1 Peter 2:1 - Nǫ̀htsı̨ Nı̨htł'è

¹ Hanìkò dıì sìı hołı̨ı̨ hazǫǫ̀ k'ę̀ę̀ k'ehoahɂaa, ełeghǫyaahɂàa, degaı daahtsı̨ı̨, ełeghǫ ts'oxoahdıı, ełıızì jıı aahtsı̨ı̨, eyı hazǫǫ̀ wedę aahłe.

1 Peter 2:1 ပူးပေါင်းရင်းမြစ်များ

Matthew 15:7

Degaı daahtsı̨ kò wek'ę̀ę̀ aahda nıìle! Nakwenàoɂǫǫ Isaıah dànì naxıghǫ ı̨ı̨tł'èe sìı ehkw'ı adı ı̨lè. Dıı hadı, dek'eèhtł'è:

Matthew 23:28

Eyı lanì ehkw'ı aahda k'ę̀ę̀ naxègaat'ı̨, hanìkò naxıdzeè yìı t'aats'ǫǫ̀ hoahts'ì k'ę̀ę̀ aahda eyıts'ǫ hołı̨ı̨-nàowoò k'ę̀ę̀ nànıahdè.

Matthew 24:51

K'àowo hòtł'ò nàyeehkwa ha eyıts'ǫ dǫ degaı degeetsı̨ı̨ sìı gota whedaà ayele ha. Ekǫ dǫ getse xè gıgha hoìla ha.

Matthew 7:5

Degaı daahtsı̨ kò wek'ę̀ę̀ aahda nıìle! T'akwełǫ̀ǫ̀ naxıdaà yìı dechı̨ whetǫǫ sìı xàahchì nı̨dè naxıgha nezı̨į̀ xègaat'ı̨į̀ agode ha, hanì-ı̨dè naxèot'ı̨ wedaà yìı t'asìa wheɂǫǫ sìı xàahchı ha dìì-le.

Mark 12:15

Sǫǫ̀mba wets'àts'eehdì ha hanì-le-ı̨dè hats'ele ha-le?” gıìhdı. Hanìkò Zezì eghǫyageeɂàa-dǫǫ̀ agı̨ı̨t'e gok'èezǫ. Eyıt'à gots'ǫ̀ hadı, “Ayìıha seahdzà xè seyatıì t'à sek'e nìdahoahɂà ha dahwhǫ? Satsǫ̀ą degoo weghàıhdà,” gòhdı.

Luke 11:44

“Naxı̨ Pharısee yàahłı̨ı̨ sìı, naxıgha hoìla nechà ha! Dǫkw'ǫǫ̀ wemǫǫ̀hts'ǫ wek'e whetǫ-le laaht'e. Dǫ gık'e k'edè kò gık'èezǫ-le. Dǫkw'ǫǫ̀ whetǫǫ gık'èezǫ nı̨dè gık'e k'edè ha-le ı̨lè,” Zezì hadı.

Luke 12:1

Ekìıyeè k'e dǫ łǫ-lemì laàtłǫǫ ełèwhede t'à dǫ ełek'e aget'ı̨. Zezì edecheekeè ts'ǫ̀ t'akwe xàyaı̨htı, hagòhdı, “Pharısee gı̨ı̨lı̨ı̨ sìı gıxèahɂı̨ ch'à kexoahdı. Degaı edegeetsı̨ kò gık'ę̀ę̀ eda-le.

Luke 6:42

Dànıt'à naxèot'ı̨ ts'ǫ̀ dıı haahdı ha dìì-le, ‘Àgı̨ą, nedaà yìı t'asìa wheɂǫ, negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le. Degaı daahtsı̨ kò wek'ę̀ę̀ aahda nıìle! T'akwełǫ̀ǫ̀ naxıdaà yìı dechı̨ whetǫǫ sìı xàahchı nı̨dè naxıgha nezı̨į̀ xègaat'ı̨ agode ha, hanì-ı̨dè naxèot'ı̨ wedaà yìı t'asìa wheɂǫǫ sìı xàahchı ha dìì-le.

John 1:47

Zezì, Nathanael naetłe yaɂı̨ ekò yets'ǫ̀ hadı, “Dıı dǫ Israel got'ı̨į̀ wedeèdlı̨ı̨ elı̨ hǫt'e, eyıts'ǫ eghǫyats'eeɂàa wı̨ı̨zìı wets'ǫ̀-èlı̨-le,” Zezì yeghǫ hadı.

Rome 1:29

T'asìı hazǫǫ̀ wejıı zǫ gı̨ı̨wǫǫ̀ agejà. Sıì egedì-le agejà eyıts'ǫ sıì gınìłı̨ı̨. Sıì ts'ohogeedı, ełaàłegede, ełets'ǫ̀ nàyagehtı, ełeghǫyageeɂà, eyıts'ǫ hołı̨ı̨ k'ę̀ę̀ k'ehogeɂa. Ełeghǫ nezı̨į̀ gogede-le,

1 Corınth 14:20

Sèot'ı̨ı̨, hòt'a chekoa nàowoò k'ę̀ę̀ nànıahdè-le. Nàowołı̨ı̨ ts'ǫǫ̀hk'e nı̨dè bebìa hołı̨ı̨ k'ègeezǫ-le laaht'e, hanìkò naxınì t'à ǫhdah k'ę̀ę̀ nànıahdè.

1 Corınth 5:8

Eyıt'à eyı dzędeè wek'èts'ııdì. Łèt'èa wezǫą wedę ats'ııle, eyı sìı gonàowołı̨ı̨ wedę ats'ehɂı̨ lanì hǫt'e. Hanì-ı̨dè łèt'èa dę ełexè łèt'è ghǫ shèts'ıızhe, eyı sìı godzeè nezı̨ı̨ xè ełets'ǫ̀ ehkw'ı ts'eeda lanì hǫt'e.

2 Corınth 12:20

Naxıts'àwhıhtła nı̨dè sınì k'ę̀ę̀ aaht'e ha-le sǫnı, eyıts'ǫ sı̨ sı naxınì k'ę̀ę̀ aht'e ha-le sǫnı, eyı weghǫ nànıhwho hǫt'e. Ełek'èch'a aahdı ha sǫnı, ełeghǫ ts'oxoahdı ha sǫnı, naxık'èch'a t'à naxınì nàìtło ha sǫnı, ełek'èch'a aahda ha sǫnı, ełeghǫ goahde ha sǫnı, xàhoahdì ha sǫnı, eyıts'ǫ naxıxè hoı̨zı̨ hòɂǫ ha-le sǫnı, eyı hazǫǫ̀ ghǫ hòtł'ò nànıhwho hǫt'e.

Ephesus 4:31

T'asìı hazǫǫ̀ t'à ełek'èch'a aaht'ee sìı wedę aahłe. Ełets'ǫ̀ naxınì nàìtłoo, ełets'ǫ̀ ààhch'ee, ełetawhıahdèe, ełek'adaahdèe, eyıts'ǫ hołı̨ı̨ hazǫǫ̀ k'ę̀ę̀ k'ehoahɂaa sìı wedę aahłe.

1 Thessalonıca 2:3

Ekǫ-le hoghànaxets'eehtǫ xè goınì ehkw'ı-le t'à naxıgha ehkw'ı-ahodı anaxets'ele ha hots'eèhdzà ats'et'ı̨ nıìle, eyıts'ǫ naxıghǫyats'eeɂàa t'à gok'ę̀ę̀ aahde gha ats'et'ı̨ nıìle.

1 Tımothy 3:11

Eyı xèht'eè gıts'èkeè ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Yatıjıı t'à dǫ ghǫ gogede ha-le, edexogııhdı ha, eyıts'ǫ ehkw'ı nàhogehwho gha gııtà ha hǫt'e.

Tıtus 2:3

Eyı lanì ts'èko ǫhdaà sìı nàowo degaı k'ę̀ę̀ geeda gha hoghàgı̨ı̨htǫ. Dǫ gıızì jıı gııhtsı̨-le, jìetì ghageede ha-le, hanìkò t'asìı nezı̨ı̨ sìı hoghàgogııhtǫ.

Hebrew 12:1

Dǫ łǫ gıgha ehkw'ı-ahodıı k'ę̀ę̀ gı̨ı̨dàa sìı gomǫǫ̀ goòɂà ts'ǫ̀ geèhkw'e lanì, eyıt'à t'asìı hazǫǫ̀ wet'à goınì nàtso-le sìı wedę ats'ııle. Goınì nàtso-le t'à nàhotì-le gohołı̨į̀ godaèht'è, eyıt'à Nǫ̀htsı̨ wenàowoò k'ę̀ę̀ ts'eeda gha goınì nàtso ats'ı̨ı̨hwhǫ ha hǫt'e.

James 1:21

Eyıt'à hołı̨ı̨ nàowoò hazǫǫ̀ wet'à hołı̨ı̨ k'ę̀ę̀ k'ehoahɂaa sìı wedę aahłe. Nǫ̀htsı̨ yatıì naxıdzeè yìı adlàa sìı k'èeweèt'ı̨ lanì wek'ę̀ę̀ aahda, eyı wet'à edaxànaxeetè ha dìì-le.

James 3:14

Hanìkò ełeghǫ ts'oxoahdı xè dǫ wet'àaɂàa edaahtsı̨ nı̨dè goahsǫ nıìle. Edeghǫ xàdahoahdì-le, eyıts'ǫ nàowo ehkw'ıı sìı wedę aahłe-le.

James 4:11

Sèot'ı̨ı̨, ełıızì jıı aahtsı̨-le. Amìı edèot'ı̨ ghǫ gode, hanì-le-ı̨dè yesınìyaehtıı sìı, Nǫ̀htsı̨ nàowoò k'èch'a gode xè yesınìyaehtı hǫt'e. Nǫ̀htsı̨ nàowoò wesınìyaahtı nı̨dè wenàowoò k'ę̀ę̀ aahda nıìle, wek'èch'a goahde hǫt'e.

James 4:5

Dıı hanì Nǫ̀htsı̨ Nı̨htł'è k'e dek'eèhtł'è, “Wets'ǫ Įnì Degaı godzeè yìı nàdè ayį̀į̀là, wets'ǫ Įnì Degaı deghàà wets'ǫ ts'ı̨ı̨lı̨ ha goı̨hwhǫ hǫt'e.” Dıı hanì dek'eèhtł'èe sìı ekìı ahodı dahwhǫ nì?

James 5:9

Sèot'ı̨ı̨, ełek'èch'a goahde-le. Haaht'ı̨ nı̨dè naxısınìyaetı ha. Dǫ-sınìyaehtıı-dǫǫ̀ hòt'a naxısınìyahtı ha nìkw'o!

1 Peter 2:16

Dǫ Moses wenàowoò tł'a geèhkw'e-le lanì nàahdè, hanìkò dıı haahwhǫ-le, “Hòt'a Moses wenàowoò tł'a ts'eèhkw'e-le t'à hołı̨ı̨ hots'ehtsı̨ ha dìì-le,” dahwhǫ-le. Į̀le, Nǫ̀htsı̨ wecheekeè lanì nàahdè ha hǫt'e.

1 Peter 2:22

Ededı̨ sìı “Hołı̨ı̨ wı̨ı̨zìı hòèhtsı̨-le eyıts'ǫ hots'ì whìle,” dek'eèhtł'è.

1 Peter 3:10

Hanì dek'eèhtł'è, “Amìı whaà ts'ǫ̀ ıhdà nıwǫ eyıts'ǫ wexè sìghà welè nıwǫǫ sìı hołı̨ı̨ yatıì t'à gode eyıts'ǫ hots'ì gode ch'à edewà k'èdì ha hǫt'e.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.

1 Peter 4:4

Gıxè hołı̨ı̨ nàowoò hazǫǫ̀ k'alaahdè ha dahwhǫ-le sìı gınıedì-le, eyıt'à yatıjıı t'à naxık'adageedè.

John Wenazhıı 14:5

Hogets'ì gogı̨ı̨dee whìle eyıts'ǫ hołı̨ı̨ wı̨ı̨zìı gıts'ǫ̀-èlı̨-le.