1 John 3:8 - Nǫ̀htsı̨ Nı̨htł'è

⁸ Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.

1 John 3:8 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 12:28

Ekò Nǫ̀htsı̨ wets'ǫ Įnì Degaı dahxà ı̨nìłı̨ı̨ xàdeehshı nı̨dè Nǫ̀htsı̨ Wenàowoò naxını wehòhɂǫ hǫt'e.

Matthew 13:38

Eyı dèè sìı dıı nèk'e dǫ hazǫǫ̀ agı̨ı̨t'e, eyıts'ǫ wet'à t'asìı nezı̨ı̨ dehshee sìı dǫ Nǫ̀htsı̨ Wenàowoò gı̨ı̨wǫ agı̨ı̨t'e. Tł'oh nezı̨-le dehshee sìı dǫ wehłı̨ı̨ nàowoò gı̨ı̨wǫ agı̨ı̨t'e.

Matthew 4:3

Wehłı̨ı̨ Zezì gà nììtła, hadı, “Nǫ̀htsı̨ Weza anet'e nı̨dè, jǫ kwe whelaa sìı neyatıì t'à łèt'è gìhłè anele,” yèhdı.

Mark 1:24

“Nazareth got'ı̨į̀ Zezì dàgǫǫle ha? Godıhoǫhtsı̨ ha nì-anet'ı̨? Amìı anet'e nek'èehsǫ ne. Nǫ̀htsı̨ wets'ǫ degaı anet'e!” yèhdı.

Luke 10:18

Zezì gots'ǫ̀ hadı, “Yak'e gots'ǫ wehłı̨ı̨, kǫ̀-naìtł'ı̨ı̨ lanì hodàdeèwò weehɂı̨.

John 12:31

Hòt'a dǫ hazǫǫ̀ gısınìyaetı ha nìkw'o; hòt'a dıı nèk'e k'àowo elı̨ı̨ sìı xàwedeezhı ha.

John 16:11

Eyıts'ǫ dıı nèè ts'ǫ̀ k'àowo sìı hòt'a wesınìyaetı ne t'à dıı nèk'e dǫ gıhołı̨į̀ k'èxa gısınìyaetı hǫt'e.

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

Rome 16:20

Nǫ̀htsı̨ ts'èwhı̨į̀ wehòhɂǫǫ sìı whaà-le-t'ıì naxıt'ǫ̀ǫ̀ wehłı̨ı̨ dıhohtsı̨ ha. Zezì-Krı wesǫnıwǫ naxıxè welè.

Ephesus 2:2

Hołı̨ı̨ nàowoò k'ę̀ę̀ aahda ı̨lè, eyıts'ǫ dıı nèk'e hołı̨ı̨-hogehtsı̨ı̨-dǫǫ̀ gık'ę̀ę̀ aahda ı̨lè, eyıts'ǫ ı̨nìłı̨ı̨ yat'a ts'ǫ̀ k'àowo elı̨ı̨ sìı wek'èaht'e ı̨lè. Eyı ı̨nìłı̨ı̨ sìı dǫ Nǫ̀htsı̨ k'èagı̨ı̨t'e-le sìı dıì gıgha k'àowo elı̨ hǫt'e.

Colosse 2:15

Hanì t'aa Nǫ̀htsı̨ ı̨nìłı̨ı̨ eyıts'ǫ gıts'ǫ k'aodèe hazǫǫ̀ goghǫèhnǫ, eyıts'ǫ wet'à nàgetsoo sìı hazǫǫ̀ goghǫ whìle ayį̀į̀là xè dǫ nadąą̀ edeghǫ į̀į̀zhagı̨ı̨lı̨į̀ agǫ̀ǫ̀là. Dechı̨et'aa t'à hazǫǫ̀ goghǫèhnǫ hǫt'e.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

Hebrew 2:14

Weza ts'ı̨ı̨lı̨ı̨ sìı dǫ ats'ı̨ı̨t'e, ededı̨ sı goxèht'eè dǫ whelı̨. Gogha ełaı̨wo t'à amìı ełaàgòhdee nàtsoo elı̨ı̨ sìı yedıhòèhtsı̨; eyı sìı wehłı̨ı̨ hǫt'e.

Hebrew 9:26

Hanì-le nı̨dè Zezì dıı nèè hòèlı̨ gots'ǫ gǫtłǫǫ̀ daı̨ɂa ha ı̨lè. Hanìkò dıì nǫǫde dzęę̀ ts'ǫ̀ nìhǫǫwoo sìı ı̨łàà zǫ nììtła hǫt'e, welǫ whìle ts'ǫ̀ gohołı̨į̀ whìle ayele gha Nǫ̀htsı̨ ghàdìtı̨.

2 Peter 2:4

Nǫ̀htsı̨ wets'ǫ yak'eet'ı̨į̀ hołı̨ı̨ hogèhtsı̨ ekò etegoèhɂı̨-le ı̨lè, hanìkò wehłı̨kǫ̀ ts'ǫ̀ agǫ̀ǫ̀là. Gısınìyaetıı dzęę̀ gots'ǫ̀ togoòtł'òo gòɂǫǫ k'è gıdanìı̨la hǫt'e.

1 John 1:2

Yatı wet'à ts'eedaa elı̨ı̨ sìı wègoèht'į̀ ajà; wets'aɂı̨ t'à weghǫ gots'ede. Eyı yatı wet'à welǫ whìle ts'ǫ̀ ts'eedaa sìı weghǫ naxıts'ǫ̀ gots'ede. Ededı̨ edetà xè wheda ı̨lèe sìı gots'ǫ̀ wègoèht'į̀ ajà.

1 John 3:10

Amìı Nǫ̀htsı̨ weza agı̨ı̨t'ee, eyıts'ǫ amìı wehłı̨ı̨ weza agı̨ı̨t'ee sìı dıı weghàà gık'èts'eezǫ hǫt'e: Dǫ ehkw'ı eghàlageeda-le, eyıts'ǫ edèot'ı̨ ghǫnegeètǫ-le sìı Nǫ̀htsı̨ weza gı̨ı̨lı̨ nıìle.

1 John 3:5

Hanìkò gohołı̨į̀ whìle ayele gha gots'ǫ̀ ajà ı̨lè, eyı wek'èahsǫ hǫt'e. Ededı̨ sìı hołı̨ı̨ wı̨ı̨zìı wek'e wheɂǫ nıìle.

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.

Jude 1:6

Eyıts'ǫ yak'eet'ı̨į̀ mǫ̀hdaa gıts'ǫ̀ dàgòjàa sìı eyı sı wenaahdì. Dànì k'ahogedè ha gıghàhòt'ǫǫ sìı gıghàehdı ı̨lè. Eyı yak'eet'ı̨łı̨ı̨ sìı welǫ whìle ts'ǫ̀ satsǫ̀tł'ıì gık'e whela xè Nǫ̀htsı̨ togoòtł'òo yìı gok'èdì, eyıts'ǫ nǫǫde dzęę̀ k'e Nǫ̀htsı̨ gosınìyaehtı ha hǫt'e.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.