1 John 4:8 - Nǫ̀htsı̨ Nı̨htł'è

⁸ Amìı ełeghǫnegeètǫ-le sìı Nǫ̀htsı̨ k'ègeezǫ nıìle, Nǫ̀htsı̨ ełeghǫnets'eètǫǫ elı̨ ne t'à.

1 John 4:8 ပူးပေါင်းရင်းမြစ်များ

2 Corınth 13:11

Sèot'ı̨ı̨, nǫǫde t'à dıı hanaxèehsı̨ ha: naxıxè sìghà welè, deghàà degaı aahde gha hòtł'ò eghàlaahda, ayìı dànaxèehsı̨ı̨ sìı seyatıì ààhchı, naxınì ı̨łè zǫ welè, ts'èwhı̨į̀ ełexè aahda. Hanì-ı̨dè Nǫ̀htsı̨ goghǫneètǫǫ, wexè ts'èwhı̨į̀ hòɂǫǫ sìı naxıxè wehòhɂǫ ha.

Ephesus 2:4

Hanìkò Nǫ̀htsı̨ sıì goghǫneètǫ t'à, eyıts'ǫ sıì etegoèhɂı̨ t'à,

Hebrew 12:29

“Gonǫ̀htsı̨ sìı kǫ̀ nàtso lanì t'asìı hazǫǫ̀ dıhohtsı̨ ha dìì-le,” dek'eèhtł'è.

1 John 1:5

Dıı wegodıì ts'ıìkw'oo sìı naxıts'ǫ̀ hats'edı hǫt'e. Dıı wegodıì hǫt'e: Nǫ̀htsı̨ sìı dzęh hǫt'e, wexè togoòtł'òo whìle.

1 John 2:4

Dǫ, “Nǫ̀htsı̨ k'èehsǫ,” hadı, hanìkò yenàowoò k'ę̀ę̀ eda-le nı̨dè, hots'ì adı hǫt'e, eyıts'ǫ nàowo ehkw'ıı wedzeè yìı wheɂǫ nıìle.

1 John 2:9

Amìı “Sexè dzęh agǫ̀ht'e,” hadı, hanìkò edèot'ı̨ dzaı̨hwhǫ nı̨dè, ı̨łaà wexè togoòtł'òo hòɂǫ hǫt'e.

1 John 3:10

Amìı Nǫ̀htsı̨ weza agı̨ı̨t'ee, eyıts'ǫ amìı wehłı̨ı̨ weza agı̨ı̨t'ee sìı dıı weghàà gık'èts'eezǫ hǫt'e: Dǫ ehkw'ı eghàlageeda-le, eyıts'ǫ edèot'ı̨ ghǫnegeètǫ-le sìı Nǫ̀htsı̨ weza gı̨ı̨lı̨ nıìle.

1 John 3:6

Dǫ yexè edaa sìı ı̨łaà hołı̨ı̨ k'ę̀ę̀ eda nıìle. Amìı ı̨łaà hołı̨ı̨ k'ę̀ę̀ edaa sìı yaɂı̨ whìle eyıts'ǫ yek'èezǫ nıìle.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.