1 Peter 1:12 - Nǫ̀htsı̨ Nı̨htł'è

¹² Edegha eghàlageeda nıìle hanìkò ayìı ghǫ gogı̨ı̨dee sìı naxıgha agedıı gık'èezǫǫ̀ agììdlà hǫt'e. Dıì godı nezı̨ı̨ t'à naxıts'ǫ̀ gogedee sìı yak'e gots'ǫ Yedàyeh Nezı̨ı̨ gıts'ǫ̀ adlàa sìı wedahxà agedı hǫt'e. Ayìı ghǫ gogı̨ı̨dee sìı yak'eet'ı̨į̀ kò gıgòhɂà ha gı̨ı̨wǫ.

1 Peter 1:12 ပူးပေါင်းရင်းမြစ်များ

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Mark 16:15

Eyıts'ǫ gots'ǫ̀ hadı, “Dıı nèk'e hazǫǫ̀ ts'ǫ̀ aahde, godı nezı̨ı̨ dǫ hazǫǫ̀ ts'ǫ̀ haahdı.

Luke 15:10

Ehkw'ı anaxèehsı̨, eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè Nǫ̀htsı̨ weyak'eet'ı̨į̀ gınà t'à sìgoèt'ı̨ ha hǫt'e,” Zezì gòhdı.

Luke 2:26

Gots'ǫ̀ K'àowo wets'ǫ Chrıst eɂį̀ kwe ełaàwı ha-le, Yedàyeh Nezı̨ı̨ yets'ǫ̀ hadı ı̨lè.

Luke 9:6

Zezì hagòhdı tł'axǫǫ̀ wecheekeè kǫ̀ta hazǫǫ̀ yàgòlaa ts'ǫ̀ geède. Nǫ̀htsı̨ wegodıì nezı̨ı̨ t'à dǫ hoghàgeehtǫ, eyıts'ǫ ekǫ kǫ̀ta hazǫǫ̀ dǫ k'aàt'ıì agı̨į̀là.

John 15:26

“Setà wedahxà Yedàyeh Nezı̨ı̨ naxıts'ǫ̀ ahłe ha, Setà wets'ǫ at'ı̨ hǫt'e. Eyı naxıts'àdıı elı̨ı̨ sìı nììtła nı̨dè seghǫ ehkw'ı xàyahtı ha hǫt'e.

Zezì Wecheekeèdeè 10:44

Peter ı̨łaà gots'ǫ̀ gode ekò dǫ hazǫǫ̀ godı gıìkw'oo sìı Yedàyeh Nezı̨ı̨ gık'e ajà.

Zezì Wecheekeèdeè 16:10

Paul wenazhıı xègoèht'į̀ tł'axǫǫ̀ ekòet'ıì Macedonıa nèk'e ts'ǫ̀ ts'eedè ha sınìts'ı̨ı̨de. Nǫ̀htsı̨ hagòhdı wek'èts'eezǫ t'à, ekǫ godı nezı̨ı̨ dǫ gıghàts'eɂà ha ts'eède.

Zezì Wecheekeèdeè 2:33

Įdòo Nǫ̀htsı̨ ts'ǫ̀ nıwıìtı̨ eyıts'ǫ yegà nàgòts'ehnèe wheda hǫt'e. Nǫ̀htsı̨-Gotà, Yedàyeh Nezı̨ı̨ ghǫ goı̨dee sìı Zezì ghàyı̨ı̨ɂǫ. Zezì eyı Yedàyeh Nezı̨ı̨ gots'ǫ̀ ayį̀į̀làa sìı dıì weghàahda xè weàhkw'ǫ hǫt'e.

Zezì Wecheekeèdeè 4:31

Yagı̨ı̨htı tł'axǫǫ̀, kǫ̀ goyìı łą̀ą geèhkw'ee sìı hǫtsaa nàgoèhdǫ. Hazǫǫ̀ goyìı geèhkw'ee sìı Yedàyeh Nezı̨ı̨ gık'e ajà t'à Nǫ̀htsı̨ weyatıì t'à gogede ha gınì nàtsoò ajà.

Zezì Wecheekeèdeè 4:8

Peter, Yedàyeh Nezı̨ı̨ wek'e ajà t'à gots'ǫ̀ hadı, “K'aodèe yàahłı̨ı̨ eyıts'ǫ ǫhdah yàahłı̨ı̨ sìı,

Zezì Wecheekeèdeè 8:25

Gots'ǫ̀ K'àowo weyatıì dǫ ghàgı̨ı̨ɂǫ tł'axǫǫ̀ Peter eyıts'ǫ John ek'èt'à Jerusalem ts'ǫ̀ nageèhde. Samarıa nèk'e kǫ̀ta yàgòlaa sìı gok'egı̨į̀de, ekǫ godı nezı̨ı̨ t'à dǫ xè gogıado.

Rome 1:15

Eyı ts'ıhɂǫ̀ naxı̨ kǫ̀ta Rome nàahdèe sìı sıì naxıts'àhtła ha dehwhǫ, Nǫ̀htsı̨ wegodıì nezı̨ı̨ t'à naxıts'ǫ̀ gohde ha dehwhǫ.

Rome 1:17

Eyı godı nezı̨ı̨ wet'à dànì Nǫ̀htsı̨ ehkw'ı agohɂį̀ı̨ sìı wek'èts'eezǫǫ̀ ats'et'į̀ hǫt'e. Dǫ Nǫ̀htsı̨ gıgha ehkw'ı-ahodıı zǫ t'à ehkw'ı aget'į̀ hǫt'e. Dıı hanì dek'eèhtł'è t'à: “Dǫ ehkw'ı agììdlàa sìı gıgha ehkw'ı-ahodı t'à welǫ whìle ts'ǫ̀ geeda ha hǫt'e,” dek'eèhtł'è.

Rome 10:15

Eyıts'ǫ gots'ǫ̀ K'àowo dǫ goı̨hɂà-le nı̨dè, dànì wegodıì nezı̨ı̨ t'à gots'ǫ̀ gogede welì? Dıı hanì dek'eèhtł'è: “Dǫ godı nezı̨ı̨ gots'ǫ̀ nìı̨ɂǫǫ sìı weghǫ sıì goınà hǫt'e!” dek'eèhtł'è.

Rome 15:19

Yedàyeh Nezı̨ı̨ wedahxà nàhtsoò asììdlà ts'ıhɂǫ̀ enıìyah łǫ hòwhıhtsı̨ t'à dıı hanì eghàlaıhdà hǫt'e. Eyıt'à kǫ̀ta Jerusalem gots'ǫ nıwàa nèk'e Ilırıcum ts'ǫ̀ Zezì-Krı wegodıì nezı̨ı̨ deghàà dǫ hazǫǫ̀ ts'ǫ̀ wek'ayawhıhtı hǫt'e.

1 Corınth 2:10

Hanìkò dıì sìı Nǫ̀htsı̨-Gotà edets'ǫ Įnì Degaı wedahxà dıı godı wek'èts'eezǫǫ̀ agǫ̀ǫ̀là. Yedàyeh Nezı̨ı̨ t'asìı hazǫǫ̀ yenıedì, eyıts'ǫ Nǫ̀htsı̨ ts'ǫǫ̀hk'e t'asìı deɂı̨į̀ whelaa sìı eyı kò yenıedì hǫt'e.

2 Corınth 1:22

eyıts'ǫ wets'ǫ ats'ı̨ı̨t'e wek'èhoedzǫǫ̀ ayį̀į̀là. Eyıt'à edets'ǫ Įnì Degaı godzeè yìı nàdè ayį̀į̀là, wet'à gogha sǫǫ̀mba nìı̨ɂǫ lanì, eyı weghàà ı̨daà ayìı godawhelaa sìı hotıì goghǫ̀t'à ha wek'èhoedzǫǫ̀ ayį̀į̀là.

2 Corınth 6:6

dànì degaı k'ę̀ę̀ ts'eedaa, Nǫ̀htsı̨ yatıì nıts'eedìı, dǫ xè ts'èwhı̨į̀ hots'èhɂǫǫ xè etegets'eèɂı̨ı̨; dànì Yedàyeh Nezı̨ı̨ k'ę̀ę̀ ts'eedaa eyıts'ǫ dànì hotıì dǫ ghǫnets'eètǫǫ;

Galatıa 1:12

Eyı godı nezı̨ı̨ sìı dǫ wı̨ı̨zìı seghàyı̨ı̨ɂǫ nıìle, eyıts'ǫ dǫ wı̨ı̨zìı yeghǫ hoghàseèhtǫ nıìle. Zezì-Krı ededı̨ godı nezı̨ı̨ seghàı̨ɂǫ t'à, wenıehdì asį̀į̀là.

Ephesus 3:10

Nǫ̀htsı̨ hanì eghàlaı̨dà hǫt'e. Dànì deɂǫ̀ǫ̀ gǫǫzǫǫ sìı yat'a ı̨nì k'aodèe hazǫǫ̀ gık'èezǫ ha nıwǫ t'à, edecheekeè got'à hanì eghàlaı̨dà hǫt'e.

1 Thessalonıca 2:9

Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

Hebrew 11:13

Eyı dǫ ełaàgı̨ı̨dè ekò ı̨łaà gıgha ehkw'ı-ahodı k'ę̀ę̀ geeda ı̨lè. Nǫ̀htsı̨ edeyatıì goghàı̨ɂǫǫ sìı ı̨łaà wek'ę̀ę̀ t'asìı gıghǫ̀zha nıìle, hanìkò ı̨daà nıwà gıaɂı̨ lanì t'à eyı ghǫ gınà ı̨lè. Xàhtǫ lanì whaà-lea gots'ǫ̀ dıı nèk'e nàts'edè, hagedı ı̨lè.

Hebrew 2:4

Nǫ̀htsı̨ sìı godaà enıìyah łǫ xàɂaa eghàlaı̨dà t'à weghàà ehkw'ı-ahodı hǫǫwǫ hǫt'e, eyıts'ǫ wınì k'ę̀ę̀ Yedàyeh Nezı̨ı̨ t'asìı nezı̨ı̨ dǫ goghàyele hǫt'e.

Hebrew 4:2

Gocho gıxèht'eè goxı̨ sı godı nezı̨ı̨ t'à gots'ǫ̀ gogı̨ı̨de hǫt'e, hanìkò Nǫ̀htsı̨ wegodıì gı̨į̀hkw'ǫ̀ǫ sìı gıgha ehkw'ı-ahodı-le t'à gıt'àhǫı̨hwhı-le.

1 Peter 1:25

hanìkò gots'ǫ̀ K'àowo weyatıì sìı welǫ whìle ts'ǫ̀ wheɂǫ,” hanì dek'eèhtł'è. Eyı yatı sìı weghànaxeètǫ hǫt'e.

1 Peter 4:6

Eyı ts'ıhɂǫ̀ dǫ ełaı̨dèe kò godı nezı̨ı̨ gıghǫ̀t'ǫ hǫt'e. Hanì-ı̨dè gızhį̀į̀ ełaàde gha gısınìyaetı hǫt'e, hanìkò Yedàyeh Nezı̨ı̨ t'à gıgǫ̀hłı̨į̀ agejà nı̨dè Nǫ̀htsı̨ xè geeda ha hǫt'e.

John Wenazhıı 5:11

Eyı tł'axǫǫ̀ ı̨dòo k'eeht'į̀ ekò yak'eet'ı̨į̀ łǫ gejį̀ hǫt'e. Yak'eet'ı̨į̀ lemìıyǫǫ̀ łǫ t'à gıts'ıhtà ha dìì. Daèhchı̨cho, t'asìı dı̨ godìı eyıts'ǫ ǫhdah naènǫ-daats'ǫ̀-dı̨ gımǫǫ̀ yak'eet'ı̨į̀ łǫ ełèwhede.