1 Peter 3:4 - Nǫ̀htsı̨ Nı̨htł'è

⁴ hanìkò naxıdzeè t'à naxèdaat'ı̨ ha hǫt'e. Dǫ ts'ǫ̀ naxıdzeè nezı̨ı̨ eyıts'ǫ ts'èwhı̨į̀ dahwhǫ nı̨dè Nǫ̀htsı̨ wegha t'asìı nechàa hǫt'e.

1 Peter 3:4 ပူးပေါင်းရင်းမြစ်များ

Matthew 11:29

Senàowoò edek'e aahłe eyıts'ǫ hoghànaxııhtǫ. Dǫ ts'ǫ̀ sedzeè nezı̨ xè k'èeweèt'ı̨ aht'e. Sek'èaht'e nı̨dè naxıdzeè xè ts'èwhı̨į̀ hòɂǫ ha.

Matthew 21:5

“Jerusalem got'ı̨į̀ gıts'ǫ̀ dıı haahdı, ‘Naxıts'ǫ k'àowocho ts'èwhı̨į̀ nıwǫ xè tłı̨tsoa weza k'e dawheda xè naxıts'ǫ̀ nayahte,’ ” nakwenàoɂǫǫ hadı ı̨lè.

Matthew 23:26

Naxı̨ Pharısee yàahłı̨ı̨ sìı naxıdaà goìlee laaht'e. Naxılıbò eyıts'ǫ naxıkw'à nezı̨į̀ weyìı wek'enaahtse ha hǫt'e, hanì-ı̨dè weka sı degoò ade ha.

Matthew 5:5

Amìı k'èeweèt'ı̨ gı̨ı̨lı̨ı̨ sìı gıxè sìghà hǫt'e; dèè gıghaelı̨ ha.

Luke 11:40

Goahsǫ-le dìì! Amìı gozhį̀į̀ weka yèhtsı̨ı̨ sìı goyìı sı yèhtsı̨ hǫt'e.

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

Rome 1:23

Nǫ̀htsı̨ welǫ whìle ts'ǫ̀ enıìyah deè elı̨ı̨ sìı ts'ǫ̀ yagehtı-le agejà. Ededı̨ t'asìı gèhtsı̨ı̨ sìı ts'ǫ̀ yagehtıì agejà. Dǫ k'ę̀ę̀ wègaat'ı̨ lanıı, yat'a k'edèe lanıı, gòocho lanıı, eyıts'ǫ tıts'aàdìı hòèlı̨ı̨ lanıı ts'ǫ̀ yagehtıì agejà.

Rome 2:29

Hanì nıìle! Dǫ wedzeè t'à Israel got'ı̨į̀ wedeèdlı̨ı̨ elı̨ nı̨dè, eyıts'ǫ Yedàyeh Nezı̨ı̨ t'à dǫ wedzeè k'e nàweet'à lanì nı̨dè, ehkw'ı nàweat'a hǫt'e. Nàowo dek'eèhtł'è k'ę̀ę̀ nàweat'a zǫ t'à Israel got'ı̨į̀ wedeèdlı̨ı̨ elı̨ nıìle. Dǫ Yedàyeh Nezı̨ı̨ t'à wedzeè nàt'à nı̨dè Nǫ̀htsı̨ yeghǫ sìghà adı ha hǫt'e, eyı sìı dǫ yeghǫ sìghà adı nahk'e nezı̨ hǫt'e.

Rome 6:6

Įnę̀ę dǫ dàhòt'ı̨ı̨ ts'ı̨ı̨lèe sìı Zezì-Krı xè dechı̨et'aa k'e wedıìtsò hǫt'e. Hanì-ı̨dè gonìłı̨ı̨ sìı wedıhołè adle ha, eyıts'ǫ hołı̨ı̨ gots'ǫ̀ k'àhowo ha-le.

Rome 7:22

Sedzeè t'à Nǫ̀htsı̨ wenàowoò degaı ghǫ sınà hǫt'e,

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 4:16

Eyıt'à gogha gots'eèdı nıìle. Gozhį̀į̀ nàtso-le adaade kò dzę taàt'eè goınì t'à denahk'e nàts'etsoò agodaade hǫt'e.

Galatıa 5:23

ełets'ǫ̀ godzeè nezı̨ı̨, eyıts'ǫ hołı̨ı̨ nàowoò ch'à edek'èts'edì. Eyı hanıı wets'àet'ǫ gha nàowo gǫ̀hłı̨ nıìle.

Ephesus 4:2

Hotıì k'èeweèt'ı̨ k'ę̀ę̀ aahda, dǫ ts'ǫ̀ naxıdzeè nezı̨ welè, eyıts'ǫ ełeghǫnıahtǫ xè ełexè ts'èwhı̨į̀ aahda.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

Colosse 3:3

Ełaahdèe lanì ı̨lè, eyıt'à dıì aahdaa sìı Zezì-Krı wexè Nǫ̀htsı̨ nezı̨į̀ naxık'èdì.

1 Thessalonıca 4:11

Dànì hoghànaxets'eèhtǫ k'ę̀ę̀ aahda: Ts'èwhı̨į̀ aahda ghǫ hòtł'ò aahwhǫ; t'asìı naxıìdı-le sìı weghǫ nànıahdè-le; eyıts'ǫ naxılà t'à eghàlaahda.

2 Thessalonıca 3:12

Dǫ hanıı sìı gots'ǫ̀ K'àowo Zezì-Krı wedahxà dıı hats'edıì gıghǫnàdats'eetì, “Haaht'ı̨-le xè edewà-aahdıı gha eghàlaahda,” gìts'edı hǫt'e.

1 Tımothy 2:2

K'àowocho hazǫǫ̀, eyıts'ǫ dıı nèk'e gogha k'aodèe gı̨ı̨lı̨ı̨ hazǫǫ̀ gıgha yaahtı, hanì-ı̨dè ts'èwhı̨į̀ ts'eeda xè ts'èwhı̨į̀ goxè hòɂǫ ha, eyıts'ǫ Nǫ̀htsı̨ wegha degaı k'ę̀ę̀ ts'eeda ha.

2 Tımothy 2:25

Dǫ gık'èch'a agedıı sìı edek'egı̨ı̨lı̨ gha Nǫ̀htsı̨ goghàhòɂà ha t'à ts'èwhı̨į̀ hoghàgoehtǫ ha hǫt'e. Hanì-ı̨dè nàowo ehkw'ıı sìı gık'èezǫǫ̀ agede ha,

Tıtus 3:2

Dǫ gıızì jıı gııhtsı̨-le, dǫ hazǫǫ̀ ts'ǫ̀ ts'èwhı̨į̀ gııdà, gıdzeè nezı̨ı̨ t'à dǫ daànıgedè ha eyıts'ǫ dǫ hazǫǫ̀ ts'ǫ̀ k'èeweèt'ı̨ k'ę̀ę̀ geeda ha hǫt'e.

James 1:21

Eyıt'à hołı̨ı̨ nàowoò hazǫǫ̀ wet'à hołı̨ı̨ k'ę̀ę̀ k'ehoahɂaa sìı wedę aahłe. Nǫ̀htsı̨ yatıì naxıdzeè yìı adlàa sìı k'èeweèt'ı̨ lanì wek'ę̀ę̀ aahda, eyı wet'à edaxànaxeetè ha dìì-le.

1 Peter 1:23

Naxı̨ sìı k'achı̨ naxıgǫ̀hłı̨į̀ aahjà hǫt'e. T'asìı wedıhołè ha sìı t'à aahjà nıìle, hanìkò Nǫ̀htsı̨ weyatıì welǫ whìle ts'ǫ̀ wheɂǫǫ sìı t'à k'achı̨ naxıgǫ̀hłı̨ hǫt'e.

1 Peter 3:15

Hanìkò naxıdzeè t'à Zezì-Krı naxıts'ǫ̀ K'àowo elı̨į̀ aahłe. Naxıgha ehkw'ı-ahodı ghǫ dǫ danaxeehke nı̨dè eyı ghǫ yatı weahɂà gha ts'atà dahkw'e ha hǫt'e. Naxıdzeè nezı̨ı̨ t'à wets'ǫ̀ goahde eyıts'ǫ eyı dǫ nezı̨į̀ wets'ǫ̀ naahɂa.