1 Peter 3:9 - Nǫ̀htsı̨ Nı̨htł'è

⁹ Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.

1 Peter 3:9 ပူးပေါင်းရင်းမြစ်များ

Dànì Kèhoį̀wo 42:25

Gıɂǫhchì yìı tł'olà dagoòɂǫǫ̀ agele ha Joseph edecheekeè ts'ǫ̀ goı̨de, eyıts'ǫ gıts'ǫ satsǫ̀ą degoo t'à tł'olà nàgeehdì ha ı̨lèe sìı gıɂǫhchì yìı whelaà agį̀į̀là, eyıts'ǫ nageedè gha weghǫ shèts'ezhee sı goghàgı̨ı̨dì. Eyı gıgha hadlà tł'axǫǫ̀

Matthew 19:29

Amìı sets'ıhɂǫ̀ edekǫ̀, edechı, ededè, edetà, edemǫ, edeza, eyıts'ǫ wets'ǫ dèè gots'ǫǫ̀ naèhtła k'èxa, eyı weɂǫ̀ǫ̀ ı̨łèakw'eènǫ laàtłǫ ts'ǫ̀ weghǫ̀zhe ha eyıts'ǫ welǫ whìle ts'ǫ̀ edaa eyı sı weghǫ̀t'à ha.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Matthew 5:39

Hanìkò sı̨ dıı hanaxèehsı̨: Hołı̨ı̨-dǫǫ̀ elı̨ı̨ sìı naxık'èch'a eghàlaeda kò ek'èt'à weghàhòahɂà-le. Dǫ tsį̀naxı̨ı̨kà nı̨dè k'achı̨ wets'ǫ̀ naahɂa.

Matthew 5:44

Hanìkò sı̨ dıı hanaxèehsı̨: Dǫ naxınìgelı̨-le sìı gıghǫnıahtǫ eyıts'ǫ dǫ danaxegį̀ı̨hɂaa sìı gıgha yaahtı.

Mark 10:17

Zezì t'asį̀ı̨ ts'ǫ̀ naèhtła ekò dǫ ı̨łè yets'ǫ̀ tı̨mǫèhza gà yegà nàgòı̨hgè, hayèhdı, “K'àowo nezı̨ı̨, ayìı dàhłà nı̨dè welǫ whìle ts'ǫ̀ ehdaà asedle ha?” yèhdı.

Luke 10:25

Įłàà, Nǫ̀htsı̨-yatıì-k'èezǫǫ-deè Zezì èhdzà ha nıwǫ t'à dayeehke, hadı, “K'àowo, welǫ whìle ts'ǫ̀ ts'eeda ha ts'ı̨ı̨wǫ nı̨dè ayìı dàts'ele ha?” yèhdı.

Luke 18:18

K'àowo ı̨łè Zezì daehke, “K'àowo nezı̨ı̨, ayìı dàhłà nı̨dè welǫ whìle ts'ǫ̀ ehdaà asedle ha?” yèhdı.

Rome 12:14

Dǫ danaxegį̀ı̨hɂaa sìı gıgha yaahtı; gıts'ǫ̀ hoìla agode ha dahwhǫ-le hanìkò gıts'ǫ̀ nezı̨į̀ aahdı.

Rome 12:17

Dǫ naxıts'ǫ̀ hojıı eghàlageeda nı̨dè ek'èt'à gıts'ǫ̀ hojıı eghàlaahda-le. Dǫ hazǫǫ̀ gıgha ayìı ehkw'ıı sìı hotıì wek'ę̀ę̀ weghàlaahda.

Rome 8:28

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

Rome 8:30

Nǫ̀htsı̨ nadąą̀ dǫ weza gı̨ı̨lı̨ ha gòį̀hchì ı̨lèe sìı gokayaı̨htı hǫt'e; dǫ gokayaı̨htıı sìı ehkw'ı agǫ̀ǫ̀là; eyıts'ǫ dǫ ehkw'ı agǫ̀ǫ̀làa sìı welǫ whìle ts'ǫ̀ gıxè enıìyah hòɂǫǫ̀ agǫ̀ǫ̀là.

Galatıa 3:14

Ededı̨ edaxàgoı̨la hǫt'e, hanì-ı̨dè Nǫ̀htsı̨ edeyatıì Abraham ghàı̨ɂǫǫ sìı Zezì-Krı wet'ǫ̀ǫ̀ dǫ Israel got'ı̨į̀ agı̨ı̨t'e-le sìı ts'ǫ̀ ade ha. Goxı̨ Zezì-Krı gogha ehkw'ı-ahodı t'à Nǫ̀htsı̨ weyatıì k'e Yedàyeh Nezı̨ı̨ goghàyeɂà ha.

Ephesus 4:32

Ełets'ǫ̀ naxıdzeè eteèɂı̨ welè, Zezì-Krı wet'ǫ̀ǫ̀ Nǫ̀htsı̨ naxıghǫ nahoı̨la k'ę̀ę̀ ełeghǫ nahoahłe.

1 Thessalonıca 5:15

Dǫ naxıts'ǫ̀ ekǫ-le eghàlaeda nı̨dè ek'èt'à gıts'ǫ̀ ekǫ-le eghàlaahda-le, hanìkò t'aats'ǫǫ̀ ełets'ǫ̀ nezı̨į̀ eghàlaahda ha k'ehoahɂa, eyıts'ǫ dǫ hazǫǫ̀ ts'ǫ̀ haaht'e.

Hebrew 12:17

Sìghaı̨waà tł'axǫǫ̀ goza ǫhdaà elı̨ı̨ k'ę̀ę̀ wetà yek'eèyahtı ha nıwǫ ı̨lè, hanìkò wetà hayele ha dìì, wek'èahsǫ hǫt'e. Esau sıì hòtł'ò yeghǫ ı̨tsè kò, wetà wınì eładı̨į̀ ayele ha whį̀ayį̀į̀là.

Hebrew 6:14

Nǫ̀htsı̨ Abraham ts'ǫ̀ hadı, “Nexè sìghà hòɂǫ ahłe ha, eyıts'ǫ nets'ıhɂǫ̀ǫ-dǫǫ̀ łǫ gǫ̀hłı̨ ahłe ha,” yèhdı.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.