1 Peter 2:25 - Nǫ̀htsı̨ Nı̨htł'è

²⁵ Naxı̨ hazǫǫ̀ sahzǫ̀ą dıkǫèdee laaht'e, hanìkò dıì amìı sahzǫ̀ą k'èdìı elı̨ı̨ sìı ts'ǫ̀ anaahde; ededı̨ sìı naxıdą̀ązhį̀ı̨ k'èdìı elı̨ hǫt'e.

1 Peter 2:25 ပူးပေါင်းရင်းမြစ်များ

Matthew 18:12

“Dǫ ı̨łè sahzǫ̀ą ı̨łèakw'eènǫ wets'ǫ hanìkò ı̨łè weghǫ dıkǫèhgè nı̨dè sahzǫ̀ą łǫǫ̀tǫènǫ-daats'ǫ̀-łǫǫ̀tǫ sìı ekìı-ka gehteè agole gà ı̨łè whìle sìı yegòhɂà gots'ǫ̀ yekanıwǫ ha hǫt'e.

Matthew 9:36

Dǫ łǫ ełèwhede goghàeda ekò dǫ ts'ǫ̀ wedzeè eteèɂı̨. Dǫ gıxè hoìla xè sahzǫ̀ą dǫ gok'èdìı whìle lagı̨ı̨t'e.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Hebrew 13:20

Nǫ̀htsı̨ wet'à ts'èwhı̨į̀ hòɂǫǫ sìı Zezì sahzǫ̀ą-k'èdìı-deè elı̨ı̨ sìı naìdà ayį̀į̀là, eyıts'ǫ wedoò t'à goxè nakenawhehtsı̨ hǫt'e.

Hebrew 3:1

Eyıt'à sèot'ı̨ degaı, yak'e ts'ǫ̀ naxıkayaetıı sìı Zezì ts'ǫ̀ naxınì nàtsoò aahłe. Ededı̨ Nǫ̀htsı̨ wecheekeèdeè elı̨ı̨ xè gogha yahtıı-wet'àaɂàa-deè elı̨ı̨ sìı gogha ehkw'ı adı hǫt'e.

Hebrew 5:2

Hanì yahtıı-wet'àaɂàa-deè elı̨ı̨ sìı dǫ t'asìı k'ègeezǫ-le t'à ts'ıɂǫ̀ geedèe sìı gok'èezǫ xè etegoèhɂı̨ hǫt'e, ededı̨ sı goxèht'eè nàtso-le hǫt'e t'à.

1 Peter 3:20

T'akwe whaà Noah elàcho whehtsı̨ ekò ekìıyeè k'e Nǫ̀htsı̨ k'èagı̨ı̨t'e-le ı̨lè. Ekò k'e Nǫ̀htsı̨ ts'èwhı̨į̀ godanaèhɂı̨ ı̨lè, hanìkò eyı elàcho wet'à dǫ łǫ-lea zǫ edaxàwhede; dǫ ek'èdı̨ zǫ tı t'à ełaàgı̨ı̨dè-le ı̨lè.

1 Peter 5:4

Haaht'ı̨ nı̨dè Nǫ̀htsı̨ wesahzǫ̀ą-k'èdìı-deè nììtła nı̨dè welǫ whìle ts'ǫ̀ enıìyah k'ę̀ę̀ aahdaà anaxedle ha hǫt'e.