1 John 4:5 - Nǫ̀htsı̨ Nı̨htł'è

⁵ Hanıı dǫ sìı dıı nèè gots'ǫ agı̨ı̨t'e, eyıt'à dıı nèè gonàowoò k'ę̀ę̀ gogede, eyı ts'ıhɂǫ̀ dıı nèè ts'ǫ dǫ gogeèhkw'ǫ.

1 John 4:5 ပူးပေါင်းရင်းမြစ်များ

Luke 16:8

“K'àowo, wecheekeè hanì edegha gǫǫzǫǫ̀ k'ehoɂa t'à yeghǫ nezı̨į̀ xàyaı̨htı. Dǫ Nǫ̀htsı̨ k'ègeezǫ-le sìı edexèht'eè dǫ xè nezı̨į̀ eghàlageeda gha gogı̨ı̨zǫ. Hanì ełexè eghàlageeda t'à, dǫ gıxè dzęh agǫ̀ht'ee sìı nahk'e gogı̨ı̨zǫ,” hadı.

John 17:14

Neyatıì gıghàehɂǫ hǫt'e, eyıt'à dıı nèk'e ts'ǫ dǫ secheekeè dzagı̨ı̨hwhǫ, sexèht'eè dıı nèk'e gots'ǫ agı̨ı̨t'e-le t'à.

John 17:16

Dıı nèk'e gots'ǫ aht'e-le, sexèht'eè ededı̨ sı dıı nèk'e gots'ǫ agı̨ı̨t'e-le.

John 3:31

“Įdòo gots'ǫ hodàèhtłaa sìı eyı denahk'e wet'àaɂàa deè hǫt'e. Dıı nèk'e gots'ǫ dǫ elı̨ı̨ sìı dıı nèè gots'ǫ dǫ hǫt'e, eyıt'à dıı nèè gots'ǫ dǫ gok'ę̀ę̀ gode. Ekò yak'e gots'ǫ nììtłaa sìı hazǫǫ̀ t'à gonahk'e wet'àaɂàa deè hǫt'e.

John 8:23

Hanìkò Zezì gots'ǫ̀ hadı, “Naxı̨ sìı ı̨zhıì gots'ǫ aaht'e, sı̨ sìı ı̨dòo gots'ǫ aht'e. Naxı̨ sìı dıı nèk'e gots'ǫ aaht'ı̨, sı̨ sìı dıı nèk'e gots'ǫ aht'ı̨ nıìle.

2 Tımothy 4:3

Įdaà nı̨dè dǫ sìı nàowo ehkw'ıı ka-egeèhkw'ǫ ha-le agode ha. Dàgı̨ı̨wǫǫ sìı zǫ k'ę̀ę̀ hoghàgoetǫ gı̨ı̨wǫ ha. Ayìı geèhkw'ǫ hagı̨ı̨wǫǫ sìı t'à hoghàgeetǫ gha hoghàehtǫǫ-dǫǫ̀ łǫ edegha nègele ha.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.