7 T'asìı taı xàyagehtı hǫt'e:
Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.
Hanìkò wegha ehkw'ı aahdı-le nı̨dè dǫ eyıì-le ı̨łè hanì-le-ı̨dè nàke xè k'achı̨ wets'ǫ̀ goahde, ‘dǫ nàke hanì-le-ı̨dè dǫ taı gıdaà agòjàa sìı ełèht'eè dǫ ghǫ xàyagehtı nı̨dè gıgodıì ıtà ha hǫt'e,’ hanì dek'eèhtł'è.
Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.
Kèhoį̀wo gots'ǫ Yatı wehòhɂǫ ı̨lè, eyı Yatı sìı Nǫ̀htsı̨ xè wehòhɂǫ, eyıts'ǫ eyı Yatı sìı Nǫ̀htsı̨ elı̨.
Sı̨ eyıts'ǫ Setà sı ı̨łè zǫ lawììt'e,” Zezì gòhdı.
Setà, nıızì weghàsǫhoedı anele!” Hadı tł'axǫǫ̀ yak'e gots'ǫ dıı hats'edıì hǫt'e, “Sıızì hòt'a weghàsǫhoedı ahłà, eyıts'ǫ k'achı̨ hanahłe ha,” wets'ǫ̀ hats'edıì hǫt'e.
Eyı sìı Yedàyeh Nezı̨ı̨ hǫt'e, ehkw'ı naxıts'ǫ̀ gode ha. Dıı nèk'e gots'ǫ dǫ hazǫǫ̀ Yedàyeh Nezı̨ı̨ gìhchı ha dìì, gıghàeda-le eyıts'ǫ gık'èezǫ-le t'à. Hanìkò naxıxè eda eyıts'ǫ naxıdzeè yìı nàdè t'à, naxı̨ wek'èahsǫ hǫt'e.
“Setà wedahxà Yedàyeh Nezı̨ı̨ naxıts'ǫ̀ ahłe ha, Setà wets'ǫ at'ı̨ hǫt'e. Eyı naxıts'àdıı elı̨ı̨ sìı nììtła nı̨dè seghǫ ehkw'ı xàyahtı ha hǫt'e.
Gotà wet'à ts'eeda hǫt'e, eyı xèht'eè Weza sı t'à ts'eeda hǫt'e, hanì wetł'a hòɂǫ ayı̨į̀là.
Sı̨ sìı edegha gohde hǫt'e, eyıts'ǫ Setà sı̨ı̨hɂàa sìı segha gode hǫt'e,” Zezì gòhdı.
Zezì hadı, “Sı̨ edeghàsǫehdı nı̨dè eyı t'asìı nıìle. Setà, Naxınǫ̀htsı̨ hǫt'e dahdıı sìı, ededı̨ seghàsǫhoedıì asį̀į̀là hǫt'e.
Įdòo Nǫ̀htsı̨ ts'ǫ̀ nıwıìtı̨ eyıts'ǫ yegà nàgòts'ehnèe wheda hǫt'e. Nǫ̀htsı̨-Gotà, Yedàyeh Nezı̨ı̨ ghǫ goı̨dee sìı Zezì ghàyı̨ı̨ɂǫ. Zezì eyı Yedàyeh Nezı̨ı̨ gots'ǫ̀ ayį̀į̀làa sìı dıì weghàahda xè weàhkw'ǫ hǫt'e.
Eyı hazǫǫ̀ nàhòwoo sìı weghàts'ı̨ı̨dà hǫt'e, wet'à dǫ xè gots'edo, eyıts'ǫ Yedàyeh Nezı̨ı̨ ededı̨ sı dǫ ts'ǫ̀ hadı. Dǫ Nǫ̀htsı̨ k'èagı̨ı̨t'ee sìı Yedàyeh Nezı̨ı̨ goghàɂà hǫt'e,” Peter gòhdı.
Gots'ǫ̀ K'àowo Zezì-Krı naxıxè sǫnıwǫ welè, Nǫ̀htsı̨ naxıghǫneètǫ welè, eyıts'ǫ Yedàyeh Nezı̨ı̨ wenàowoò naxıxè welè.
Ededı̨ kèhǫǫ̀wo gots'ǫ wehòhɂǫǫ sìı wets'eèhkw'ǫ ı̨lè, xàè godaà t'à wets'aɂı̨ xè weghàts'ı̨ı̨dà ı̨lè eyıts'ǫ goılà t'à dawets'aachì ı̨lè. Eyı Yatı wet'à ts'eedaa elı̨ı̨ sìı weghǫ gots'edeè ats'edı.
Zezì-Krı, tı t'à eyıts'ǫ edoò t'à dıı nèk'e edılaà ghàlaı̨dà. Tı zǫ t'à ajà nıìle, tı eyıts'ǫ edoò t'à dıı nèk'e ts'ǫ̀ ajà hǫt'e. Yedàyeh Nezı̨ı̨ ededı̨ yeghǫ xàyaı̨htı, Yedàyeh Nezı̨ı̨ nàowo ehkw'ıı elı̨ t'à.
Yedàyeh Nezı̨ı̨, tı, eyıts'ǫ edoò, eyı taı sìı ełèht'eè xàyagehtı.
ʔeh nedèe edoò ta adlàa yìı wheda eyıts'ǫ wıızì “Nǫ̀htsı̨ weyatıì” wìyeh.
