1 John 4:20 - Nǫ̀htsı̨ Nı̨htł'è

²⁰ Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

1 John 4:20 ပူးပေါင်းရင်းမြစ်များ

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

1 Peter 1:8

Weahɂı̨ gǫ̀hłı̨-le, hanìkò weghǫnıahtǫ eyıts'ǫ dıì naxıgha wègaat'ı̨-le kò, naxıgha ehkw'ı adı. Eyı ts'ıhɂǫ̀ sıì naxınà xè naxıgha enıìyah dìì.

1 John 1:6

Wexè ats'et'ı̨ ts'edı kò ı̨łaà togoòtł'òo k'ę̀ę̀ ts'eeda nı̨dè, hots'ets'ì hǫt'e, eyıts'ǫ nàowo ehkw'ıı k'ę̀ę̀ ts'eeda nıìle.

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:11

Ekò amìı edèot'ı̨ dzaı̨hwhǫǫ sìı wexè togoòtł'ò hǫt'e, eyıts'ǫ togoòtł'òo k'eda. Edı̨į̀ k'edaa sìı yek'èezǫ-le, togoòtł'òo t'à wegha xègaat'ı̨-le.

1 John 2:4

Dǫ, “Nǫ̀htsı̨ k'èehsǫ,” hadı, hanìkò yenàowoò k'ę̀ę̀ eda-le nı̨dè, hots'ì adı hǫt'e, eyıts'ǫ nàowo ehkw'ıı wedzeè yìı wheɂǫ nıìle.

1 John 2:9

Amìı “Sexè dzęh agǫ̀ht'e,” hadı, hanìkò edèot'ı̨ dzaı̨hwhǫ nı̨dè, ı̨łaà wexè togoòtł'òo hòɂǫ hǫt'e.

1 John 3:17

Dǫ t'asìı łǫ wets'ǫ sìı wèot'ı̨ t'asìı wets'ǫ-le yek'èezǫ kò eteyeèɂı̨-le nı̨dè, dànì Nǫ̀htsı̨ goghǫneètǫǫ sìı k'ę̀ę̀ eda ha?

1 John 4:12

Dǫ wı̨ı̨zìı Nǫ̀htsı̨ aɂı̨ whìle, hanìkò ełeghǫnets'eètǫ nı̨dè Nǫ̀htsı̨ godzeè yìı nàdè hǫt'e eyıts'ǫ dànì goghǫneètǫǫ sìı deghàà gok'e wègaat'ı̨ hǫt'e.