1 John 4:9 - Nǫ̀htsı̨ Nı̨htł'è

⁹ Nǫ̀htsı̨ dàı̨hcho ts'ǫ̀ goghǫneètǫǫ sìı dıı weghàà wek'èts'eezǫǫ̀ agǫ̀ǫ̀là: Weza wet'ǫ̀ǫ̀ ts'eeda ha goı̨hwhǫ t'à, Edeza ı̨łàet'ee zǫ dıı nèk'e ts'ǫ̀ ayį̀į̀là.

1 John 4:9 ပူးပေါင်းရင်းမြစ်များ

Dànì Kèhoį̀wo 22:2

Nǫ̀htsı̨ hayèhdı, “Neza ı̨łàet'ee Isaac weghǫneę̀tǫǫ sìı yeè Morayah nèk'e ts'ǫ̀ edexè awı̨ı̨le. Ekǫ shìh ı̨łè nets'ǫ̀ haehsı̨ ha sìı weka neza ełaı̨whı gà sets'ǫ̀ wek'eı̨hk'ǫ̀ ha,” yèhdı.

Mark 12:6

“Dǫ ı̨łè zǫ gots'ǫ̀ yeehɂà ha whedaà ajà: edeza ghǫneètǫǫ sìı ekǫ yeehɂà ha nıwǫ. Eyıt'à nǫǫde ts'ǫ̀ edeza gots'ǫ̀ yeèhɂà, edets'ǫ̀ hadı, ‘Seza ts'ǫ̀ nezı̨į̀ nageɂa ha ne,’ hadı.

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

John 10:10

Eeɂį̀ı̨-dǫǫ̀ sìı sahzǫ̀ą deɂį̀ı̨ xè ełaàgòhde zǫ gha at'ı̨, hanìkò sı̨ set'à geeda ha jǫ ahjà, eyıts'ǫ denahk'e gıxè sìghà hòɂǫ gha jǫ ahjà.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 3:16

“Nǫ̀htsı̨ dıı nèk'e dǫ hazǫǫ̀ sıì goghǫneètǫ t'à, edeza ı̨łàet'ee dǫ tł'aàyį̀ı̨htı̨. Amìı ehkw'ı adı yı̨ı̨hwhǫǫ sìı wedıhołè ha-le, welǫ whìle ts'ǫ̀ eda ha.

John 3:18

Amìı ehkw'ı adı yı̨ı̨hwhǫǫ sìı hoìla awedle ha-le, hanìkò amìı ehkw'ı adı yı̨ı̨hwhǫ-le sìı hòt'a wesınìyaetı hǫt'e, Nǫ̀htsı̨ Weza ı̨łàet'ee sìı wegha ehkw'ı-ahodı-le t'à.

John 5:23

Hanì-ı̨dè dǫ hazǫǫ̀ Gotà ts'ǫ̀ nezı̨į̀ nageɂa lanì Weza ts'ǫ̀ nezı̨į̀ nageɂa ha. Gotà Edeza gots'ǫ̀ yı̨ı̨hɂà t'à, amìı Weza ts'ǫ̀ nezı̨į̀ nageɂa-le sìı Wetà ts'ǫ̀ nezı̨į̀ nageɂa-le hǫt'e.

John 6:29

Zezì hadı, “Nǫ̀htsı̨ sìı dıı hanì eghàlaahda ha naxı̨ı̨hwhǫ: dǫ naxıts'ǫ̀ yı̨ı̨hɂàa sìı ehkw'ı adı weahwhǫ ha,” gòhdı.

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

John 6:57

Setà edaa elı̨ı̨ sìı jǫ ts'ǫ̀ sı̨ı̨hɂà hǫt'e, eyıts'ǫ Setà wets'ıhɂǫ̀ sı̨ ehda hǫt'e. Eyı xèht'eè amìı seghǫ shètı̨ı̨ sìı sets'ıhɂǫ̀ eda ha hǫt'e.

John 8:29

Amìı sı̨ı̨hɂàa sìı t'aats'ǫǫ̀ wınì k'ę̀ę̀ eghàlaehda t'à, sexè at'ı̨ hǫt'e eyıts'ǫ sets'ǫǫ̀ ajà nıìle,” Zezì hadıì dǫ ts'ǫ̀ goı̨de.

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

John 9:3

Zezì gots'ǫ̀ hadı, “Dıı dǫ hołı̨ı̨ hòèhtsı̨ t'à ajà nıìle, eyıts'ǫ wèot'ı̨ hołı̨ı̨ hogèhtsı̨ t'à hajà nıìle. Nǫ̀htsı̨ naxıdaà eyı dǫ gha enıìyah hohtsı̨ ha nıwǫ t'à, ajà hǫt'e.

Rome 8:32

Xàè Weza sìı edegha yek'èdì-le, hanìkò hazǫǫ̀ gogha ełaı̨woò ayį̀į̀là. Hotıì gogha hanì eghàlaı̨dà nı̨dè, t'asìı hazǫǫ̀ edeza ghàyı̨ı̨laa sìı goxı̨ sı ededzeè t'à goghàyele ha wek'èts'eezǫ.

Hebrew 1:5

Eyıt'à dàht'e-seè Nǫ̀htsı̨ yak'eet'ı̨į̀ ı̨łè ts'ǫ̀ dıı hadı, “Nı̨ Seza anet'e, dıı dzęę̀ k'e Netà whıhłı̨,” hadı nǫǫ̀? Hanì-le-ı̨dè asį̀į̀ yak'eet'ı̨į̀ ı̨łè ghǫ dıı hadı, “Wetà ehłı̨ ha, eyıts'ǫ ededı̨ Seza elı̨ ha,” asį̀į̀ yak'eet'ı̨į̀ ghǫ hadı hǫı̨lı̨ nǫǫ̀?

1 John 3:16

Zezì gogha ełaı̨woo sìı eyı weghàà goghǫneètǫ wek'èts'eezǫǫ̀ ats'ejà. Eyı xèht'eè gòet'ı̨ gıgha ehkw'ı-ahodıı sìı gıgha ełaàts'ıde ts'ı̨ı̨wǫ welì.

1 John 4:10

Dıı hanì ełeghǫnets'eètǫǫ wedeèdlı̨ı̨ hǫt'e: goxı̨ dǫ ts'ı̨ı̨lı̨ı̨ sìı dànì Nǫ̀htsı̨ ghǫnets'eètǫ awèts'edı-le, hanìkò ededı̨ sıì goghǫneètǫ t'à Weza gohołı̨į̀ k'èxa gogha ełaı̨wı ha gots'ǫ̀ ayį̀į̀là.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 5:11

Dıı hanì gots'ǫ̀ xàyaetı: Nǫ̀htsı̨ welǫ whìle ts'ǫ̀ ts'eeda ha goghàhòı̨ɂǫ hǫt'e. Amìı Weza yegha ehkw'ı adıı sìı welǫ whìle ts'ǫ̀ eda ha hǫt'e.

1 John 5:13

Naxı̨, Nǫ̀htsı̨ Weza naxıgha ehkw'ı adıı sìı welǫ whìle ts'ǫ̀ aahda ha hotıì wek'èahsǫ ha dehwhǫ t'à naxıts'ǫ̀ eehtł'è aht'ı̨.