1 John 5:21 - Nǫ̀htsı̨ Nı̨htł'è

²¹ Sèot'ı̨ı̨, nǫ̀htsı̨ hòèlı̨ı̨ sìı ts'ǫ̀ yaahtı-le.

1 John 5:21 ပူးပေါင်းရင်းမြစ်များ

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

1 Corınth 10:14

Eyıt'à seàgı̨ą nǫ̀htsı̨ą hòèlı̨ı̨ hazǫǫ̀ xàɂaa ts'ǫ̀ yaahtı ch'à eyıts'ǫ gınàowoò ààhchı ch'à hotıì edek'èahdì.

1 Corınth 10:7

Gocho mǫ̀hdaa gıxèht'eè nǫ̀htsı̨ hòèlı̨ı̨ ts'ǫ̀ yaahtı-le. Dıı hanì dek'eèhtł'è, “Dǫ shègezhe xè gedǫ gha łą̀ą nègı̨ı̨de, eyı tł'axǫǫ̀ ededzeè t'à dǫ Nǫ̀htsı̨ k'ègeezǫ-le lanì gıgha sìgoèt'ı̨ xè ełexè sǫnàgedè,” dek'eèhtł'è.

1 Thessalonıca 1:9

Dànì naxıkǫ̀ gots'ǫ̀ enìxàı̨tǫǫ̀ aahłàa sìı ghǫ nezı̨į̀ xàyagı̨ı̨htı. Naxıghǫ gots'ǫ̀ dıı hagedı: Nǫ̀htsı̨ą hòèlı̨ı̨ ts'ǫ̀ yaahtı-le aahjà, eyıts'ǫ Nǫ̀htsı̨ edaa xè ehkw'ı hǫt'e sìı wets'ǫ̀ naahɂa xè ededı̨ zǫ wegha eghàlaahdaà aahjà, naxègedı.

1 John 2:1

Sèot'ı̨ı̨, hołı̨ı̨ hoahtsı̨ ch'à hanì naxıts'ǫ̀ ııhtł'è hǫt'e. Hanìkò dǫ hołı̨ı̨ hòèhtsı̨ nı̨dè, gogha dǫ k'edaedıı dǫǫ̀ gǫ̀hłı̨, gogha Edetà ts'ǫ̀ gode ha, eyı sìı Zezì-Krı hǫt'e, Ehkw'ı Edaa Elı̨ı̨ wìyeh.

John Wenazhıı 14:11

Hanıı dǫ gık'eek'ǫ̀ gots'ǫ ło welǫ whìle ts'ǫ̀ ı̨dòo deekw'e ha. Amìı eyı tıts'aàdìı nechàa ts'ǫ̀ eyıts'ǫ kwe wek'ę̀ę̀ wègaat'ı̨ı̨ ts'ǫ̀ yagehtıı eyıts'ǫ wıızì gık'e aatł'èe sìı ts'èwhı̨į̀ hòɂǫ hǫı̨lı̨ ha-le.”

John Wenazhıı 9:20

Dıı nèk'e dǫ ełaàgı̨ı̨dè-le sìı edılà t'à ayìı gèhtsı̨ı̨ sìı ghǫ edek'egı̨ı̨lı̨-le. Įnìłı̨ı̨ ts'ǫ̀ yagehtı ghǫ naget'è-le. Sǫǫ̀mbaekwo t'à t'asìı hòèlı̨ı̨, sǫǫ̀mba degoo, satsǫ̀ dekwoo, kwe, eyıts'ǫ dechı̨ t'à nǫ̀htsı̨ą hòèlı̨ı̨ sìı ts'ǫ̀ yagehtı. Edegha nǫ̀htsı̨ą gehtsı̨ı̨ sìı k'egeet'į̀-le, egeèhkw'ǫ-le xè k'egedè-le kò ı̨łaà gots'ǫ̀ yagehtı.