1 Peter 2:23 - Nǫ̀htsı̨ Nı̨htł'è

²³ Yatıjıı t'à gık'adaedè kò ek'èt'à yatıjıı t'à gots'ǫ̀ nagode-le; daı̨ɂà kò gots'ǫ̀ yedaı̨t'e xàyaı̨htı-le. Į̀le, Nǫ̀htsı̨ ehkw'ı dǫ sınìyaehtıı sìı ghàdìtı̨.

1 Peter 2:23 ပူးပေါင်းရင်းမြစ်များ

Dànì Kèhoį̀wo 18:25

Hanì kǫ̀godeè wedıhoı̨htsı̨ ha honàedı nıìle. Dǫ ehkw'ı geedaa sìı dǫ hołı̨ı̨ k'ę̀ę̀ geedaa xè ełaàgį̀ı̨hde ha dìì. Dǫ ehkw'ı geedaa eyıts'ǫ dǫ hołı̨ı̨ k'ę̀ę̀ geedaa ełèht'eè gıghàlaı̨da ha dìì hǫt'e. Hanì ha honàedı nıìle. Dıı nèk'e t'asìı hazǫǫ̀ yesınìyahtıı elı̨ı̨ sìı ehkw'ı eghàlaeda ha nıìle nì?” Abraham yèhdı.

Luke 23:41

Goxı̨ edet'à dats'ı̨ı̨ɂa hǫt'e. Ekò ededı̨ sìı hojıì hòèhtsı̨ı̨ whìle,” yèhdı.

Luke 23:46

Zezì hòtł'ò whezeh hadı, “Setà, sedą̀ązhį̀ı̨ netł'aà wheɂǫǫ̀ ahłà,” hadı tł'axǫǫ̀ nǫǫde xàèhjı.

Luke 23:9

Eyıt'à t'asìı łǫ ghǫ dayı̨ı̨hke, hanìkò Zezì yets'ǫ̀ xàyaı̨htı-le.

Zezì Wecheekeèdeè 17:31

Dǫ hazǫǫ̀ ehkw'ı gısınìyaetı gha dzę whehɂǫǫ̀ ayı̨į̀là hǫt'e, eyı gha dǫ ı̨łè yį̀į̀hchì hǫt'e. Eyı wììchıı sìı dǫ hazǫǫ̀ gıgha ehkw'ı-ahodı ha t'à Nǫ̀htsı̨ naìdà ayį̀į̀là,” Paul gòhdı.

Zezì Wecheekeèdeè 4:29

Gots'ǫ̀ K'àowo, dıì k'aodèe gı̨ı̨lı̨ı̨ sìı dànì gok'èch'a gogedee sìı geęhkw'ǫ. Necheekeè ts'ı̨ı̨lı̨ı̨ sìı negodıì t'à dǫ xè gots'edo ha edèdats'eedı-le agoı̨le.

Zezì Wecheekeèdeè 7:59

Dǫ kwe t'à gııshì ekò Stephen hadıì yaı̨htı, “K'àowo Zezì, sedą̀ązhį̀ı̨ nı̨į̀chı,” hadı.

Zezì Wecheekeèdeè 9:1

Ekìıyeè k'e Saul ı̨łaà gots'ǫ̀ K'àowo wecheekeè goweè hanıwǫ. Eyıt'à yahtıı-wet'àaɂàa-deè ts'ǫ̀ èhtła.

Rome 2:5

Hanìkò naxıkwì nàtso xè naxıdzeè t'à edek'eahłı̨-le t'à, Nǫ̀htsı̨ naxıts'ǫ̀ wek'èch'a aahłà hǫt'e. Nǫ̀htsı̨ edenàowoò ehkw'ıı k'ę̀ę̀ dǫ-sınìyaehtıı-dzęę̀ k'e nı̨dè, deɂǫ̀ǫ̀ hoìla anaxedle ha hǫt'e.

Ephesus 6:9

Naxı̨ dǫ ts'ǫ̀ k'àowo yàahłı̨ı̨ sìı eyı xèht'eè dǫ naxıtł'a geèhkw'ee sìı gıts'ǫ̀ nezı̨į̀ k'ehoahɂa. Gıts'ǫ̀ yıdaaht'e-le, yak'e gıts'ǫ̀ k'àowo gǫ̀hłı̨ı̨ sìı naxı̨ sı naxıts'ǫ̀ k'àowo elı̨ wek'èahsǫ t'à, eyıts'ǫ Nǫ̀htsı̨ sìı dǫ ı̨łè xàɂaa zǫ gòį̀hchì nıìle.

2 Thessalonıca 1:5

Eyı hazǫǫ̀ weghàà Nǫ̀htsı̨ ehkw'ı naxısınìyaehtıı sìı wek'èts'eezǫ hǫt'e. Nǫ̀htsı̨ Wenàowoò k'ę̀ę̀ hòɂǫǫ sìı gha daahɂaà anaxììdlà t'à ekǫ goyaahde ha edegha deahnǫ k'ę̀ę̀ naxııtà.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

2 Tımothy 4:8

Ehkw'ı gha sııtà xè hoehnǫ ts'ıhɂǫ̀ t'asìı sǫǫ̀mbaekwo t'à hòèlı̨ı̨ nǫǫde dzęę̀ k'e seghǫ̀t'à ha. Gots'ǫ̀ K'àowo ededı̨ zǫ ehkw'ı dǫ sınìyaehtı hǫt'e eyıts'ǫ ayìı dehnǫǫ sìı seghàyııɂà ha. Sı̨ zǫ hasele ha nıìle, hanìkò dǫ hazǫǫ̀ wègoèht'į̀ gha kànegı̨ı̨ɂaa sìı ededı̨ sı hagole ha hǫt'e.

Hebrew 12:3

Hołı̨ı̨-hogehtsı̨ı̨-dǫǫ̀ gıtł'aà dàhòtł'ò daı̨ɂàa xè sıì gık'èch'a eghàlagı̨ı̨dàa sìı wedaànıahdè, hanì-ı̨dè weghǫ nìahtsį̀ ha-le eyıts'ǫ naxınì nàtso-le ade ha-le.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.

1 Peter 4:19

Nǫ̀htsı̨ gòèhtsı̨ xè t'aats'ǫǫ̀ gok'èdì ne t'à dǫ yınì k'ę̀ę̀ dagı̨ı̨ɂaa sìı Nǫ̀htsı̨ gha nezı̨į̀ geeda ghǫ nagııt'è-le.

John Wenazhıı 19:11

Yak'e enìxànı̨ı̨tǫ wègoèht'į̀ ekò senadąą̀ tłı̨cho degoo nàwo. Eyı tłı̨cho t'à-at'ı̨ı̨ sìı dıı hawìyeh: “edeyatıì k'èdìı” eyıts'ǫ “ehkw'ı hǫt'e” wìyeh. Ededı̨ sìı ehkw'ı dǫ sınìyaehtı eyıts'ǫ nàowo ehkw'ıı k'ę̀ę̀ eghǫ.