1 Peter 3:18 - Nǫ̀htsı̨ Nı̨htł'è

¹⁸ Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 Peter 3:18 ပူးပေါင်းရင်းမြစ်များ

Matthew 27:19

K'àowo Pılate dǫ-sınìyaehtıı daèhchı̨į̀ k'e wheda ekò wets'èkeè yets'ǫ̀ yatı nìı̨ɂǫ, hayèhdı: “Eyı dǫ t'asawı̨ı̨le-le, ekǫ-le wı̨ı̨zìı hòèhtsı̨ nıìle. Dıı dzęę̀ weghǫ nàwhıhtı̨ t'à sıì daıhɂà,” yèhdı.

Matthew 27:24

Dǫ hazǫǫ̀ hòtł'ò nàdahogehdè t'à k'àowo Pılate goghǫdaehnè ha dìì yek'èhoèhzà. Eyıt'à tı ìhchì gà dǫ hazǫǫ̀ gonadąą̀ edılà k'enaı̨htso, hadı, “Dıı dǫ wedoò nałaètł'ìı sìı sı̨ set'à nıìle. Naxı̨ naxıts'ǫ̀ hoèlı̨ hǫt'e!” gòhdı.

John 16:10

Setà ts'ǫ̀ anahde ha, ekǫ anahjà nı̨dè k'achı̨ seahɂį̀ ha-le, eyıt'à naxıts'àdıı elı̨ı̨ sìı dǫ dànì ehkw'ıì agede ha sìı gınıedì agole ha.

Zezì Wecheekeèdeè 22:14

“Sets'ǫ̀ hadı, ‘Gocho Gınǫ̀htsı̨ dànıwǫǫ sìı wek'èı̨zǫ ha nìį̀hchì hǫt'e. Ehkw'ı Edaa Elı̨ı̨ sìı weneɂį̀ ha eyıts'ǫ weyatıì sı ı̨į̀kw'o ha, nìį̀hchì hǫt'e.

Zezì Wecheekeèdeè 3:14

Eyı Dǫ Degaı xè Ehkw'ı Edaa sìı weahwhǫ-le ı̨lè, hanìkò eweèt'ı̨ı̨ elı̨ı̨ sìı eyı t'aa weahwhǫ ı̨lè.

Rome 4:25

Zezì gohołı̨į̀ k'èxa ełaı̨wo awììdlà hǫt'e, eyıts'ǫ gogha naìdà. Eyı ts'ıhɂǫ̀ Nǫ̀htsı̨ gha ehkw'ı ts'eedaa k'ę̀ę̀ goıtà hǫt'e.

Rome 5:2

Zezì-Krı wedahxà eyıts'ǫ goxı̨ gogha ehkw'ı-ahodı t'à Nǫ̀htsı̨ edesǫnıwǫǫ̀ goghàı̨ɂǫǫ sìı dıì wet'à ts'eeda. Nǫ̀htsı̨ wexè enıìyah t'à welǫ whìle ts'ǫ̀ ts'eeda ha goghàhòı̨ɂǫ t'à sıì goınà hǫt'e.

Rome 8:11

Nǫ̀htsı̨ ededı̨ sìı Zezì naìdà ayį̀į̀là hǫt'e, eyıts'ǫ edets'ǫ Yedàyeh Nezı̨ı̨ t'à naxızhį̀į̀ ełaàde ha sìı naìdà ayele ha, Yedàyeh Nezı̨ı̨ naxıdzeè yìı nàdè ne t'à.

Rome 8:3

Moses wenàowoò gots'àdı ha dìì, goınìłı̨ı̨ ts'ıhɂǫ̀ gogha nàtso-le ajà t'à. Hanìkò Nǫ̀htsı̨ gots'àı̨dì hǫt'e. Xàè Edeza goxèht'eè hołı̨ı̨-hohtsı̨ı̨-dǫǫ̀ k'ę̀ę̀ wègaat'ı̨ı̨ sìı gohołı̨į̀ k'èxa ełaàwı ha gots'ǫ̀ ayį̀į̀là. Hanì hołı̨ı̨-hogehtsı̨ı̨-dǫǫ̀ gıhołı̨į̀ yesınìyaı̨htı hǫt'e.

2 Corınth 1:24

Dànì naxıgha ehkw'ı-ahodıı sìı weghǫ naxıts'ǫ̀ k'ahots'edè dehsı̨į̀-aehsı̨-le, hanìkò naxınà gha naxıxè eghàlats'eeda hǫt'e, naxıgha ehkw'ı-ahodıı sìı wet'à naxınì nàtso hǫt'e.

2 Corınth 13:4

Nàtso-le k'ę̀ę̀ dechı̨et'aa k'e wedıìtsò t'ıį̀t'e, hanìkò dıì Nǫ̀htsı̨ dahxà nàtso eda hǫt'e. Eyı lanì goxı̨ sı wexè nàts'etso-le lats'ı̨ı̨t'e, hanìkò Nǫ̀htsı̨ dahxà naxıgha eghàlats'eeda gha nàts'etsoò ts'eeda hǫt'e.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Galatıa 1:4

Zezì-Krı dıı nèk'e hołı̨ı̨ nàowoò ch'à edaxàgole ha nıwǫ t'à, Nǫ̀htsı̨-Gotà wınì k'ę̀ę̀ gohołı̨į̀ k'èxa ełaı̨wo adììdlà hǫt'e.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Ephesus 3:12

Zezì-Krı wet'ǫ̀ǫ̀ eyıts'ǫ gogha ehkw'ı-ahodı t'à edèdats'eedı-le Nǫ̀htsı̨ ts'ǫ̀ ats'ede ha dìì-le agòjà.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 10:10

Nǫ̀htsı̨ wınì k'ę̀ę̀ Zezì-Krı ı̨łàà zǫ gogha ełaı̨wo t'à welǫ whìle ts'ǫ̀ degaı ts'ı̨ı̨lı̨į̀ agǫ̀ǫ̀là.

Hebrew 9:14

Zezì wedoò eyı nahk'e godzeè k'enaı̨htso hodeè hǫt'e. Zezì t'asìı wejıı wek'e wheɂǫ-le sìı Yedàyeh Nezı̨ı̨ wedahxà Nǫ̀htsı̨ ghàdìtı̨ t'à, t'asìı wet'àaɂà-le k'alats'ı̨ı̨dè ch'à godzeè k'enaı̨htso hǫt'e, hanì-ı̨dè Nǫ̀htsı̨ edaa sìı k'ǫǫ̀t'a wegha eghàlats'eeda ha dìì-le.

Hebrew 9:26

Hanì-le nı̨dè Zezì dıı nèè hòèlı̨ gots'ǫ gǫtłǫǫ̀ daı̨ɂa ha ı̨lè. Hanìkò dıì nǫǫde dzęę̀ ts'ǫ̀ nìhǫǫwoo sìı ı̨łàà zǫ nììtła hǫt'e, welǫ whìle ts'ǫ̀ gohołı̨į̀ whìle ayele gha Nǫ̀htsı̨ ghàdìtı̨.

Hebrew 9:28

Eyı lanì Zezì-Krı ı̨łàà zǫ dǫ łǫ gıhołı̨į̀ k'èxa ełaàwìgwo, eyıts'ǫ k'achı̨ nàke t'à nììtła ha. Dǫ-hołı̨į̀ k'èxa k'achı̨ daı̨ɂa gha nììtła ha-le, hanìkò dǫ gıdanaèhɂı̨ı̨ sìı edaxàgole gha ade ha.

James 5:6

Dǫ ekǫ-le hogèhtsı̨-le xè naxık'èch'a aget'ı̨-le kò gısınìyaahtı xè ełaàgìahde hǫt'e.

1 Peter 3:19

eyıts'ǫ Yedàyeh Nezı̨ı̨ t'à dǫ gıdą̀ązhį̀ı̨ danìı̨laa sìı godı nezı̨ı̨ t'à gots'ǫ̀ goı̨de.

1 Peter 4:1

Zezì-Krı dıı nèk'e ı̨ı̨dà ekò edezhį̀į̀ t'à daı̨ɂà hǫt'e, Zezì-Krı lanì naxı̨ sı naxızhį̀į̀ t'à daahɂa ha naxınì nàtsoò aahłe. Amìı edezhį̀į̀ t'à daı̨ɂaa sìı hołı̨ı̨ nàowoò k'ę̀ę̀ eda-le at'į̀ hǫt'e.

1 Peter 4:6

Eyı ts'ıhɂǫ̀ dǫ ełaı̨dèe kò godı nezı̨ı̨ gıghǫ̀t'ǫ hǫt'e. Hanì-ı̨dè gızhį̀į̀ ełaàde gha gısınìyaetı hǫt'e, hanìkò Yedàyeh Nezı̨ı̨ t'à gıgǫ̀hłı̨į̀ agejà nı̨dè Nǫ̀htsı̨ xè geeda ha hǫt'e.

1 John 1:9

Gohołı̨į̀ ghǫ Nǫ̀htsı̨ ts'ǫ̀ hǫdets'eedè nı̨dè edeyatıì k'èdì ha eyıts'ǫ ehkw'ı gosınìyaehtı ha: goghǫ nahoele xè Zezì wedoò t'à gohołı̨į̀ k'enaetse.