1 John 5:18 - Nǫ̀htsı̨ Nı̨htł'è

¹⁸ Amìı Nǫ̀htsı̨ gots'ǫ wegǫ̀hłı̨ı̨ sìı ı̨łaà hołı̨ı̨ k'ę̀ę̀ eda nıìle wek'èts'eezǫ. Zezì-Krı Nǫ̀htsı̨ gots'ǫ wegǫ̀hłı̨ ı̨lèe sìı yek'èdì hǫt'e, eyıt'à wehłı̨ı̨ t'asayele ha dìì.

1 John 5:18 ပူးပေါင်းရင်းမြစ်များ

Matthew 5:37

‘Hęɂę,’ dahdı nı̨dè wek'ę̀ę̀ eghàlaahda, eyıts'ǫ ‘į̀le,’ dahdı nı̨dè wek'ę̀ę̀ eghàlaahda; eyı weɂǫ̀ǫ̀ yatı nàtsoo t'à xàyaahtıı sìı wehłı̨ı̨ weyatıì hǫt'e.

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

John 1:13

Wezaa gı̨ı̨lı̨ı̨ sìı dǫkwǫ̀ t'à gıgǫ̀hłı̨ı̨ awèts'edı-le, dǫ hanıwǫ t'à le, eyıts'ǫ dǫzhìı wınì k'ę̀ę̀ sı t'à le, hanìkò Nǫ̀htsı̨ dahxà gıgǫ̀hłı̨ t'à Nǫ̀htsı̨ wezaa gı̨ı̨lı̨ hǫt'e.

John 14:30

Hòt'a dıı nèè ts'ǫ̀ k'àowo sìı nììtła ha t'à, whaà-le-t'ıì naxıts'ǫ̀ gohde-le agode ha. Sı̨ sets'ǫ̀ k'àowo nıìle,

John 15:4

Sexè aahda nı̨dè sı̨ sı naxıxè nàhdè ha. Kw'ıhchı̨į̀ wı̨ı̨zìı ts'ı dę whatsǫǫ̀ wek'e jìecho dehshe ha dìì. Ts'ı k'e kw'ıhchı̨į̀ dehshe nı̨dè zǫ, wek'e jìecho dehshe hǫt'e. Eyı xèht'eè naxı̨ sı sedę aahda ha dìì.

John 15:7

Sexè aahda xè seyatıì k'èahdì nı̨dè Setà ayìı weahkèe sìı naxıghàyeɂà ha.

John 15:9

“Setà seghǫneètǫ lanì naxıghǫneehtǫ. Naxıghǫneehtǫ t'à t'aats'ǫǫ̀ sexè aaht'e.

Zezì Wecheekeèdeè 11:23

Ekǫ nììtła ekò dànì Nǫ̀htsı̨ gots'ǫ̀ sǫnıwǫ t'à dǫ gha eghàlaı̨daa sìı hazǫǫ̀ yaɂı̨ t'à wınà. Gots'ǫ̀ K'àowo ghǫ gınì nàtsoò agole ha gots'ǫ̀ goı̨de.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.

1 Peter 1:23

Naxı̨ sìı k'achı̨ naxıgǫ̀hłı̨į̀ aahjà hǫt'e. T'asìı wedıhołè ha sìı t'à aahjà nıìle, hanìkò Nǫ̀htsı̨ weyatıì welǫ whìle ts'ǫ̀ wheɂǫǫ sìı t'à k'achı̨ naxıgǫ̀hłı̨ hǫt'e.

1 John 2:29

Zezì ehkw'ı hǫt'e wek'èahsǫ nı̨dè, amìı ehkw'ı k'ehoɂaa sìı yets'ǫ dǫ-elı̨ wek'èahsǫ hǫt'e.

1 John 3:12

Caın wexèaht'e-le, ededı̨ sìı wehłı̨ı̨ wets'ǫ dǫ hǫt'e, eyıts'ǫ edechı ełaı̨hwho ı̨lè. Dànìghǫ ayį̀į̀là? Ededı̨ wenàowoò jıı t'à ełaàyį̀ı̨hwho, hanìkò wechı wenàowoò ehkw'ı hǫt'e.

1 John 3:3

Dǫ hazǫǫ̀ eyı hagode ha gıgha ehkw'ı-ahodıı sìı degaı k'ę̀ę̀ edek'ègedì ha hǫt'e, Zezì-Krı dànì degaı elı̨ k'ę̀ę̀.

1 John 3:9

Nǫ̀htsı̨ dahxà dǫ wegǫ̀hłı̨ı̨ sìı ı̨łaà hołı̨ı̨ nàowoò k'ę̀ę̀ eda nıìle, Nǫ̀htsı̨ wets'ǫ Įnì wedzeè yìı wheɂǫ ne t'à. Nǫ̀htsı̨ dahxà wegǫ̀hłı̨ ne t'à ı̨łaà hołı̨ı̨ k'ę̀ę̀ eda ha nıìle.

1 John 4:6

Goxı̨ sìı Nǫ̀htsı̨ wets'ǫ ats'ı̨ı̨t'e, eyıt'à dǫ Nǫ̀htsı̨ k'ègeezǫǫ sìı gogeèhkw'ǫ hǫt'e, hanìkò amìı Nǫ̀htsı̨ gots'ǫ agı̨ı̨t'e-le sìı gogeèhkw'ǫ nıìle. Eyı weghàà Įnì ehkw'ı gode gıts'ǫ̀-èlı̨, hanì-le-ı̨dè ı̨nì hots'ì gode gıts'ǫ̀-èlı̨ wek'èts'eezǫ hǫt'e.

1 John 5:1

Amìı, Zezì Nǫ̀htsı̨ yį̀į̀hchì hǫt'e wegha ehkw'ı-ahodıı sìı Nǫ̀htsı̨ gots'ǫ wegǫ̀hłı̨ hǫt'e, eyıts'ǫ amìı Gotà ghǫneètǫǫ sìı Weza sı ghǫneètǫ hǫt'e.

1 John 5:15

Hotıì goèhkw'ǫ wek'èts'eezǫ nı̨dè ayìı wets'eekèe sìı hòt'a goghàyı̨ı̨ɂǫ hǫt'e wek'èts'eezǫ.

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.

1 John 5:21

Sèot'ı̨ı̨, nǫ̀htsı̨ hòèlı̨ı̨ sìı ts'ǫ̀ yaahtı-le.

1 John 5:4

Amìı Nǫ̀htsı̨ gots'ǫ wegǫ̀hłı̨ı̨ sìı dıı nèè ts'ǫ nàowołı̨ı̨ nahk'e elı̨ hǫt'e. Gogha ehkw'ı-ahodıı t'à, dıı nèè ts'ǫ nàowołı̨ı̨ ghǫts'eèhnǫ hǫt'e.

Jude 1:21

T'aats'ǫǫ̀ Nǫ̀htsı̨ naxıghǫneètǫ k'ę̀ę̀ aahda, eyıts'ǫ gots'ǫ̀ K'àowo Zezì-Krı wesǫnıwǫ t'à welǫ whìle ts'ǫ̀ aahda anaxele gots'ǫ̀ wedanaahɂı̨.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.