1 Peter 2:6 - Nǫ̀htsı̨ Nı̨htł'è

⁶ Nǫ̀htsı̨ Nı̨htł'è k'e dıı hanì dek'eèhtł'è: “Aàhkw'o! Jerusalem ekǫ kwe wheɂǫ ahłà. Eyı kwe ìhchì hǫt'e eyıts'ǫ segha wet'àaɂà hǫt'e. Amìı yegha ehkw'ı adıı sìı yek'eelı̨ hǫı̨lı̨ ha nıìle,” hanì dek'eèhtł'è.

1 Peter 2:6 ပူးပေါင်းရင်းမြစ်များ

Dànì Kèhoį̀wo 49:24

Hanìkò Jacob Wenǫ̀htsı̨ t'asìı wegha dìì-le sìı yets'àdı, eyıts'ǫ Israel wets'ǫ Kwe Nàtsoo yexoehdı t'à, Joseph wegǫ̀ nàtsoo hòèlı̨ xè k'į̀ t'à ehkw'ı eehtà.

Matthew 12:18

“Secheekeè wììhchìı sìı jǫ nàwo. Ededı̨ weghǫneehtǫ xè weghǫ sǫdehwhǫ hǫt'e. Yedàyeh Nezı̨ı̨ wets'ǫ̀ ahłe ha eyıts'ǫ dǫ hazǫǫ̀ xàɂaa dànì ehkw'ı geedaa ghǫ hoghàgoehtǫ ha.

Mark 12:10

Nǫ̀htsı̨ Nı̨htł'è k'e dıı hanì dek'eèhtł'èe sìı wek'eyaahtı-le nì: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂàa whelı̨.

Luke 20:17

Zezì hotıì goghàeda xè hadı, “Dıı hanì dek'eèhtł'è: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨,’ dek'eèhtł'è. Amìı eyı kwe k'e nàakw'oo sìı wedıhołè ha, eyıts'ǫ amìı eyı kwe wek'e nàakw'oo sìı t'asìı nadlı̨ ha-le. Eyı dek'eèhtł'èe sìı dàhodıì-ahodı dahwhǫ?” gòhdı.

Luke 23:35

Dǫ hazǫǫ̀ eyı nàgeèhzaa sìı gıghàeda, eyıts'ǫ k'aodèe Zezì k'adageedè, hagedı, “Dǫ eyıì-le edaxàwhela. Chrıst Nǫ̀htsı̨ gogha yį̀į̀hchì at'ı̨ nı̨dè, edaxàdııtè,” gedı.

John 7:38

Amìı wegha ehkw'ı aehsı̨ı̨ sìı tı wet'à ts'eedaa wedzeè yìı gots'ǫ xàı̨lı̨ ha. Hanì Nǫ̀htsı̨ Nı̨htł'è k'e dek'eèhtł'è,” Zezì gòhdı.

Zezì Wecheekeèdeè 1:16

Peter gots'ǫ̀ hadı, “Sèot'ı̨ı̨, Nǫ̀htsı̨ wenı̨htł'è k'e dànì dek'eèhtł'èe sìı wek'ę̀ę̀ agode ha hǫt'e. T'akwe whaà k'àowocho Davıd Yedàyeh Nezı̨ı̨ dahxà Zhıdàà ghǫ xàyaı̨htı ı̨lè. Zhıdàà Zezì gìhchı ha dǫ k'egohɂı̨ı̨ sìı dıı hanì weghǫ dek'eèhtł'è,

Rome 10:11

Nǫ̀htsı̨ Nı̨htł'è k'e dıı hanì dek'eèhtł'è, “Amìı wegha ehkw'ı-ahodıı sìı ayìı danaèhɂı̨ı̨ sìı weghǫ̀t'à ha hǫt'e,” dek'eèhtł'è.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Ephesus 2:20

Goxı̨ hazǫǫ̀ yìetł'aà whetǫǫ k'e kǫ̀ hòèlı̨ı̨ lanì Nǫ̀htsı̨ wecheekeèdeè eyıts'ǫ nakwenàoɂǫǫ gıyatıì k'e nàts'eèhza lats'ı̨ı̨t'e, eyıts'ǫ Zezì-Krı ededı̨ sìı kwe denahk'e wet'àaɂàa elı̨, wet'à yìetł'aà whetǫǫ k'e kǫ̀ hòèlı̨ı̨ sìı nàtsoò yııtǫ̀.

2 Tımothy 3:16

Nǫ̀htsı̨ Nı̨htł'è k'e yatı dek'eèhtł'èe sìı Nǫ̀htsı̨ wets'ǫ hǫt'e. Wet'à dǫ hoghàts'eehtǫ gha nezı̨, wet'à dǫ nàts'eɂǫ ha dìì-le, dǫ ekǫ-le geeda nı̨dè wet'à ehkw'ı anagets'ehɂį̀, eyıts'ǫ weghàà dǫ ehkw'ı geeda gha hoghàgets'eehtǫ ha hǫt'e.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

1 Peter 2:8

eyıts'ǫ dıı hanì dek'eèhtł'è: “Eyı kwe wet'à dǫ dagıìtà eyıts'ǫ wet'à dèè k'e nàgeetł'ì hǫt'e,” hanì dek'eèhtł'è. Godı nezı̨ı̨ k'ę̀ę̀ geeda-le ts'ıhɂǫ̀ dagıìtà. Gıts'ǫ̀ hagot'ı̨ı̨ sìı hanì gıgha hòɂǫǫ̀ adlà hǫt'e.

2 Peter 1:20

Nǫ̀htsı̨ Nı̨htł'è sìı nakwenàoɂǫǫ edınì k'ę̀ę̀ dek'enègı̨ı̨tł'è nıìle, eyı wenıahdì ha naxıgha sıì wet'àaɂà hǫt'e.

2 Peter 3:16

Paul, wenı̨htł'è k'e eyı hazǫǫ̀ ełèht'eè enı̨ı̨tł'è ı̨lè. T'asìı mǫ̀hdaa ghǫ ı̨ı̨tł'èe sìı dǫ gınıedì ha gıgha dezhì. Dǫ mǫ̀hdaa t'asìı nıgeedì-le xè hòtł'ò gıgha ehkw'ı-ahodı-le t'à weyatıì ekǫ-le agehɂı̨, Nǫ̀htsı̨ Nı̨htł'è eyıì-le sı hagehɂı̨ lanì. Haget'ı̨ t'à gıdıhołè ha hǫt'e.