1 Peter 3:22 - Nǫ̀htsı̨ Nı̨htł'è

²² Zezì-Krı yak'e ts'ǫ̀ ajà xè Nǫ̀htsı̨ gà nàgòts'ehnèe wheda, eyıts'ǫ yak'eet'ı̨į̀ hazǫǫ̀ eyıts'ǫ k'aodèe gı̨ı̨lı̨ı̨ hazǫǫ̀ gık'į̀ı̨t'eè agììdlà.

1 Peter 3:22 ပူးပေါင်းရင်းမြစ်များ

Matthew 22:44

‘Gots'ǫ̀ K'àowo, sets'ǫ̀ K'àowo ts'ǫ̀ hadı, Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè anehłe gots'ǫ̀, nàgòts'ehnèe segà wheęda,’ dek'eèhtł'è.

Matthew 28:18

Zezì gogà nììtła xè gots'ǫ̀ hadı, “Įdòo yak'e eyıts'ǫ dıı nèk'e t'asìı hazǫǫ̀ ts'ǫ̀ k'àowo ehłı̨ ha seghàhòt'ǫ hǫt'e.

Mark 12:36

K'àowocho Davıd Yedàyeh Nezı̨ı̨ dahxà dıı hadı ı̨lè: ‘Gots'ǫ̀ K'àowo, sets'ǫ̀ K'àowo ts'ǫ̀ hadı: Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè anehłe gots'ǫ̀, nàgòts'ehnèe k'e segà wheęda,’ dek'eèhtł'è.

Mark 16:19

Gots'ǫ̀ K'àowo hanì gots'ǫ̀ goı̨de tł'axǫǫ̀ ı̨dòo yak'e ts'ǫ̀ nıwıìtı̨ eyıts'ǫ Nǫ̀htsı̨ gà nàgòts'ehnèe wheda.

Luke 20:42

K'àowocho Davıd ededı̨ Shı̨ Nı̨htł'è k'e dıı hadı, ‘Gots'ǫ̀ K'àowo sets'ǫ̀ K'àowo ts'ǫ̀ hadı: Nets'ǫ̀ xànegı̨ı̨ɂaa gı̨ı̨lı̨ı̨ sìı hazǫǫ̀ gıghǫı̨hnè agehłe gots'ǫ̀, nàgòts'ehnèe segà wheęda,’ dek'eèhtł'è.

John 13:32

Dǫ-wet'àaɂàa-deè wet'à Nǫ̀htsı̨ weghàsǫhoedı nı̨dè, Nǫ̀htsı̨ ededı̨ edet'à Weza weghàsǫhoedıì ayele ha, ekòet'ıì hayele ha.

Zezì Wecheekeèdeè 1:11

Gots'ǫ̀ hagedı, “Galılee got'ı̨į̀, ayìıha ı̨dòo yat'a ts'ǫ̀ k'eaht'į̀? Zezì naxıts'ǫǫ̀ yak'e ts'ǫ̀ nıwıìtı̨ı̨ sìı, eyı xèht'eè yak'e gots'ǫ jǫ anade ha hǫt'e,” gògedı.

Zezì Wecheekeèdeè 3:21

Nǫ̀htsı̨ t'asìı hazǫǫ̀ ehkw'ı hòɂǫǫ̀ ayele gots'ǫ̀, Chrıst yak'e wheda ha hǫt'e. T'akwe whaà nakwenàoɂǫǫ degaı gı̨ı̨lı̨ı̨ sìı Nǫ̀htsı̨ gha gogı̨ı̨de t'à Nǫ̀htsı̨ edeyatıì k'ę̀ę̀ hohtsı̨ ha hadı ı̨lè.

Rome 8:34

Eyıt'à amìı ełaàts'ehde gha gosınìyaehtı ha? Dǫ wı̨ı̨zìı-le! Zezì-Krı gogha ełaı̨wo, gogha naìdà, eyıts'ǫ dıì Nǫ̀htsı̨ gà nàgots'ehnèe wheda xè gok'edaedı hǫt'e.

Rome 8:38

Nǫ̀htsı̨ goghǫneètǫǫ sìı t'asìı wı̨ı̨zìı yech'à ı̨łak'aà agole ha nıìle, hotıì wek'èts'eezǫ. Ełaàts'edee, ts'eedaa, ehk'ę̀ę̀ ı̨łaà goghǫneètǫ ha hǫt'e. Yak'eet'ı̨į̀ hanì-le-ı̨dè ı̨nìłı̨ı̨ yets'ǫǫ̀ agole ha nıìle. Dıì dànì k'ehokw'oo, ı̨daà dàgode ha sìı t'à wets'ǫǫ̀ agole ha nıìle, eyıts'ǫ Nǫ̀htsı̨ dànì goghǫneètǫǫ sìı ch'à ı̨łak'aà agogele ha nıìle.

1 Corınth 15:24

Eyı tł'axǫǫ̀-ı̨dè nǫǫde dzęę̀ k'e nèhòkw'ı ha. Eyı dzęę̀ k'e Zezì-Krı, ı̨dòo yat'a k'aodèe hazǫǫ̀ godıhòèhtsı̨ tł'axǫǫ̀ nı̨dè, Nǫ̀htsı̨ Wenàowoò k'ę̀ę̀ hòɂǫǫ sìı Nǫ̀htsı̨-Gotà wetł'aà wheɂǫǫ̀ ayele ha.

Colosse 3:1

Zezì-Krı wexè naàhdà aahjà ts'ıhɂǫ̀, ı̨dòo yak'e Zezì-Krı, Nǫ̀htsı̨-Gotà gà nàgòts'ehnèe wheda t'à yak'e ghǫ naxıdzeè nàtsoò aahwhǫ.

Hebrew 1:13

Nǫ̀htsı̨ sìı edeyak'eet'ı̨į̀ ı̨łè ts'ǫ̀ dıı hadı whìle, “Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè agehłe gots'ǫ̀, nàgòts'ehnèe k'e segà wheęda,” edeyak'eet'ı̨į̀ ts'ǫ̀ hanı̨ı̨dì whìle.

Hebrew 1:3

Nǫ̀htsı̨ Weza sìı dànì Nǫ̀htsı̨ wexè saı̨dı̨ı̨ sìı yexèht'eè wexè saı̨dı̨ hǫt'e. Nǫ̀htsı̨ dànì wègaat'ı̨ı̨ sìı Weza hotıì yexèht'eè wègaat'ı̨ hǫt'e, weyatıì nàtso t'à t'asìı hazǫǫ̀ edaà ayį̀į̀hwhǫ. Dǫ gha ełaı̨wo t'à gıhołı̨į̀ gıghǫ nahoazha ayį̀į̀là tł'axǫǫ̀, ı̨dòo yak'e Nǫ̀htsı̨ t'asìı wegha dìì-le sìı gà nàgòts'ehnèe wheda.

Hebrew 1:6

Eyıts'ǫ Nǫ̀htsı̨ xàè Edeza dıı nèk'e ts'ǫ̀ yı̨ı̨hɂà kwe yeghǫ dıı hadı ı̨lè, “Nǫ̀htsı̨ weyak'eet'ı̨į̀ hazǫǫ̀ gıghàsǫedı welè,” dek'eèhtł'è.

Hebrew 10:12

Hanìkò dıı yahtıı-wet'àaɂàa-deè sìı welǫ whìle ts'ǫ̀ gha ı̨łàà zǫ gohołı̨į̀ k'èxa Nǫ̀htsı̨ ghàdìtı̨ tł'axǫǫ̀, Nǫ̀htsı̨ gà nàgòts'ehnèe wheda.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 4:14

Zezì Nǫ̀htsı̨ Weza gogha yahtıı-wet'àaɂàa-deè elı̨ı̨ sìı yak'e Nǫ̀htsı̨ nadąą̀ eghàlaı̨dàa sìı hòtł'ò gogha ehkw'ı-ahodıı ts'edı nı̨dè Zezì wexè ats'et'ı̨ hǫt'e.

Hebrew 6:20

Ekǫ Zezì gonakweè gogha goyaèhtła hǫt'e. Ededı̨ sìı welǫ whìle ts'ǫ̀ Melkızedek wek'ę̀ę̀ yahtıı-wet'àaɂàa-deè whelı̨ hǫt'e.

Hebrew 8:1

Ayìı awèts'edıı sìı dıı awèts'edı: Yahtıı-wet'àaɂàa-deè deghàà degaı elı̨ gots'ǫ hǫt'e, eyı sìı yak'e Nǫ̀htsı̨ wexè enıìyah hòɂǫǫ gà nàgòts'ehnèe wheda,

Hebrew 9:24

Zezì-Krı sìı nı̨hbàa dǫlà t'à hòèlı̨ı̨ k'è goyaı̨za nıìle, eyı nı̨hbàa sìı yak'e degaı k'è gòɂǫǫ k'ę̀ę̀ hòèlı̨ı̨ hǫt'e. Zezì xàè yak'e goyaı̨za hǫt'e, dıì Nǫ̀htsı̨ nadąą̀ gogha nàwo hǫt'e.