1 Peter 3:13 - Nǫ̀htsı̨ Nı̨htł'è

¹³ Dǫ ts'ǫ̀ nezı̨į̀ eghàlaahda k'èxa amìı naxıts'ǫ̀ hoìla eghàlaeda ha?

1 Peter 3:13 ပူးပေါင်းရင်းမြစ်များ

Rome 13:3

Dǫ ehkw'ı eghàlageedaa sìı k'aodèe ts'àgeejı̨ nıìle, hanìkò dǫ ekǫ-le eghàlageedaa sìı, k'aodèe ts'àgeejı̨ ha hǫt'e. Eyıt'à k'aodèe ts'àahjı̨ ha-le dahwhǫ nı̨dè, ayìı ehkw'ıı sìı weghàlaahda. Hanì-ı̨dè k'aodèe gı̨ı̨lı̨ı̨ sìı naxıghǫ nezı̨į̀ agedı ha.

Rome 8:28

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

1 Corınth 14:1

Ełeghǫnets'eètǫǫ nàowoò k'ę̀ę̀ aahda, Yedàyeh Nezı̨ı̨ ayìı goghàyelee sìı eyı denahk'e weahwhǫ. Yedàyeh Nezı̨ı̨ wedahxà xàyaahtıı sìı eyı denahk'e weahwhǫ.

Ephesus 5:1

Nǫ̀htsı̨ weza aaht'e xè naxıghǫneètǫ t'à dànì eghàlaedaa sìı wexèahɂı̨.

1 Thessalonıca 5:15

Dǫ naxıts'ǫ̀ ekǫ-le eghàlaeda nı̨dè ek'èt'à gıts'ǫ̀ ekǫ-le eghàlaahda-le, hanìkò t'aats'ǫǫ̀ ełets'ǫ̀ nezı̨į̀ eghàlaahda ha k'ehoahɂa, eyıts'ǫ dǫ hazǫǫ̀ ts'ǫ̀ haaht'e.

1 Tımothy 5:10

eyıts'ǫ dǫ ts'ǫ̀ nezı̨į̀ eghàlageeda gha gık'èhoedzǫ nı̨dè, nezı̨į̀ chekoa geèhsǫ nı̨dè, wekǫ̀ dǫ gha enìxànı̨ı̨tǫ nı̨dè, gıdzeè nezı̨ı̨ xè Nǫ̀htsı̨ wets'ǫ dǫ gha eghàlageeda nı̨dè, dǫ gıgha hoìlaa sìı ts'àgedıı, eyıts'ǫ gınì nàtso xè t'aats'ǫǫ̀ dǫ ts'ǫ̀ nezı̨į̀ eghàlageeda nı̨dè, gıızì dek'eèhtł'è ha hǫt'e.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

3 John 1:11

Seàgı̨ą, ayìı hołı̨ı̨ ne sìı k'ę̀ę̀ anet'ı̨-le, hanìkò ayìı nezı̨ı̨ sìı k'ę̀ę̀ anet'ı̨. Dǫ nezı̨į̀ k'ehoɂaa sìı Nǫ̀htsı̨ wets'ǫ at'ı̨ hǫt'e. Dǫ hołı̨ı̨ hohtsı̨ı̨ sìı Nǫ̀htsı̨ k'èezǫ nıìle.