1 Peter 2:17 - Nǫ̀htsı̨ Nı̨htł'è

¹⁷ Nezı̨į̀ ełets'ǫ̀ naahɂa xè dıı hanì aahda: Amìı naxıxèht'eè gıgha ehkw'ı-ahodıı sìı gıghǫnıahtǫ, Nǫ̀htsı̨ wek'èaht'e, eyıts'ǫ k'àowocho wets'ǫ̀ nezı̨į̀ naahɂa.

1 Peter 2:17 ပူးပေါင်းရင်းမြစ်များ

Dànì Kèhoį̀wo 20:11

Abraham yets'ǫ̀ hadı, “ ‘Dıı yeè nèk'e dǫ wı̨ı̨zìı Nǫ̀htsı̨ ts'àgeejı̨-le t'à sets'èkeè wets'ıhɂǫ̀ ełaàsegèhwhı ha sǫnı,’ dehwhǫ ı̨lè.

Dànì Kèhoį̀wo 22:12

“Dǫzhìa ełaı̨hwhı-le,” yèhdı. “T'asawı̨ı̨le-le. Neza ı̨łàet'ea nets'ǫ sìı sech'à wek'ènedì-le t'à sıì Nǫ̀htsı̨ k'èanet'e nǫǫ̀!” yak'eet'ı̨į̀ yèhdı.

Dànì Kèhoį̀wo 42:18

Taı dzęę̀ k'e nìhǫǫwo ekò Joseph gots'ǫ̀ hadı, “Nǫ̀htsı̨ ts'àehjı̨ t'à dıı yatı k'èaht'e nı̨dè aahda ha.

Matthew 22:21

“K'àowodeè Caesar,” gıìhdı. Eyıt'à Zezì gots'ǫ̀ hadı, “Hanì-ı̨dè ayìı k'àowodeè wets'ǫ ne sìı weghàahłe, eyıts'ǫ ayìı Nǫ̀htsı̨ wets'ǫ ne sìı Nǫ̀htsı̨ ghàahłe,” gòhdı.

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

Rome 13:7

Eyıt'à dǫ ts'ǫ̀ naxını̨htł'è gǫ̀hłı̨ nı̨dè naxını̨htł'è naahłe. Dèe-ts'ǫ̀-k'àowo ts'àts'eehdì ts'ǫǫ̀hk'e naxını̨htł'è nı̨dè naxını̨htł'è naahłe. Eyıts'ǫ k'aodèe hazǫǫ̀ gıts'ǫ̀ nezı̨į̀ naahɂa xè gıghàhoahdì ha hòɂǫ nı̨dè, hanì gıts'ǫ̀ naahɂa.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Ephesus 5:21

Ełek'èaht'e, hanì-ı̨dè Zezì-Krı wets'ǫ̀ nezı̨į̀ naahɂa hǫt'e.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

1 Tımothy 6:1

Dǫ hazǫǫ̀ gıts'ǫ̀ k'aodèe wets'ǫ agı̨ı̨t'ee sìı edets'ǫ̀ k'àowo ts'ǫ̀ nezı̨į̀ nageɂa xè gık'èı̨t'e ha hǫt'e. Hagı̨ı̨t'e nı̨dè Nǫ̀htsı̨ wıızì eyıts'ǫ ayìı dǫ hoghàgıts'eehtǫǫ sìı k'adageedè ha-le.

Hebrew 13:1

Xàè ełèot'ı̨ lanì t'aats'ǫǫ̀ ełeghǫnıahtǫ.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 2:13

Nǫ̀htsı̨ wınì k'ę̀ę̀ dǫ naxıts'ǫ̀ k'aodèe gıhòèlı̨ı̨ sìı gık'èaht'e. Eyıt'à k'àowocho t'asìı hazǫǫ̀ gha k'àowo elı̨ı̨ sìı wek'èaht'e,

1 Peter 5:5

Naxı̨ cheko yàahłı̨ı̨ sìı dǫzhìı ǫhdaà gık'èaht'e. Hazǫǫ̀ ełets'ǫ̀ k'èeweèt'ı̨ k'ę̀ę̀ aahda, dıı hanì dek'eèhtł'è t'à: “Nǫ̀htsı̨ dǫ xàhodìı sìı ts'ǫ̀ wınì-le hǫt'e, hanìkò amìı k'èeweèt'ı̨ı̨ elı̨ı̨ sìı ts'ǫ̀ sǫnıwǫ hǫt'e,” hanì dek'eèhtł'è.