1 Peter 3:21 - Nǫ̀htsı̨ Nı̨htł'è

²¹ Eyı tı sìı wet'à naxık'ètaìdzǫ lanì hǫt'e, wet'à edaxàwhahde ne t'à. Naxızhį̀į̀ k'e tsǫ̀ whìle adle gha naxık'ètaìdzǫ nıìle, hanìkò wet'à Nǫ̀htsı̨ ts'ǫ̀ sıì naxınì ehkw'ıì ade gha naxık'ètaìdzǫ hǫt'e. Zezì-Krı k'achı̨ naìdà eyıts'ǫ naxık'ètaìdzǫ t'à edaxàwhahde hǫt'e.

1 Peter 3:21 ပူးပေါင်းရင်းမြစ်များ

Matthew 28:19

Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.

Mark 16:16

Amìı wegha ehkw'ı-ahodı xè wek'ètaìdzǫǫ sìı edaxàweetè ha, hanìkò amìı wegha ehkw'ı-ahodı-le sìı wegha hoìla ha.

John 13:9

Eyıt'à Sımon-Peter hadı, “Hanì-ı̨dè sekè zǫ anele-le, sılà eyıts'ǫ sekwì sı anele,” yèhdı.

Zezì Wecheekeèdeè 16:33

Totanı ekìıyeè k'e dǫ-danìı̨laa-k'èdìı-dǫǫ̀ whatsǫǫ̀ nègòı̨wa gà gokaà k'enaı̨htso. Eyı tł'axǫǫ̀ ededı̨ eyıts'ǫ wèot'ı̨ hazǫǫ̀ ekòet'ıì gık'ètaìdzǫ.

Zezì Wecheekeèdeè 2:38

Peter gots'ǫ̀ hadı, “Edek'eahłı̨, naxınì eładı̨į̀ aahłe. Naxıhołı̨į̀ naxıghǫ nahoezhe ha t'à, hazǫǫ̀ naxıtaàt'eè Zezì wıızì t'à naxık'ètaìdzı̨į̀ adeahłe. Hanì-ı̨dè Yedàyeh Nezı̨ı̨ naxık'e ade ha.

Zezì Wecheekeèdeè 22:16

Hot'eè ayìı k'enaąɂı̨, nıį̀tła! Gots'ǫ̀ K'àowo wıızì t'à nek'ètaìdzı̨ ha eyıts'ǫ nehołı̨į̀ neghǫ nahoezhe ha,’ sèhdı.

Zezì Wecheekeèdeè 8:36

Tı̨lı k'e nagıadè ekò tı whehtǫ gà nègı̨ı̨de. Eyı dǫ hadı, “Jǫ tı whehtǫ, asį̀į̀ sek'ètaìdzı̨ ha dìì-le?” yèhdı.

Rome 5:14

Hanìkò Adǫ̀ dıı nèk'e nàı̨wo gots'ǫ, Moses ı̨dà gots'ǫ̀ dǫ hazǫǫ̀ ełaàgede ı̨lè. Adǫ̀ Nǫ̀htsı̨ nàowoò nàı̨zhì k'ę̀ę̀ nàowo nàgı̨ı̨zhì-le kò, gıts'ǫ̀ hagòjà. Eyıts'ǫ Adǫ̀ Zezì ı̨łaà nììtła ha ı̨lèe sìı yexèht'eè lanì hǫt'e, į̀łah dǫ łǫ gha t'akwełǫ̀ǫ̀ agı̨ı̨t'e.

1 Corınth 12:13

Yedàyeh Nezı̨ı̨ ı̨łè zǫ t'à hazǫǫ̀ gok'ètaìdzǫ hǫt'e, eyıt'à Zezì-Krı wezhį̀į̀ ı̨łè zǫ ts'ı̨ı̨lı̨į̀ ats'ejà. Israel got'ı̨į̀ ts'ı̨ı̨lı̨, Greece got'ı̨į̀ ts'ı̨ı̨lı̨ kò eyı wet'àaɂà-le ajà, eyıts'ǫ edets'ǫ̀ k'àts'ewo, edets'ǫ̀ k'àts'ewo-le eyı hazǫǫ̀ wet'àaɂà-le ajà, goxı̨ hazǫǫ̀ Yedàyeh Nezı̨ı̨ godzeè yìı adlà, eyı wet'à ı̨łè zǫ lats'ı̨ı̨t'e.

1 Corınth 4:6

Sèot'ı̨ı̨, eyı hazǫǫ̀ weghǫ naxıts'ǫ̀ eehtł'èe sìı sı̨ edeghǫ eyıts'ǫ Apollos weghǫ gohde aehsı̨. Edeghǫ aehsı̨ı̨ sìı xàè naxıgha aehsı̨ hǫt'e. Hanì-ı̨dè goxı̨ got'à dıı yatı dàhodıì-ahodıı sìı wek'èahsǫ ha, “Ayìı dek'eèhtł'èe sìı weɂǫ̀ǫ̀ hoahtsı̨-le,” dek'eèhtł'è. Eyı yatı k'ę̀ę̀ aaht'ı̨ nı̨dè dǫ ı̨łè denahk'e wet'àaɂà dahwhǫ t'à weghǫ xàdahoahdì ha nıìle.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Galatıa 3:27

Naxı̨ hazǫǫ̀ Zezì-Krı wexè ı̨łè laaht'e gha naxık'ètaìdzǫǫ sìı goht'ǫ lanì Zezì-Krı edek'e aahłà hǫt'e.

Ephesus 5:26

Hanì-ı̨dè edecheekeè degaı lanì Nǫ̀htsı̨ ghàgole ha nıwǫ. Wegodıì nezı̨ı̨ t'à degaı agole ha eyıts'ǫ tı t'à gok'enaehtse ha.

Colosse 2:12

Naxık'ètaìdzǫ t'à wexè naxıkw'ǫǫ̀ nìtǫ lanì ı̨lè. Nǫ̀htsı̨-Gotà enıìyah t'à nàtso xè Zezì naìdà ayį̀į̀là, eyı sìı naxıgha ehkw'ı-ahodı t'à, Zezì wexè naàhdà anaxììdlà hǫt'e.

1 Tımothy 1:5

Ełeghǫnıahtǫ ha dehwhǫ t'à eyı yatı naxıghàehɂǫ. Godzeè yìı hołı̨ı̨ whìle xè, goınì nezı̨ı̨ xè, eyıts'ǫ hotıì gogha ehkw'ı-ahodı xè ełeghǫnets'eètǫ ha hǫt'e.

1 Tımothy 6:12

Daneeɂa ha sǫnı kò, Zezì negha ehkw'ı-ahodıı sìı t'aats'ǫǫ̀ wek'ę̀ę̀ ı̨da. Dǫ gınadąą̀, “Zezì segha ehkw'ı-ahodı,” nı̨ı̨dıì xàyanehtı ekò, welǫ whìle ts'ǫ̀ ı̨da ha nekayaı̨htı. Eyı yatı nezı̨ı̨ neghǫ̀t'ǫǫ sìı wedı̨ı̨chı-le, hanì-ı̨dè welǫ whìle ts'ǫ̀ ı̨da ha hǫt'e.

Hebrew 10:22

hotıì gogha ehkw'ı-ahodı eyıts'ǫ godzeè ehkw'ıı xè Nǫ̀htsı̨ ts'ǫ̀ ats'ııde. Wedoò godzeè k'e adlà t'à k'achı̨ hołı̨ı̨ edek'e nìdahots'eeɂà ha-le, eyıts'ǫ yak'e gots'ǫ tı t'à gok'enaatso hǫt'e.

Hebrew 11:19

Abraham hanıwǫ, “Nǫ̀htsı̨ sìı dǫ ełaı̨dèe naìdà ayele ha wegha dìì nıìle,” nıwǫ. Wedaànıts'ewo ha nı̨dè weza Isaac ełaı̨wo gots'ǫ naìdà lajà hǫt'e.

Hebrew 13:18

Nǫ̀htsı̨ gots'àdı ha gogha yaahtı. Ekǫ-le eghàlats'ı̨ı̨dà-le wek'èts'eezǫ, eyıts'ǫ t'asìı hazǫǫ̀ t'à ehkw'ı ts'eeda ha ts'ı̨ı̨wǫ hǫt'e.

Hebrew 9:14

Zezì wedoò eyı nahk'e godzeè k'enaı̨htso hodeè hǫt'e. Zezì t'asìı wejıı wek'e wheɂǫ-le sìı Yedàyeh Nezı̨ı̨ wedahxà Nǫ̀htsı̨ ghàdìtı̨ t'à, t'asìı wet'àaɂà-le k'alats'ı̨ı̨dè ch'à godzeè k'enaı̨htso hǫt'e, hanì-ı̨dè Nǫ̀htsı̨ edaa sìı k'ǫǫ̀t'a wegha eghàlats'eeda ha dìì-le.

Hebrew 9:24

Zezì-Krı sìı nı̨hbàa dǫlà t'à hòèlı̨ı̨ k'è goyaı̨za nıìle, eyı nı̨hbàa sìı yak'e degaı k'è gòɂǫǫ k'ę̀ę̀ hòèlı̨ı̨ hǫt'e. Zezì xàè yak'e goyaı̨za hǫt'e, dıì Nǫ̀htsı̨ nadąą̀ gogha nàwo hǫt'e.

1 Peter 1:3

Nǫ̀htsı̨, Zezì-Krı wetà, weghàsǫts'eedı welè. Sıì gots'ǫ̀ wedzeè eteèɂı̨ t'à k'achı̨ dǫ nats'edlı̨į̀ agǫ̀ǫ̀là hǫt'e. Gots'ǫ̀ K'àowo Zezì naìdà ts'ıhɂǫ̀, ts'eeda ha gogha hòɂǫǫ̀ ayį̀į̀là.

1 Peter 3:16

Naxınì hołı̨ı̨ ch'à wek'èahdì, hanì-ı̨dè Zezì-Krı wedahxà dànì k'ehoahɂaa sìı ghǫ dǫ naxık'adageedè nı̨dè, dǫ naxıızì jıı gehtsı̨ ı̨lèe sìı nǫǫde nı̨dè eyı ghǫ sıì į̀į̀zhagı̨ı̨lı̨į̀ agede ha hǫt'e.