1 Peter 2:24 - Nǫ̀htsı̨ Nı̨htł'è

²⁴ Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

1 Peter 2:24 ပူးပေါင်းရင်းမြစ်များ

Dànì Kèhoį̀wo 22:6

Abraham kǫ̀ dèk'ǫ̀ǫ gha tso nıį̀wa gà weza nayage gha yek'e nèyı̨ı̨wa. Ededı̨ t'aa kwetǫ yìı kǫ̀kwıì eyıts'ǫ beh k'ele. Nàke geet'eè ı̨daà nagıadè ekò,

Matthew 27:26

Eyıt'à k'àowo Pılate, Barabas dǫ ts'ǫ̀ xàèhtłaà ayį̀į̀là, hanìkò Zezì nàweekwaà ayį̀į̀là eyıts'ǫ dechı̨et'aa k'e wedıìtsò ha eghǫǫ-dǫǫ̀ gotł'aàyį̀ı̨htı̨.

Matthew 5:20

Eyıt'à ehkw'ı anaxèehsı̨, Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ gınahk'e ehkw'ı aahda lenǫsıı, Nǫ̀htsı̨ Wenàowoò k'ę̀ę̀ hòɂǫǫ sìı goyaahde ha nıìle.

Matthew 8:17

Eyı hagòjàa sìı nakwenàoɂǫǫ Isaıah yeghǫ goı̨de ı̨lèe sìı wek'ę̀ę̀ agòjà: “Gotàdaà goghǫ yį̀į̀hchì eyıts'ǫ wet'à gogha hoìlaa sìı edek'e ayį̀į̀là,” dek'eèhtł'è.

Mark 15:15

K'àowo Pılate dǫ hazǫǫ̀ gınì k'ę̀ę̀ ha nıwǫ t'à Barabas gots'ǫ̀ xàèhtłaà ayı̨į̀là. Zezì nàgı̨ı̨hkwaà ayı̨į̀là tł'axǫǫ̀ dechı̨et'aa k'e wedıìtsò ha eghǫǫ-dǫǫ̀ gotł'aàyį̀ı̨htı̨.

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

John 1:29

Ek'èdaedzęę̀ k'e John-Baptıst, Zezì yets'ǫ̀ etłe yaɂı̨ ekò, hadı, “K'eaht'į̀. Nǫ̀htsı̨ wesahzǫ̀ą wet'à dıı nèk'e dǫ gıhołı̨į̀ hazǫǫ̀ nahoezhe ha!

John 19:1

Eyıt'à k'àowo Pılate Zezì nàweekwaà ayį̀į̀là.

Zezì Wecheekeèdeè 10:35

Dǫ hazǫǫ̀ xàɂaa gots'ǫ dǫ wets'ǫ̀ agede ha nıwǫ. Hazǫǫ̀ nèk'e gots'ǫ dǫ Nǫ̀htsı̨ k'èagı̨ı̨t'e xè ehkw'ı geedaa sìı Nǫ̀htsı̨ goxè at'ı̨ hǫt'e.

Zezì Wecheekeèdeè 10:39

“Israel got'ı̨į̀ gınèk'e eyıts'ǫ kǫ̀ta Jerusalem dànì eghàlaı̨dàa sìı hazǫǫ̀ weghàts'ı̨ı̨dà hǫt'e. Dechı̨et'aa k'e gedı̨į̀htsò t'à ełaàgį̀ı̨hwho hǫt'e.

Zezì Wecheekeèdeè 13:29

T'asìı hazǫǫ̀ weghǫ dek'eèhtł'èe sìı hanì gıts'ǫ̀ eghàlaı̨dà tł'axǫǫ̀, dechı̨et'aa k'e gots'ǫ hodàgıachì gà kwe yìı wekw'ǫǫ̀ nègı̨į̀tǫ.

Zezì Wecheekeèdeè 5:30

Zezì dechı̨et'aa k'e ełaàwèahwho kò gocho Gınǫ̀htsı̨ sìı Zezì naìdà ayį̀į̀là.

Rome 6:11

Eyı xèht'eè naxı̨ sı hołı̨ı̨ ts'ǫ̀ ełaahde k'ę̀ę̀ ededaànıahdè. Hanìkò Zezì-Krı wet'ǫ̀ǫ̀ Nǫ̀htsı̨ gha aahda k'ę̀ę̀ ededaànıahdè.

Rome 6:13

Naxızhį̀į̀ wı̨ı̨zìı t'à hołı̨ı̨ hoahtsı̨-le, wet'à hołı̨ı̨ k'ę̀ę̀ k'ehoahɂa-le. Hanìkò dǫ ełaı̨dèe gots'ǫ naìdà laaht'e lanì naxızhį̀į̀ hazǫǫ̀ t'à Nǫ̀htsı̨ ghàdeahtè, eyıts'ǫ naxızhį̀į̀ t'à Nǫ̀htsı̨ gha ehkw'ı eghàlaahda.

Rome 6:16

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

Rome 6:2

Hanì ha honàedı nıìle! Goxı̨ hołı̨ı̨ hots'ehtsı̨ ts'ǫ̀ ełaàts'ı̨ı̨dè gha goıtà hǫt'e. Eyıt'à dànì k'èdaà hołı̨ı̨ hots'ehtsı̨ welì?

Rome 6:22

Hanìkò dıì sìı hołı̨ı̨ naxıts'ǫ̀ k'àowo-le ajà, eyıts'ǫ Nǫ̀htsı̨ naxıts'ǫ̀ k'àowoò aahjà. Hanì goxè hòɂǫ nı̨dè degaı ts'ı̨ı̨lı̨į̀ ats'ede ha, eyıts'ǫ welǫ whìle ts'ǫ̀ ts'eedaà agole ha.

Rome 6:7

Amìı hanì ełaı̨woo sìı hołı̨ı̨-nàowoò yets'ǫ̀ k'àhowo-le awììdlà hǫt'e.

Rome 7:6

Hanìkò dıì sìı eyı nàowo ts'ǫ̀ ełaàts'ı̨ı̨dè k'ę̀ę̀ goıtà t'à eyı nàowo gots'ǫ̀ k'àhowo-le ajà. Eyıt'à Yedàyeh Nezı̨ı̨ wenàowoò gòò t'à ts'eedaà ats'ejà, Moses wenàowoò wezǫą dek'eèhtł'èe sìı wek'ę̀ę̀ ts'eeda-le ats'ejà.

1 Corınth 15:3

Yatı sets'ǫ̀ nìt'ǫǫ sìı yatı t'akwełǫ̀ǫ̀ wek'èahsǫ ha naxıghàehɂǫ hǫt'e. Eyı yatı sìı Zezì-Krı gohołı̨į̀ k'èxa ełaı̨wo hǫt'e, eyı sìı Nǫ̀htsı̨ Nı̨htł'è k'ę̀ę̀ agòjà.

2 Corınth 6:17

“Eyıt'à gıgha ehkw'ı-ahodı-le sìı gıta gots'ǫ xàahdè, gıxè aaht'ı̨-le. T'asìı hołı̨ı̨ ne sìı daahchì-le, hanì-ı̨dè sets'ǫ dǫ aahłı̨į̀ anaxehłe ha.”

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Ephesus 5:9

(Dzęh ts'eeda nı̨dè t'asìı nezı̨ı̨ zǫ eghàlats'eeda, ehkw'ı k'ehots'eɂa eyıts'ǫ nàowo ehkw'ıı xè ts'eeda.)

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Colosse 2:14

Nàowo dek'eèhtł'èe sìı hazǫǫ̀ wedę ayį̀į̀là; eyı nàowo gok'èch'a hǫt'e eyıts'ǫ wet'à gok'e nìdahoet'à, hanìkò Nǫ̀htsı̨ goghǫ yį̀į̀hchì xè Zezì wexè dechı̨et'aa k'e yedı̨į̀htsò.

Colosse 2:20

Zezì-Krı wexè ełaahdè ne t'à dıı nèè gots'ǫ nàowo k'ę̀ę̀ aahda-le aahjà hǫt'e. Eyıt'à dànìghǫ ı̨łaà dıı nèè gots'ǫ nàowo k'èaht'e ha dahwhǫ? Įłaà wek'ę̀ę̀ aahda ha dahwhǫ nì?

Colosse 3:3

Ełaahdèe lanì ı̨lè, eyıt'à dıì aahdaa sìı Zezì-Krı wexè Nǫ̀htsı̨ nezı̨į̀ naxık'èdì.

Hebrew 10:10

Nǫ̀htsı̨ wınì k'ę̀ę̀ Zezì-Krı ı̨łàà zǫ gogha ełaı̨wo t'à welǫ whìle ts'ǫ̀ degaı ts'ı̨ı̨lı̨į̀ agǫ̀ǫ̀là.

Hebrew 10:5

Eyıt'à Zezì-Krı dıı nèk'e ts'ǫ̀ ajà ekò, Nǫ̀htsı̨ ts'ǫ̀ dıı hadı, “Dǫ tıts'aàdìı nets'ǫ̀ ełaàgehde eyıts'ǫ t'asìı neghàgeedıı sìı weneewǫ nıìle, hanìkò dǫzhį̀į̀ t'à ehdaà asèneelà.

Hebrew 12:13

“Naxıkè gha tı̨lı ehkw'ı nııɂà aahłe,” hanì-ı̨dè amìı wekw'ǫǫ̀ nàtso-le sìı denahk'e nàtso-le ade ha-le, hanìkò k'aàt'ıì ade ha.

Hebrew 7:26

Hanì yahtıı-wet'àaɂàa-deè sìı gots'àdı ha dìì-le hǫt'e; degaı elı̨ı̨, hołı̨ı̨ wek'e wheɂǫ-le, hołı̨ı̨-hogehtsı̨ı̨-dǫǫ̀ ta gots'ǫ nıìle, yak'e gote-ts'ǫ̀ nıwıìtı̨ hǫt'e.

Hebrew 9:28

Eyı lanì Zezì-Krı ı̨łàà zǫ dǫ łǫ gıhołı̨į̀ k'èxa ełaàwìgwo, eyıts'ǫ k'achı̨ nàke t'à nììtła ha. Dǫ-hołı̨į̀ k'èxa k'achı̨ daı̨ɂa gha nììtła ha-le, hanìkò dǫ gıdanaèhɂı̨ı̨ sìı edaxàgole gha ade ha.

James 5:16

Eyıt'à naxıhołı̨į̀ ghǫ ełets'ǫ̀ hǫdeahdè, eyıts'ǫ ełegha yaahtı, hanì-ı̨dè k'aàt'ıì aahde ha. Dǫ ehkw'ı edaa sìı yahtı nı̨dè weyatıì nàtso hǫt'e, eyıts'ǫ t'asìı gha yahtıı sìı wek'ę̀ę̀ hòɂǫ at'į̀.

1 John 2:29

Zezì ehkw'ı hǫt'e wek'èahsǫ nı̨dè, amìı ehkw'ı k'ehoɂaa sìı yets'ǫ dǫ-elı̨ wek'èahsǫ hǫt'e.

1 John 3:7

Eyıt'à sèot'ı̨ı̨, dǫ wı̨ı̨zìı ekǫ-le ts'ǫ̀ anaxegııle sǫ̀ǫ̀. Amìı ehkw'ı k'ehoɂaa sìı ehkw'ı hǫt'e, Zezì-Krı ehkw'ı hǫt'e lanì.

John Wenazhıı 22:2

Eyı kǫ̀godeè tı̨lı-deè nıɂàa tanı deh nı̨ı̨lı̨. Eyı deh nıɂàa sìı webàa į̀ła-ts'ǫ̀ ts'ı wet'à ts'eedaa nàwheɂa. Eyı ts'ı wek'e xo taàt'eè hoònǫ-daats'ǫ̀-nàkeè wek'e jìecho dehshe, sa taàt'eè wek'e jìecho dehshe. Eyıts'ǫ ts'ı wets'ǫ ı̨t'ǫ̀ą t'à dǫ hazǫǫ̀ xàɂaa k'aàt'ıì agede gha hǫt'e.