1 Peter 2:11 - Nǫ̀htsı̨ Nı̨htł'è

¹¹ Seàgı̨ą, dıı nèk'e ts'ǫ dǫ gıta xàhtǫ laaht'e t'à hołı̨ı̨ naxıdą̀ązhį̀ı̨ k'alawoo sìı wek'ę̀ę̀ aahda ha-le naxıghǫ hòtł'ò hahwhǫ.

1 Peter 2:11 ပူးပေါင်းရင်းမြစ်များ

Dànì Kèhoį̀wo 21:34

Eyı tł'axǫǫ̀ Abraham, Fılıstea nèk'e whaà gots'ǫ̀ nàı̨dè.

Dànì Kèhoį̀wo 23:4

hagòhdı, “Xàhtǫ lanì naxıta nàhdè hǫt'e. Dèè mǫ̀hdaa naxıghǫ nàıhdì, sets'èkeè ełaı̨woo sìı wekw'ǫǫ̀ nèehtį̀ ha t'à,” gòhdı.

Dànì Kèhoį̀wo 47:9

Jacob yets'ǫ̀ hadı, “Įłèakw'eènǫ-daats'ǫ̀-taènǫ xo dıı nèk'e nàıhdè hǫt'e. Secho gıxèht'eè whaà dıı nèk'e nàıhdè-le xè hoìla łǫ sexè k'ehokw'o,” yèhdı.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

Zezì Wecheekeèdeè 15:20

Hanìkò dıı hats'edıì gıts'ǫ̀ ts'ı̨ı̨tł'è nı̨dè nezı̨ ha, ‘Bò nǫ̀htsı̨ hòèlı̨ı̨ ghàgeedıı sìı aahdè-le. Hołı̨ı̨ k'ę̀ę̀ ełek'alaahdèe-le. Tıts'aàdìı gık'à dahdlì t'à ełǫǫ̀wıı sìı gıkwǫ̀ aahdè-le, eyıts'ǫ edoò aahdǫ-le,’ gìts'edı ı̨lè.

Zezì Wecheekeèdeè 15:29

Bò nǫ̀htsı̨ hòèlı̨ı̨ ghàgeedıı sìı aahdè-le. Edoò aahdǫ-le. Tıts'aàdìı gık'à dahdlì t'à ełǫǫ̀wıı sìı gıkwǫ̀ aahdè-le. Hołı̨ı̨ k'ę̀ę̀ ełek'alaahdè-le. Eyı haàtłǫ k'èahdì nı̨dè naxıxè sìghà ha,” hagedıì gots'ǫ̀ gı̨ı̨tł'è.

Rome 12:1

Eyıt'à sèot'ı̨ı̨, Nǫ̀htsı̨ etegoòɂı̨ wek'èts'eezǫ ne t'à dıı haehsı̨į̀ naxıghǫnàdaehtì: Naxızhį̀į̀ hazǫǫ̀ t'à Nǫ̀htsı̨ ghàdeahtè eyıts'ǫ wegha zǫ aahda. Degaı k'ę̀ę̀ aahda welè, Nǫ̀htsı̨ wınì k'ę̀ę̀ hoahtsı̨ welè. Haaht'e nı̨dè Nǫ̀htsı̨ wegha nezı̨į̀ k'ehoahɂa ha hǫt'e.

Rome 7:23

hanìkò nàowołı̨ı̨ sezhį̀į̀ yìı eghàlaedaa sìı nàowo nezı̨ı̨ sedzeè yìı wheɂǫǫ k'èch'a eghàlaeda wek'èehsǫ. Hołı̨ı̨-nàowoò seyìı eghàlaedaa sìı sets'ǫ̀ k'àhowo t'à sedaàtǫ laaht'e.

Rome 8:13

Naxınìłı̨ı̨ k'ę̀ę̀ aahda nı̨dè ełaahde ha, hanìkò Yedàyeh Nezı̨ı̨ wedahxà naxızhį̀į̀ wets'ǫ hołı̨ı̨-nàowoò ełaı̨dè aahłà nı̨dè aahda ha,

2 Corınth 5:20

Eyıt'à goxı̨ sìı Zezì-Krı wegha dǫ ts'ǫ̀ gots'edee ats'ı̨ı̨t'e. Goxı̨ got'à Nǫ̀htsı̨ naxıts'ǫ̀ gode lanì hǫt'e. Zezì-Krı wedahxà naxıghǫnàdats'eetì: Nǫ̀htsı̨ wexè ts'èwhı̨į̀ aahda, naxèts'edı.

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Galatıa 5:24

Amìı Zezì-Krı wets'ǫ agı̨ı̨t'ee sìı edenàowoò eyıts'ǫ edekwǫ̀ t'à hołı̨ı̨ k'ę̀ę̀ eghàlageeda ha gı̨ı̨wǫǫ sìı eyı hazǫǫ̀ dechı̨et'aa k'e wedıìtsò agį̀į̀là hǫt'e.

Ephesus 2:19

Eyıt'à naxı̨ sìı Nǫ̀htsı̨ ts'ǫ̀ nıwà aaht'e-le aahjà, hanìkò Nǫ̀htsı̨ wets'ǫ dǫ gıxè aaht'e, eyıts'ǫ Nǫ̀htsı̨ weza aaht'e.

Ephesus 4:1

Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

2 Tımothy 2:22

Cheko gınàowołı̨ı̨ ch'à edek'ènedì. Ehkw'ı zǫ k'ę̀ę̀ k'ehoı̨ɂa, t'aats'ǫǫ̀ Nǫ̀htsı̨ gha nınì nàtso anehwhǫ, dǫ ghǫneètǫ eyıts'ǫ ts'èwhı̨į̀ k'ehoı̨ɂa. Dǫ hazǫǫ̀ gıdzeè degaı xè Nǫ̀htsı̨ ghǫ gınì nàtsoo agı̨ı̨t'ee sìı hanì geeda hǫt'e.

Hebrew 11:13

Eyı dǫ ełaàgı̨ı̨dè ekò ı̨łaà gıgha ehkw'ı-ahodı k'ę̀ę̀ geeda ı̨lè. Nǫ̀htsı̨ edeyatıì goghàı̨ɂǫǫ sìı ı̨łaà wek'ę̀ę̀ t'asìı gıghǫ̀zha nıìle, hanìkò ı̨daà nıwà gıaɂı̨ lanì t'à eyı ghǫ gınà ı̨lè. Xàhtǫ lanì whaà-lea gots'ǫ̀ dıı nèk'e nàts'edè, hagedı ı̨lè.

Hebrew 6:9

Seàgı̨ą, dıı hanì naxıts'ǫ̀ gots'ede kò eyı wenahk'e naxıxè hoı̨zı̨į̀ hòɂǫ agode ha hotıì wek'èts'eezǫ. Nǫ̀htsı̨ edaxànaxı̨ı̨la k'ę̀ę̀ nezı̨į̀ eghàlaahda.

James 4:1

Ayìı ts'ıhɂǫ̀ ełets'ǫ̀ ààhch'e xè ełek'èch'a aahdı? Naxıdzeè yìı hołı̨ı̨ nàowoò naxık'alawo t'à ełets'ǫ̀ ààhch'e hǫt'e.

1 Peter 1:1

Sı̨ Peter Zezì-Krı wecheekeèdeè aht'e. Nǫ̀htsı̨ dǫ edegha gòį̀hchìı sìı eyıts'ǫ dıı nèk'e ts'ǫ dǫ gıta xàhtǫ lagı̨ı̨t'ee sìı gıts'ǫ̀ eehtł'è. Pontus nèk'e, Galatıa nèk'e, Cappadocıa nèk'e, Asıa nèk'e eyıts'ǫ Bıthynıa nèk'e hazǫǫ̀ ts'ǫ̀ nàgedèe gıts'ǫ̀ eehtł'è.

1 Peter 1:17

Nǫ̀htsı̨-Gotà naxıgha ehkw'ı-ahodıı sìı dǫ hazǫǫ̀ ełèht'eè gosınìyaehtı ne t'à, dıı nèk'e dǫ gıta xàhtǫ laaht'e xè Nǫ̀htsı̨ t'asìı wegha dìì-le sìı wek'èaht'e ha hòtł'ò aahwhǫ.

1 Peter 4:12

Seàgı̨ą, naxıgha kèhoedı-le t'à daahɂaa sìı naxıgha enıìyah welè-le. Naxıxè hoìla agode ha-le dahwhǫ-le.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.

2 Peter 3:1

Seàgı̨ą, dıì xè nàakeè naxıts'ǫ̀ eehtł'è hǫt'e. Ayìı dàehsı̨ı̨ sìı t'aats'ǫǫ̀ wenaahdì ha dehwhǫ. Eyı nı̨htł'è nàke naxıts'ǫ̀ ahłàa sìı wet'à ehkw'ı nànıahdè aahde ha naxeehwhǫ.