1 Peter 1:13 - Nǫ̀htsı̨ Nı̨htł'è

¹³ Eyıt'à nezı̨į̀ k'ehoahɂa gha naxınì nàtsoò aahłe. Nàowołı̨ı̨ ch'à edek'èahdì. Zezì-Krı wègoèht'į̀ nı̨dè Nǫ̀htsı̨ naxıts'ǫ̀ sǫnıwǫǫ̀ ade ha eyı ghǫ hòtł'ò naxıgha ehkw'ı-ahodı welè.

1 Peter 1:13 ပူးပေါင်းရင်းမြစ်များ

Matthew 20:4

Gots'ǫ̀ hadı, ‘Naxı̨ sı sedèè k'e eghàlaahda. Ayìı ehkw'ıı sìı naxıts'àɂeehdì ha,’ gòhdı.

Luke 12:35

Zezì edecheekeè ts'ǫ̀ hadı, “Naxıts'ǫ̀ K'àowo gha ts'atà dahkw'e xè naxık'aàk'ǫ t'aats'ǫǫ̀ dèk'ǫ̀ aahwhǫ.

Luke 17:30

“Dǫ-wet'àaɂàa-deè wègoèt'į̀ı̨ dzęę̀ k'e nı̨dè hotıì eyı lagode ha hǫt'e.

Luke 17:8

Dıı hayèhdı ha, ‘Segha bò xàı̨ht'è, shèhtı̨ gots'ǫ̀ naąɂı̨, eyı tł'axǫǫ̀-ı̨dè nı̨ shèwęętı̨ nǫǫ̀,’ yèhdı ha.

Rome 13:13

Dzęh dǫ geeda lanì ehkw'ı ts'eeda ha hǫt'e. Ts'edǫ xè ts'ıɂǫ̀-hots'eeɂà welè-le, gozhį̀į̀ t'à hołı̨ı̨ k'alats'edèe welè-le, ełets'ǫ̀ nàyats'ehtı welè-le, eyıts'ǫ ełeghǫ ts'ohots'eedı welè-le.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

1 Corınth 1:7

Eyıt'à gots'ǫ̀ K'àowo Zezì-Krı gots'ǫ̀ anade gha wedanaahɂı̨ gots'ǫ̀, Yedàyeh Nezı̨ı̨ t'asìı naxıghàı̨ɂǫǫ sìı hazǫǫ̀ naxıts'ǫ hǫt'e.

1 Corınth 13:13

Dıì nàowo taı sìı welǫ whìle ts'ǫ̀ whela ha: gogha ehkw'ı-ahodıı, edaxàts'eedè kanıts'eèɂàa, eyıts'ǫ ełeghǫnets'eètǫǫ. Eyı nàowo taı gots'ǫ sìı ełeghǫnets'eètǫǫ denahk'e elı̨ hǫt'e.

Ephesus 6:14

Eyıt'à nàahtso gıts'ǫ̀ naahɂa, nàowo ehkw'ıı t'à wheahtł'ı̨, eyıts'ǫ satsǫ̀ naxıdzıìwı k'e whetǫ lanì wet'à ehkw'ı ts'eedaa t'à aaht'ı̨.

Colosse 3:4

Eyıt'à Zezì-Krı wets'ıhɂǫ̀ aahda, eyıts'ǫ K'àowocho enıìyah k'ę̀ę̀ wègoèht'į̀ nı̨dè naxı̨ sı wexè naxègaat'ı̨ ha hǫt'e.

2 Thessalonıca 1:7

eyıts'ǫ naxıgha hoìlaa sìı naxıxè ts'èwhı̨į̀ hòɂǫǫ̀ ayele ha, goxı̨ sı goxè hagole ha. Gots'ǫ̀ K'àowo Zezì yak'e gots'ǫ wègoèht'į̀ nı̨dè goxè hagode ha. Ekò nı̨dè kǫ̀woò nàtsoo xè yak'eet'ı̨į̀ nàgetsoo wemǫǫ̀ gìgoèht'į̀ ha.

2 Tımothy 4:5

Hanìkò nı̨ sìı t'asìı hazǫǫ̀ gha nınì ehkw'ı anehwhǫ, negha hoìla kò wexè ts'èwhı̨į̀ ı̨da. Godı nezı̨ı̨ k'eneɂa gha nekayaetı ne t'à, la neghǫ̀t'ǫǫ sìı t'aats'ǫǫ̀ wek'ę̀ę̀ hòtł'ò eghàlaı̨da.

2 Tımothy 4:8

Ehkw'ı gha sııtà xè hoehnǫ ts'ıhɂǫ̀ t'asìı sǫǫ̀mbaekwo t'à hòèlı̨ı̨ nǫǫde dzęę̀ k'e seghǫ̀t'à ha. Gots'ǫ̀ K'àowo ededı̨ zǫ ehkw'ı dǫ sınìyaehtı hǫt'e eyıts'ǫ ayìı dehnǫǫ sìı seghàyııɂà ha. Sı̨ zǫ hasele ha nıìle, hanìkò dǫ hazǫǫ̀ wègoèht'į̀ gha kànegı̨ı̨ɂaa sìı ededı̨ sı hagole ha hǫt'e.

Hebrew 10:35

Eyıt'à gots'ǫ̀ K'àowo weghǫ naxınì nàtsoo sìı wedę aahłe-le, hanì-ı̨dè wek'èxa Nǫ̀htsı̨ t'asìı nechàa naxıghàɂà ha.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

Hebrew 6:19

Eyıt'à Nǫ̀htsı̨ edeyatıì goghàı̨ɂǫǫ sìı godą̀ązhį̀ı̨ gha tègozè lanì, wet'à goxè nàgoìdà ha nıìle. Zezì wexè Nǫ̀htsı̨kǫ̀-gocho goyìı enìı̨t'ı weɂı̨į̀ degaı k'è gòɂǫǫ sìı ekǫ eyı yatı gogha wheɂǫ lanì hǫt'e.

Hebrew 9:28

Eyı lanì Zezì-Krı ı̨łàà zǫ dǫ łǫ gıhołı̨į̀ k'èxa ełaàwìgwo, eyıts'ǫ k'achı̨ nàke t'à nììtła ha. Dǫ-hołı̨į̀ k'èxa k'achı̨ daı̨ɂa gha nììtła ha-le, hanìkò dǫ gıdanaèhɂı̨ı̨ sìı edaxàgole gha ade ha.

1 Peter 1:10

Nǫ̀htsı̨ edesǫnıwǫǫ̀ naxıghàyeɂà ha sìı whaà gots'ǫ nakwenàoɂǫǫ eyı ghǫ gogı̨ı̨de ı̨lè. Dàht'e k'e eyıts'ǫ dànì Nǫ̀htsı̨ hayele ha sìı gıgòhɂà ha gı̨ı̨wǫ t'à hòtł'ò gıghǫ nànıgedè xè hotıì gıxàeta ı̨lè. Zezì-Krı wets'ǫ Inì Degaı dıı hagòhdı ı̨lè: “Nǫǫde nı̨dè Zezì-Krı daı̨ɂa ha hǫt'e eyı tł'axǫǫ̀ nı̨dè wexè enıìyah hòɂǫ agode ha hǫt'e.” Yedàyeh Nezı̨ı̨ gots'ǫ̀ hadı ı̨lè, hanìkò dàht'e dzęę̀ k'e eyıts'ǫ edı̨į̀ hagode ha sìı gık'èezǫ-le.

1 Peter 3:15

Hanìkò naxıdzeè t'à Zezì-Krı naxıts'ǫ̀ K'àowo elı̨į̀ aahłe. Naxıgha ehkw'ı-ahodı ghǫ dǫ danaxeehke nı̨dè eyı ghǫ yatı weahɂà gha ts'atà dahkw'e ha hǫt'e. Naxıdzeè nezı̨ı̨ t'à wets'ǫ̀ goahde eyıts'ǫ eyı dǫ nezı̨į̀ wets'ǫ̀ naahɂa.

1 Peter 4:7

T'asìı hazǫǫ̀ welǫ agode ha nìhǫǫwo. Eyıt'à naxınì ehkw'ıì aahłe eyıts'ǫ nàowołı̨ı̨ ch'à edek'èahdì, hanì-ı̨dè nezı̨į̀ yaahtı ha dìì-le.

1 Peter 5:12

Naxıts'ǫ̀ eehtł'è gha sèot'ı̨ Sılas sets'àı̨dì. Ededı̨ sìı t'aats'ǫǫ̀ segha nezı̨į̀ eghàlaeda hǫt'e. Naxınì nàtsoò ahłe ha eyıts'ǫ Nǫ̀htsı̨ wesǫnıwǫ k'ę̀ę̀ aahda ha dehwhǫ t'à t'asìı mǫ̀hdaa ghǫ naxıts'ǫ̀ ııhtł'è hǫt'e. Nǫ̀htsı̨ naxıts'ǫ̀ sǫnıwǫ ts'ıhɂǫ̀ t'aats'ǫǫ̀ naxınì nàtsoò aahwhǫ.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

1 John 3:3

Dǫ hazǫǫ̀ eyı hagode ha gıgha ehkw'ı-ahodıı sìı degaı k'ę̀ę̀ edek'ègedì ha hǫt'e, Zezì-Krı dànì degaı elı̨ k'ę̀ę̀.