1 John 4:1 - Nǫ̀htsı̨ Nı̨htł'è

¹ Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.

1 John 4:1 ပူးပေါင်းရင်းမြစ်များ

Mark 13:21

Ekìıyeè k'e dǫ naxıts'ǫ̀ dıı hagedı nı̨dè, ‘Chrıst jǫ wheda!’ hanì-le-ı̨dè ‘Yeè wheda,’ gedı nı̨dè, naxıgha ehkw'ı agııdì-le.

Luke 12:57

“Ayìı ehkw'ı ne sìı dànìghǫ edegha wedaànıahdè-le xè weghǫ goahde-le?

Luke 21:8

Zezì gots'ǫ̀ hadı, “Hotıì kexoahdı, naxıghǫyagııɂà sǫ̀ǫ̀. Dǫ łǫ sıızì t'à-aget'ı̨ xè ‘Chrıst aht'e,’ gedı ha eyıts'ǫ ‘Hòt'a eyı dzęę̀ ts'ǫ̀ whaà-le agòjà,’ gedı ha. Gıahkw'ǫ-le.

Zezì Wecheekeèdeè 17:11

Israel got'ı̨į̀ kǫ̀ta Berea nàgedèe sìı kǫ̀ta Thessalonıca got'ı̨į̀ nahk'e gınezı̨. Godı nezı̨ı̨ gıìkw'o t'à gınà. Asį̀į̀ Paul ehkw'ı gode gı̨ı̨wǫ t'à dzę taàt'eè Nǫ̀htsı̨ Nı̨htł'è k'eyagehtı.

Zezì Wecheekeèdeè 20:29

Setł'axǫǫ̀ dàgode ha sìı wek'èehsǫ. Dìga ı̨ghǫǫ lanì naxıta agede ha, naxıts'ǫ sahzǫ̀ą hazǫǫ̀ dzıìgehɂà ha.

1 Corınth 12:10

eyıts'ǫ k'achı̨ ı̨łè enıìyah hohtsı̨ ha, k'achı̨ ı̨łè Yedàyeh Nezı̨ı̨ dahxà xàyahtı ha, k'achı̨ ı̨łè ı̨nì dàhòt'ı̨ı̨ dǫ ts'ǫ̀ at'ı̨ı̨ sìı k'èhoezǫ ha, k'achı̨ ı̨łè yatı eładı̨ı̨ t'à gode ha, eyıts'ǫ k'achı̨ ı̨łè yatı ełek'èch'aòt'ı̨ı̨ gha etaehtıı elı̨ ha weghàhòt'ǫ hǫt'e.

1 Corınth 14:29

Dǫ nàke, dǫ taı Nǫ̀htsı̨ yatıì t'à dǫ ts'ǫ̀ gogııde, eyıts'ǫ dǫ eyı geèhkw'ee sìı dàhodıı sìı hotıì gıdaànıedè welì.

1 Thessalonıca 5:20

Yedàyeh Nezı̨ı̨ wedahxà dǫ gode nı̨dè, ekìı ahodı dahwhǫ-le.

1 Thessalonıca 5:21

Hanìkò t'asìı hazǫǫ̀ weahdzà. T'asìı nezı̨ı̨ sìı ààhchı.

2 Thessalonıca 2:2

Dǫ mǫ̀hdaa ekìı ts'edıı yatıì t'à naxıta k'egedè. Nǫ̀htsı̨ weyatıì gıghǫ̀t'ǫ gedı t'à, hanì-le-ı̨dè goxı̨ godı gıghàts'ı̨ı̨ɂǫ gedı t'à, hanì-le-ı̨dè enı̨htł'è naxıts'ǫ̀ ts'ı̨ı̨tł'è gedı t'à gogedeè-agedı. Gots'ǫ̀ K'àowo hòt'a nììtła ı̨lèe ne naxègedı, hanìkò eyı ghǫ nànıahdè xè naxıgha gots'eèdı ha ts'ı̨ı̨wǫ-le.

1 Tımothy 4:1

Yedàyeh Nezı̨ı̨ hotıì dıı hadı: Nǫǫde dzęę̀ ts'ǫ̀ hawe nı̨dè dǫ mǫ̀hdaa yatı ehkw'ıı sìı wedę agele ha. Įnì eghǫyaeɂàa sìı k'èagı̨ı̨t'e ha, eyıts'ǫ ı̨nìłı̨ı̨ nàowoò k'ę̀ę̀ geeda ha.

2 Tımothy 3:13

Ekò dǫ wejıı eyıts'ǫ dǫ ghǫyageeɂàa gı̨ı̨lı̨ı̨ sìı denahk'e sıì negezı̨-le agede ha. K'èdaà dǫ ghǫyageeɂà xè ededı̨ sı gıghǫyahoeɂà ha.

2 Peter 2:1

Hanìkò ı̨nę̀ę sìı dǫ gıta nakwenàoɂǫǫ hogets'ì gogede gòı̨lè, eyı xèht'eè naxıta dǫ mǫ̀hdaa hogets'ì t'à hoghànaxegeehtǫ ha. Dǫ naàhtǫ Nǫ̀htsı̨ ghǫ ekǫ-le hoghànaxegeehtǫ ha, gots'ǫ̀ K'àowo t'asìı wegha dìì-le ededı̨ nàgoèhdìı sìı k'ahowo nıìle gedı ha. Haget'ı̨ t'à ı̨whąą̀ edegha hoìla hogehtsı̨ hǫt'e.

1 John 2:18

Sèot'ı̨ı̨, nǫǫde dzęę̀ k'e nàts'edè hǫt'e. Chrıst k'èch'a elı̨ı̨ sìı nììtła ha weghǫ aàhkw'o ı̨lè sǫnı. Dıì kò dǫ łǫ Chrıst k'èch'a gı̨ı̨lı̨ı̨ sìı hòt'a dıı nèk'e nègı̨ı̨de hǫt'e. Eyı weghàà nǫǫde dzęę̀ k'e ts'eèhkw'e wek'èts'eezǫ.

1 John 2:7

Seàgı̨ą, nàowo gòò ghǫ naxıts'ǫ̀ eehtł'è aht'ı̨ nıìle, hanìkò whaà gots'ǫ nàowo wheɂǫ hǫt'e, kèhoį̀wo gots'ǫ weghǫ aàhkw'o ı̨lè. Eyı nàowo whaà gots'ǫ wheɂǫǫ sìı wegodıì aàhkw'o hǫt'e.

2 John 1:7

Dǫ ghǫyageeɂàa łǫ dıı nèk'e dǫ ta ts'ǫ̀ agejà hǫt'e. Zezì-Krı dıı nèk'e wegǫ̀hłı̨ı̨ sìı gıgha ehkw'ı-ahodı nıìle. Hanıı dǫ sìı eghǫyageeɂàa-dǫǫ̀ agı̨ı̨t'e, eyıts'ǫ Zezì-Krı ts'ǫ̀ kànegı̨ı̨ɂaa dǫǫ̀ agı̨ı̨t'e.

3 John 1:11

Seàgı̨ą, ayìı hołı̨ı̨ ne sìı k'ę̀ę̀ anet'ı̨-le, hanìkò ayìı nezı̨ı̨ sìı k'ę̀ę̀ anet'ı̨. Dǫ nezı̨į̀ k'ehoɂaa sìı Nǫ̀htsı̨ wets'ǫ at'ı̨ hǫt'e. Dǫ hołı̨ı̨ hohtsı̨ı̨ sìı Nǫ̀htsı̨ k'èezǫ nıìle.

John Wenazhıı 2:2

“Dànì aahdaa sìı naxık'èehsǫ hǫt'e. Segha hòtł'ò eghàlaahda eyıts'ǫ hoìla kò seghǫ naxınì nàtso wek'èehsǫ hǫt'e. Dǫ hołı̨ı̨ k'ę̀ę̀ geedaa sìı gıxè aaht'ı̨-le naxık'èehsǫ. Eyıts'ǫ dǫ hogets'ì t'à Nǫ̀htsı̨ wecheekeèdeè ats'ı̨ı̨t'e gedıı sìı gıahdzà t'à ehkw'ı agedı-le gıgòahɂǫ hǫt'e.