1 Peter 2:2 - Nǫ̀htsı̨ Nı̨htł'è

² Bebìa k'ǫǫ̀t'a dǫ gı̨ı̨lı̨ı̨ sìı edemǫ wet'ò wedeèdlı̨ı̨ ghageewı lanì Nǫ̀htsı̨ wenàowoò ghaahwhı welì. Hanì-ı̨dè edaxàahdè gha naxınì nàtsoò ade ha,

1 Peter 2:2 ပူးပေါင်းရင်းမြစ်များ

Matthew 18:3

Hadı, “Ehkw'ı anaxèehsı̨, eładı̨į̀ adèahłà xè dıı chekoa nechà-lea lanì adèahłà lenǫsıı Nǫ̀htsı̨ Wenàowoò k'ę̀ę̀ hòɂǫǫ goyaahdè hǫı̨lı̨ ha nıìle.

Matthew 19:14

Hanìkò Zezì edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ hǫt'e,” gòhdı.

Mark 10:15

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yìhchì lenǫsıı, ekǫ goyaetła ha nıìle,” Zezì gòhdı.

Luke 18:17

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yį̀į̀hchì lenǫsıı, ekǫ goyaetła ha nıìle,” Zezì gòhdı.

Rome 6:4

Gok'ètaìdzǫ ekò wexè ełaàts'ı̨ı̨dè lats'ejà ı̨lè eyıts'ǫ wexè gokw'ǫǫ̀ nìtǫǫ̀ lats'ejà ı̨lè. Hanìkò Nǫ̀htsı̨-Gotà enıìyah hǫt'e sìı Zezì-Krı naìdà ayį̀į̀là hǫt'e, eyıts'ǫ goxı̨ sı eładı̨ k'ę̀ę̀ ts'eeda ats'ede ha.

1 Corınth 14:20

Sèot'ı̨ı̨, hòt'a chekoa nàowoò k'ę̀ę̀ nànıahdè-le. Nàowołı̨ı̨ ts'ǫǫ̀hk'e nı̨dè bebìa hołı̨ı̨ k'ègeezǫ-le laaht'e, hanìkò naxınì t'à ǫhdah k'ę̀ę̀ nànıahdè.

Ephesus 2:21

Ededı̨ wet'à goxı̨ hazǫǫ̀ ełexè gok'èhodì lanì, eyıts'ǫ gots'ǫ̀ K'àowo wedahxà Nǫ̀htsı̨ wekǫ̀ degaı lats'ı̨ı̨t'eè agǫ̀ǫ̀là.

Ephesus 4:15

Hanìkò ełeghǫnets'eètǫ t'à ehkw'ı ełets'ǫ̀ gots'ede ha. Goxı̨ Nǫ̀htsı̨ wets'ǫ dǫ ats'ı̨ı̨t'ee sìı Zezì wezhį̀į̀ lats'ı̨ı̨t'e, eyıts'ǫ Zezì ededı̨ gokwì elı̨ lanì hǫt'e. T'asìı hazǫǫ̀ t'à Zezì-Krı wexè nàts'etsoò ats'ede ha hǫt'e.

2 Thessalonıca 1:3

Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

1 Peter 1:23

Naxı̨ sìı k'achı̨ naxıgǫ̀hłı̨į̀ aahjà hǫt'e. T'asìı wedıhołè ha sìı t'à aahjà nıìle, hanìkò Nǫ̀htsı̨ weyatıì welǫ whìle ts'ǫ̀ wheɂǫǫ sìı t'à k'achı̨ naxıgǫ̀hłı̨ hǫt'e.

2 Peter 3:18

Gots'ǫ̀ K'àowo Zezì-Krı Edaxàgolee elı̨ı̨ sìı denahk'e nezı̨į̀ wek'èahsǫ xè denahk'e wesǫnıwǫ xè aahda. Dıì gots'ǫ welǫ whìle ts'ǫ̀ ededı̨ weghàsǫts'eedı ha hǫt'e! Amen.