1 John 4:7 - Nǫ̀htsı̨ Nı̨htł'è

⁷ Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.

1 John 4:7 ပူးပေါင်းရင်းမြစ်များ

John 13:34

“Dıı nàowo gòò naxıghàehɂà: Ełeghǫnıahtǫ. Naxıghǫneehtǫ lanıı ełeghǫnıahtǫ.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

1 Corınth 8:3

Hanìkò dǫ Nǫ̀htsı̨ ghǫneètǫǫ sìı Nǫ̀htsı̨ eyı dǫ k'èezǫ hǫt'e.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Galatıa 4:9

Hanìkò dıì sìı Nǫ̀htsı̨ k'èahsǫ, hanì-le-ı̨dè Nǫ̀htsı̨ naxık'èezǫ t'à dànìghǫ nàowo wet'à nàgotso-le xè etehoòt'ı̨ı̨ sìı ts'ǫ̀ anaahde ha dahwhǫ? K'achı̨ eyı xèht'eè nàowo tł'a dahkw'e ha dahwhǫ nì?

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

2 Tımothy 1:7

Nǫ̀htsı̨ edets'ǫ Įnì Degaı goghàyı̨ı̨ɂǫǫ sìı wet'à goınì nàtso-le ade ha ayį̀į̀là nıìle, hanìkò wets'ǫ Įnì Degaı wet'à goınì nàtso ha, ełeghǫnets'eètǫ eyıts'ǫ nezı̨į̀ edek'èts'edì ha goghàyı̨ı̨ɂǫ hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 John 2:10

Amìı edèot'ı̨ ghǫneètǫǫ sìı dzęh yìı nàdè, eyıts'ǫ t'asìı wı̨ı̨zìı t'à ts'ıɂǫ̀ ade ha nıìle.

1 John 2:29

Zezì ehkw'ı hǫt'e wek'èahsǫ nı̨dè, amìı ehkw'ı k'ehoɂaa sìı yets'ǫ dǫ-elı̨ wek'èahsǫ hǫt'e.

1 John 2:3

Wenàowoò k'èats'ı̨ı̨t'e nı̨dè Nǫ̀htsı̨ wek'èts'eezǫǫ̀ ats'ejà hǫt'e.

1 John 2:4

Dǫ, “Nǫ̀htsı̨ k'èehsǫ,” hadı, hanìkò yenàowoò k'ę̀ę̀ eda-le nı̨dè, hots'ì adı hǫt'e, eyıts'ǫ nàowo ehkw'ıı wedzeè yìı wheɂǫ nıìle.

1 John 2:7

Seàgı̨ą, nàowo gòò ghǫ naxıts'ǫ̀ eehtł'è aht'ı̨ nıìle, hanìkò whaà gots'ǫ nàowo wheɂǫ hǫt'e, kèhoį̀wo gots'ǫ weghǫ aàhkw'o ı̨lè. Eyı nàowo whaà gots'ǫ wheɂǫǫ sìı wegodıì aàhkw'o hǫt'e.

1 John 3:9

Nǫ̀htsı̨ dahxà dǫ wegǫ̀hłı̨ı̨ sìı ı̨łaà hołı̨ı̨ nàowoò k'ę̀ę̀ eda nıìle, Nǫ̀htsı̨ wets'ǫ Įnì wedzeè yìı wheɂǫ ne t'à. Nǫ̀htsı̨ dahxà wegǫ̀hłı̨ ne t'à ı̨łaà hołı̨ı̨ k'ę̀ę̀ eda ha nıìle.

1 John 4:11

Seàgı̨ą, Nǫ̀htsı̨ haı̨hcho ts'ǫ̀ goghǫneètǫ t'à goxı̨ sı sıì ełeghǫnets'eètǫ ha hǫt'e.

1 John 4:12

Dǫ wı̨ı̨zìı Nǫ̀htsı̨ aɂı̨ whìle, hanìkò ełeghǫnets'eètǫ nı̨dè Nǫ̀htsı̨ godzeè yìı nàdè hǫt'e eyıts'ǫ dànì goghǫneètǫǫ sìı deghàà gok'e wègaat'ı̨ hǫt'e.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 4:20

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

1 John 4:8

Amìı ełeghǫnegeètǫ-le sìı Nǫ̀htsı̨ k'ègeezǫ nıìle, Nǫ̀htsı̨ ełeghǫnets'eètǫǫ elı̨ ne t'à.

1 John 5:1

Amìı, Zezì Nǫ̀htsı̨ yį̀į̀hchì hǫt'e wegha ehkw'ı-ahodıı sìı Nǫ̀htsı̨ gots'ǫ wegǫ̀hłı̨ hǫt'e, eyıts'ǫ amìı Gotà ghǫneètǫǫ sìı Weza sı ghǫneètǫ hǫt'e.

2 John 1:5

Sèot'ı̨ı̨, nàowo eładı̨ı̨ ghǫ naxıts'ǫ̀ eehtł'è nıìle, hanìkò kèhots'ı̨į̀hwho gots'ǫ nàowo wek'èts'eezǫǫ sìı ghǫ naxıts'ǫ̀ eehtł'è aht'ı̨. Ełeghǫnets'eètǫ ha dehwhǫ hǫt'e.