1 Peter 2:20 - Nǫ̀htsı̨ Nı̨htł'è

²⁰ Hanìkò ekǫ-le hòahtsı̨ k'èxa naxıkwǫ̀ǫyaà-naxììdlà kò naxıgha t'asanìle nı̨dè dànì naxıgha hoǫzı̨ lì? Hanìkò nezı̨į̀ aahda k'èxa nànaxeekwa xè ts'èwhı̨į̀ daahɂa nı̨dè eyı sìı Nǫ̀htsı̨ wegha nezı̨ hǫt'e.

1 Peter 2:20 ပူးပေါင်းရင်းမြစ်များ

Matthew 26:67

Eyıt'à wınì k'e geezè eyıts'ǫ nàgeeht'ı. Dǫ mǫ̀hdaa nàgeekà xè

Matthew 5:47

Naxèot'ı̨ zǫ ts'ǫ̀ nezı̨į̀ naahɂa nı̨dè, dǫ eyıì-le gınahk'e t'asìı nezı̨ı̨ hòahtsı̨ nıìle. Dǫ Nǫ̀htsı̨ k'ègeezǫ-le ededı̨ kò ełets'ǫ̀ nezı̨į̀ nageɂa hǫt'e.

Mark 14:65

Eyıt'à dǫ mǫ̀hdaa gık'e geezè, eyıts'ǫ wedaà k'e ehtł'ı̨ ełègeèzà gà nàgeeht'ı, gıts'ǫ̀ hadı, “Nakwenàoɂǫǫ lanì gots'ǫ̀ goı̨de!” gıìhdı. Eyı tł'axǫǫ̀ enìı̨tǫ-k'èdìı-dǫǫ̀ nıgıìchì gà gıkwǫ̀ǫyaà-gı̨į̀là.

Luke 6:32

“Dǫ naxıghǫnegeètǫ zǫ gıghǫnıahtǫ nı̨dè eyı t'asìı nıìle. Hołı̨ı̨-hogehtsı̨ı̨-dǫǫ̀, ededı̨ kò ełeghǫnegeètǫ hǫt'e.

1 Corınth 4:11

Dıì ts'ǫ̀ bò dę ts'eèhkw'e xè tı ghats'eewı, goht'ǫts'ıa t'à-ats'et'ı̨, sıì dagogį̀ı̨hɂa, eyıts'ǫ gokǫ̀ gòɂǫ-le.

Galatıa 4:18

T'asìı gha goınì nàtsoo sìı nezı̨ hǫt'e, hanìkò t'asìı nezı̨ı̨ zǫ gha nı̨dè nezı̨ hǫt'e. Naxıxè whıhda nı̨dè zǫ naxınì nàtso welè-le, t'aats'ǫǫ̀ hats'ı̨ı̨t'e nı̨dè nezı̨.

Ephesus 5:10

Eyıt'à gots'ǫ̀ K'àowo ayìı wegha sìghà sìı wegòahɂà.

Phılıppı 4:18

Hòt'a deghàà naxıt'à hoehwhì hǫt'e, eyıts'ǫ deɂǫ̀ǫ̀ seghàahła hǫt'e. Epaphrodıtus wetł'aà sǫǫ̀mba sedanìahła t'à t'asìı seɂǫ̀atłǫ whelaà ajà. T'asìı sets'ǫ̀ aahłàa sìı Nǫ̀htsı̨ wets'ǫ̀ t'asìı łekǫǫ k'ets'eehk'ǫ̀ lanì, eyı sìı Nǫ̀htsı̨ yeghǫ sìghà anıwǫ hǫt'e.

1 Peter 2:19

Amìı Nǫ̀htsı̨ ehkw'ı adı nıwǫ xè nezı̨į̀ eda k'èxa nàweekwa nı̨dè eyı dǫ sìı eyı k'èxa weghàsǫedı ha hǫt'e.

1 Peter 3:14

Ehkw'ı aahda kò daahɂa nı̨dè ı̨łaà naxıxè sìghà hǫt'e. Dıı hanì dek'eèhtł'è, “Ayìı ts'àgeejı̨ı̨ sìı wets'àahjı̨-le eyıts'ǫ t'asìı ts'àahye-le,” dek'eèhtł'è.

1 Peter 3:17

Nezı̨į̀ eghàlats'eeda k'èxa Nǫ̀htsı̨ dats'ı̨ı̨ɂa ha goı̨hwhǫ nı̨dè hołı̨ı̨ hots'ehtsı̨ k'èxa dats'ı̨ı̨ɂa denahk'e nezı̨ hǫt'e.