1 Peter 3:8 - Nǫ̀htsı̨ Nı̨htł'è

⁸ Nǫǫde t'à naxıts'ǫ̀ dıı haehsı̨ ha dehwhǫ: ts'èwhı̨į̀ ełexè aahdaa; ełets'ǫ̀ naxıdzeè nezı̨ı̨ aaht'ı̨ı̨, ełèot'ı̨ lanì ełeghǫnıahtǫǫ, etełeahɂı̨ı̨ eyıts'ǫ xàhoahdì-le k'ę̀ę̀ ełets'ǫ̀ naahɂa.

1 Peter 3:8 ပူးပေါင်းရင်းမြစ်များ

Matthew 18:33

Etenèehɂı̨ xèht'eè, secheekeè eyıì-le sı etewį̀ı̨ɂı̨ ha ı̨lè,’ yèhdı.

Luke 10:33

Eyı tł'axǫǫ̀ Samarıa gots'ǫ xàhtǫ eyı tı̨lı k'e naetłe nǫǫ̀. Dǫ tı̨lı k'e whetı̨ ghǫ nììtła yeghàı̨dà ekò dǫ eteèɂı̨.

Zezì Wecheekeèdeè 2:1

Pentecost dzędeè k'e agòjà ekò Zezì wecheekeè hazǫǫ̀ ı̨łèhkǫ̀ goyìı geèhkw'e ı̨lè.

Zezì Wecheekeèdeè 27:3

Ek'èdaedzęę̀ k'e kǫ̀ta Sıdon nèts'ı̨ı̨ɂe. Eghǫǫ-dǫǫ̀-gha-k'àowo Paul ts'ǫ̀ dǫ nezı̨ı̨ elı̨. Paul weàgı̨ą nezı̨į̀ gık'èdì ha nıwǫ t'à, edeàgı̨ą gots'àèhtłaà ayį̀į̀là.

Zezì Wecheekeèdeè 28:7

Eyı ts'ǫ̀ nıwà-le dǫ ı̨łè Publıus wìyeh wekǫ̀ nechàa gòɂǫ. Eyı dı k'e dǫ gha k'àowo elı̨ hǫt'e. Eyı k'àowo edekǫ̀ ts'ǫ̀ agǫ̀ǫ̀là t'à taı dzęę̀ ts'ǫ̀ wexè ats'ı̨ı̨t'è. T'asìı wets'ı̨ı̨wǫǫ sìı goghàyı̨ı̨dì, eyıt'à nezı̨į̀ gok'èdì.

Zezì Wecheekeèdeè 4:32

Hazǫǫ̀ gıgha ehkw'ı-ahodıı sìı gıdzeè eyıts'ǫ gınì ı̨łè zǫ lajà. Dǫ t'asìı gıts'ǫ sìı edegha zǫ gık'èdì-le, t'asìı hazǫǫ̀ gıts'ǫ sìı ełetaàgeelè.

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

Rome 15:5

Zezì-Krı wek'ę̀ę̀ aahda t'à, Nǫ̀htsı̨ naxınì nàtsoo xè naxıdzeè nàtsoò ayehɂı̨ı̨ sìı naxınì ı̨łè zǫ layııle.

1 Corınth 1:10

Sèot'ı̨ı̨, Zezì wedahxà hazǫǫ̀ ı̨łè zǫ laaht'e naxèehsı̨, hanì-ı̨dè ełek'èch'a aaht'e ha-le eyıts'ǫ hotıì naxınì ı̨łè zǫ lanì ha.

1 Corınth 12:26

Gozhį̀į̀ k'e t'asìı ı̨łè daı̨ɂa nı̨dè eyıì-le hazǫǫ̀ wexè dagı̨ı̨ɂa hǫt'e; gozhį̀į̀ k'e t'asìı ı̨łè weghàhodì nı̨dè eyıì-le hazǫǫ̀ wexè gınà hǫt'e.

Ephesus 4:2

Hotıì k'èeweèt'ı̨ k'ę̀ę̀ aahda, dǫ ts'ǫ̀ naxıdzeè nezı̨ welè, eyıts'ǫ ełeghǫnıahtǫ xè ełexè ts'èwhı̨į̀ aahda.

Ephesus 4:31

T'asìı hazǫǫ̀ t'à ełek'èch'a aaht'ee sìı wedę aahłe. Ełets'ǫ̀ naxınì nàìtłoo, ełets'ǫ̀ ààhch'ee, ełetawhıahdèe, ełek'adaahdèe, eyıts'ǫ hołı̨ı̨ hazǫǫ̀ k'ę̀ę̀ k'ehoahɂaa sìı wedę aahłe.

Ephesus 4:32

Ełets'ǫ̀ naxıdzeè eteèɂı̨ welè, Zezì-Krı wet'ǫ̀ǫ̀ Nǫ̀htsı̨ naxıghǫ nahoı̨la k'ę̀ę̀ ełeghǫ nahoahłe.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

Phılıppı 3:16

Hanìkò dànì goınì nàtso xè gots'ı̨ı̨zǫǫ̀ ats'ejàa sìı wek'ę̀ę̀ ts'eeda welì.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

Hebrew 13:1

Xàè ełèot'ı̨ lanì t'aats'ǫǫ̀ ełeghǫnıahtǫ.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

James 5:11

Amìı edınì nàtsoò ayį̀į̀hwhǫ xè yeghǫ nat'è-le sìı wexè sìghà hòɂǫ, wek'èahsǫ hǫt'e. Job wegodıì k'èahsǫ sǫnaà; Nǫ̀htsı̨ ts'ǫ̀ edınì nàtsoò ayį̀į̀hwhǫ, eyıt'à nǫǫde ts'ǫ̀ gots'ǫ̀ K'àowo yexè eładı̨į̀ hòɂǫǫ̀ ayį̀į̀là hǫt'e. Gots'ǫ̀ K'àowo sìı gots'ǫ̀ wedzeè sıì eteèɂı̨ hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 2:17

Nezı̨į̀ ełets'ǫ̀ naahɂa xè dıı hanì aahda: Amìı naxıxèht'eè gıgha ehkw'ı-ahodıı sìı gıghǫnıahtǫ, Nǫ̀htsı̨ wek'èaht'e, eyıts'ǫ k'àowocho wets'ǫ̀ nezı̨į̀ naahɂa.

1 Peter 5:5

Naxı̨ cheko yàahłı̨ı̨ sìı dǫzhìı ǫhdaà gık'èaht'e. Hazǫǫ̀ ełets'ǫ̀ k'èeweèt'ı̨ k'ę̀ę̀ aahda, dıı hanì dek'eèhtł'è t'à: “Nǫ̀htsı̨ dǫ xàhodìı sìı ts'ǫ̀ wınì-le hǫt'e, hanìkò amìı k'èeweèt'ı̨ı̨ elı̨ı̨ sìı ts'ǫ̀ sǫnıwǫ hǫt'e,” hanì dek'eèhtł'è.

2 Peter 1:7

Nǫ̀htsı̨ wınì k'ę̀ę̀ aahdaa sìı wexè naxèot'ı̨ gıts'ǫ̀ naxıdzeè nezı̨ aaht'ı̨, eyıts'ǫ naxèot'ı̨ gıts'ǫ̀ naxıdzeè nezı̨ wexè ełeghǫnıahtǫ.

1 John 3:14

Gòet'ı̨ gıghǫnets'eètǫ ts'ıhɂǫ̀ ełaàts'ı̨ı̨dè gots'ǫ nats'ìdà lats'ejà wek'èts'eezǫ hǫt'e. Amìı edèot'ı̨ ghǫneètǫ-le sìı ı̨łaà ełaı̨wo hǫt'e.