̨į̀ hòɂǫǫ̀ ayį̀į̀là hǫt'e. Gots'ǫ̀ K'àowo sìı gots'ǫ̀ wedzeè sıì eteèɂı̨ hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 3:14

Ehkw'ı aahda kò daahɂa nı̨dè ı̨łaà naxıxè sìghà hǫt'e. Dıı hanì dek'eèhtł'è, “Ayìı ts'àgeejı̨ı̨ sìı wets'àahjı̨-le eyıts'ǫ t'asìı ts'àahye-le,” dek'eèhtł'è.

1 Peter 3:16

Naxınì hołı̨ı̨ ch'à wek'èahdì, hanì-ı̨dè Zezì-Krı wedahxà dànì k'ehoahɂaa sìı ghǫ dǫ naxık'adageedè nı̨dè, dǫ naxıızì jıı gehtsı̨ ı̨lèe sìı nǫǫde nı̨dè eyı ghǫ sıì į̀į̀zhagı̨ı̨lı̨į̀ agede ha hǫt'e.

1 Peter 4:16

Ekò “Zezì-Krı wek'èaht'ee dǫǫ̀” naxììyeh t'à naxıgha hoìla nı̨dè eyı ghǫ į̀į̀zhaahłı̨-le, hanìkò Zezì-Krı wıızì k'ę̀ę̀ naxììyeh t'à Nǫ̀htsı̨-Gotà weghàsǫahdı.

2 Peter 2:2

Dǫ łǫ edenàowołı̨ı̨ k'ę̀ę̀ eghàlageedaà agede ha, eyıt'à dǫ eyıì-le nàowo ehkw'ıı ghǫ nezı̨į̀ xàyagehtı ha-le.