1 Peter 2:19 - Nǫ̀htsı̨ Nı̨htł'è

¹⁹ Amìı Nǫ̀htsı̨ ehkw'ı adı nıwǫ xè nezı̨į̀ eda k'èxa nàweekwa nı̨dè eyı dǫ sìı eyı k'èxa weghàsǫedı ha hǫt'e.

1 Peter 2:19 ပူးပေါင်းရင်းမြစ်များ

Luke 6:32

“Dǫ naxıghǫnegeètǫ zǫ gıghǫnıahtǫ nı̨dè eyı t'asìı nıìle. Hołı̨ı̨-hogehtsı̨ı̨-dǫǫ̀, ededı̨ kò ełeghǫnegeètǫ hǫt'e.

John 15:21

Sı̨ sets'ıhɂǫ̀ hanì naxıts'ǫ̀ eghàlageeda ha hǫt'e, amìı sı̨ı̨hɂàa sìı gık'èezǫ-le t'à.

Zezì Wecheekeèdeè 11:23

Ekǫ nììtła ekò dànì Nǫ̀htsı̨ gots'ǫ̀ sǫnıwǫ t'à dǫ gha eghàlaı̨daa sìı hazǫǫ̀ yaɂı̨ t'à wınà. Gots'ǫ̀ K'àowo ghǫ gınì nàtsoò agole ha gots'ǫ̀ goı̨de.

Rome 13:5

Eyıt'à k'aodèe gı̨ı̨lı̨ı̨ sìı gık'èaht'e ha naxıgha wet'àaɂà hǫt'e. Danaxegį̀ı̨hɂa ha sǫnı dahwhǫ zǫ t'à gık'èaht'e-le, hanìkò naxıdzeè t'à ehkw'ı dahwhǫ ts'ıhɂǫ̀ gık'èaht'e.

1 Corınth 15:10

Hanìkò Nǫ̀htsı̨ wesǫnıwǫ ts'ıhɂǫ̀ wecheekeèdeè whıhłı̨, wesǫnıwǫ t'à dǫ eładı̨ı̨ whıhłı̨į̀ asį̀į̀là. Wecheekeèdeè hazǫǫ̀ gınahk'e hòtł'ò eghàlaıhdà, hanìkò sı̨ adehɂı̨ nıìle, Nǫ̀htsı̨ wesǫnıwǫ seyìı eghàlaedaa sìı at'ı̨ hǫt'e.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

2 Corınth 8:1

Sèot'ı̨ı̨, Macedonıa nèk'e kǫ̀ta gòlaa sìı dànì Nǫ̀htsı̨ edecheekeè gots'ǫ̀ sǫnıwǫǫ sìı wek'èahsǫ ha naxıts'ı̨ı̨hwhǫ.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

Hebrew 10:2

Wet'à dǫ deghàà degaı ade ha nı̨dè tıts'aàdìı Nǫ̀htsı̨ gha ełaàgıhde ghǫnaget'è ha-le ı̨lè. Dǫ hazǫǫ̀ gıhołı̨į̀ gıghǫ whìle ade ha ı̨lè, eyıts'ǫ edehołı̨į̀ k'egı̨ı̨lı̨ ha-le ı̨lè.

1 Peter 2:20

Hanìkò ekǫ-le hòahtsı̨ k'èxa naxıkwǫ̀ǫyaà-naxììdlà kò naxıgha t'asanìle nı̨dè dànì naxıgha hoǫzı̨ lì? Hanìkò nezı̨į̀ aahda k'èxa nànaxeekwa xè ts'èwhı̨į̀ daahɂa nı̨dè eyı sìı Nǫ̀htsı̨ wegha nezı̨ hǫt'e.

1 Peter 4:15

Naxıgha hoìla nı̨dè dǫ ełaahwho k'èxa welè-le, eeɂį̀ı̨-dǫǫ̀ aaht'e k'èxa welè-le, dǫjıı aaht'e k'èxa welè-le, eyıts'ǫ dǫ naxıìdı geeda-le kò gıghǫ goahde k'èxa welè-le.