1 Peter 1:7 - Nǫ̀htsı̨ Nı̨htł'è

⁷ Naxıts'ǫ̀ hagot'ı̨ı̨ sìı wet'à naxınì sıì nàtsoò ade ha. Goınì nàtsoo sìı sǫǫ̀mbaekwo gots'ǫ nahk'e wet'àhoòɂà hǫt'e, sǫǫ̀mbaekwo sìı kǫ̀ t'à nezı̨į̀ hołè kò ek'eèhtsǫ̀ at'į̀ hǫt'e. Goınì nàtsoo xè ehkw'ıì adlà nı̨dè Zezì-Krı nǫ̀ǫtłaa dzęę̀ k'e wet'à enıìyah xè weghàsǫhoedı welè.

1 Peter 1:7 ပူးပေါင်းရင်းမြစ်များ

Matthew 19:28

Zezì edecheekeè gots'ǫ̀ hadı, “Ehkw'ı anaxèehsı̨, t'asìı hazǫǫ̀ wegòò anagòjà xè Dǫ-wet'àaɂàa-deè k'àowocho whelı̨ t'à ededaèhchı̨cho k'e wheda nı̨dè naxı̨ sek'èè k'eahdè ı̨lèe sìı daèhchı̨cho hoònǫ-daats'ǫ̀-nàke k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha.

Matthew 25:21

“Wets'ǫ̀ k'àowo hayèhdı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea t'à nezı̨į̀ eghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Matthew 25:23

“Wets'ǫ̀ k'àowo yets'ǫ̀ hadı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea nezı̨į̀ weghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Luke 12:33

T'asìı hazǫǫ̀ naxıts'ǫ sìı naxıghǫ nàedì gà eyı sǫǫ̀mba dǫ-teèt'ı̨ı̨ ghàahłe. Sǫǫ̀mbawò nàzà-le sìı edegha aahtsı̨. Yak'e t'asìı nezı̨ı̨ wheahła nı̨dè wek'ehowı ha-le, eeɂį̀ı̨-dǫǫ̀ geeɂį̀ ha-le, eyıts'ǫ yììda yedè ha-le.

Luke 17:30

“Dǫ-wet'àaɂàa-deè wègoèt'į̀ı̨ dzęę̀ k'e nı̨dè hotıì eyı lagode ha hǫt'e.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

John 5:44

Dǫ naxıghǫ nezı̨į̀ agedı ha dahwhǫ, hanìkò Nǫ̀htsı̨ naxıghǫ nezı̨į̀ adı gha hots'ǫnıahɂà-le. Hanì-ı̨dè dànì naxıgha ehkw'ı-ahodı lì?

Zezì Wecheekeèdeè 8:20

Peter yets'ǫ̀ hadı, “Nǫ̀htsı̨ t'asìı k'èxa-le dǫ ghàyeɂàa sìı, sǫǫ̀mba t'à nàı̨hdì ha neewǫ t'à, nesǫǫ̀mbaà nexè wedıhołè welè!

Rome 2:10

Hanìkò dǫ hazǫǫ̀ nezı̨į̀ kexogeɂaa sìı Nǫ̀htsı̨ goghǫ sìghà anıwǫ ha, gıxè enıìyah hòɂǫǫ̀ agole ha, eyıts'ǫ gıxè ts'èwhı̨į̀ hòɂǫǫ̀ ayele ha. Israel got'ı̨į̀ nezı̨į̀ kexogeɂaa sìı gıgha hanì ha eyıts'ǫ dǫ eyıì-le xàɂaa, nezı̨į̀ k'ehogeɂaa sìı eyı sı gıxè hanì hòɂǫ ha.

Rome 2:29

Hanì nıìle! Dǫ wedzeè t'à Israel got'ı̨į̀ wedeèdlı̨ı̨ elı̨ nı̨dè, eyıts'ǫ Yedàyeh Nezı̨ı̨ t'à dǫ wedzeè k'e nàweet'à lanì nı̨dè, ehkw'ı nàweat'a hǫt'e. Nàowo dek'eèhtł'è k'ę̀ę̀ nàweat'a zǫ t'à Israel got'ı̨į̀ wedeèdlı̨ı̨ elı̨ nıìle. Dǫ Yedàyeh Nezı̨ı̨ t'à wedzeè nàt'à nı̨dè Nǫ̀htsı̨ yeghǫ sìghà adı ha hǫt'e, eyı sìı dǫ yeghǫ sìghà adı nahk'e nezı̨ hǫt'e.

Rome 2:7

Dǫ t'aats'ǫǫ̀ Nǫ̀htsı̨ gha nezı̨į̀ k'ehogeɂaa sìı gıxè enıìyah hòɂǫ ha, Nǫ̀htsı̨ goghǫ sìghà anıwǫ ha, eyıts'ǫ welǫ whìle ts'ǫ̀ geeda gha aget'ı̨ hǫt'e. Hanıı dǫ sìı Nǫ̀htsı̨ welǫ whìle ts'ǫ̀ geedaà agole ha hǫt'e.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

1 Corınth 3:13

dànì edılaà ghàlaı̨dàa sìı nǫǫde dzęę̀ k'e wek'èhoedzǫǫ̀ adle ha. Ayìı hòèhtsı̨ı̨ sìı kǫ̀-dèk'ǫ̀ǫ t'à wek'èhoedzǫǫ̀ adle ha, kǫ̀ t'à weèdzà ha, eyıts'ǫ wılaà k'è hoı̨zı̨ nı̨dè wek'èhoedzǫǫ̀ adle ha.

1 Corınth 4:5

Eyıt'à eyı nèhòkw'ı kwe t'asìı wesınìyaahtı-le, hanìkò gots'ǫ̀ K'àowo nììtła ts'ǫ̀ naahɂı̨. Togoòtł'òo t'à t'asìı deɂı̨į̀ whelaa sìı wègaat'ı̨į̀ ayele ha, eyıts'ǫ dǫ dàgı̨ı̨wǫ t'à k'ehogı̨ı̨ɂaa sìı wek'èedzǫǫ̀ ayele ha. Eyı dzęę̀ k'e nı̨dè dànì godzeè t'à ehkw'ı nànıts'edèe sìı k'ę̀ę̀ Nǫ̀htsı̨ goghǫ sìghà adı ha.

James 1:12

Dǫ weèdzà t'à wexè hoìla kò wınì nàtso-le ade-le sìı wexè sìghà hǫt'e. Ayìı t'à weèdzàa sìı yeghǫèhnǫ nı̨dè wek'èxa welǫ whìle ts'ǫ̀ edaà awedle ha. Amìı Nǫ̀htsı̨ ghǫnegeètǫǫ sìı hanì edeyatıì goghàı̨ɂǫ hǫt'e.

1 Peter 1:13

Eyıt'à nezı̨į̀ k'ehoahɂa gha naxınì nàtsoò aahłe. Nàowołı̨ı̨ ch'à edek'èahdì. Zezì-Krı wègoèht'į̀ nı̨dè Nǫ̀htsı̨ naxıts'ǫ̀ sǫnıwǫǫ̀ ade ha eyı ghǫ hòtł'ò naxıgha ehkw'ı-ahodı welè.

1 Peter 1:5

Naxıgha ehkw'ı-ahodı t'à Gonǫ̀htsı̨ nàtsoo sìı deghàà edaxànaxelee dzęę̀ ts'ǫ̀ naxık'èdì ha hǫt'e. Nǫǫde dzęę̀ k'e nı̨dè dànì weghǫ enıìyah sìı wek'èts'eezǫ ha hǫt'e.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

1 Peter 2:7

Naxıgha ehkw'ı adı t'à eyı kwe naxıgha sıì wet'àhoòɂà hǫt'e. Hanìkò amìı wegha ehkw'ı-ahodı-le sìı gıgha dıı hanì dek'eèhtł'è: “Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àhoòɂà whelı̨,”

1 Peter 4:12

Seàgı̨ą, naxıgha kèhoedı-le t'à daahɂaa sìı naxıgha enıìyah welè-le. Naxıxè hoìla agode ha-le dahwhǫ-le.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

2 Peter 1:4

Gots'ǫ̀ hanì naɂa ts'ıhɂǫ̀ t'asìı deè godawhelaà ayį̀į̀làa sìı ghǫ edeyatıì goghàı̨ɂǫ hǫt'e. Eyı ts'ıhɂǫ̀ Nǫ̀htsı̨ xè aaht'ı̨į̀ aahjà eyıts'ǫ dıı nèk'e dǫ gınàowołı̨ı̨ k'ę̀ę̀ aahda ch'à edaxàwhahde hǫt'e.

2 Peter 3:14

Eyıt'à seàgı̨ą, naxınà xè wexaahłı t'à t'asìı wejıı wı̨ı̨zìı naxık'e wheɂǫ-le gha hòtł'ò eghàlaahda, naxık'e nìdahoet'à ha-le, eyıts'ǫ Nǫ̀htsı̨ xè ts'èwhı̨į̀ naxıxè hòɂǫǫ gha hotıì edeahdzà.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.

John Wenazhıı 1:7

Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.

John Wenazhıı 3:18

Sǫǫ̀mbaekwo kǫ̀-dèk'ǫ̀ǫ t'à wedeèdlı̨į̀ adlàa sìı seghǫ nàahdì nı̨dè ahxee aahłı̨ ha. Goht'ǫ degoo seghǫ nàahdì, hanì-ı̨dè goht'ǫ dę edeghǫ į̀į̀zhaahłı̨ ha-le, eyıts'ǫ godaàtłeè seghǫ nàahdì, hanì-ı̨dè k'eaht'į̀ ha.