1 John 3:3 - Nǫ̀htsı̨ Nı̨htł'è

³ Dǫ hazǫǫ̀ eyı hagode ha gıgha ehkw'ı-ahodıı sìı degaı k'ę̀ę̀ edek'ègedì ha hǫt'e, Zezì-Krı dànì degaı elı̨ k'ę̀ę̀.

1 John 3:3 ပူးပေါင်းရင်းမြစ်များ

Matthew 5:48

Eyıt'à Nǫ̀htsı̨ Naxıtà yak'e whedaa sìı degaı hǫt'e, wexèht'eè naxı̨ sı degaı aaht'e ha hǫt'e.

Luke 6:36

Nǫ̀htsı̨ naxıtà wedzeè eteèɂı̨ lanì naxı̨ sı naxıdzeè eteèɂı̨ ha hǫt'e.

John 17:19

Gıgha neghàdìıhtı̨ hǫt'e, hanì-ı̨dè ededı̨ sı hotıì degaı gı̨ı̨lı̨ xè nets'ǫ gı̨ı̨lı̨ ha.

Zezì Wecheekeèdeè 15:9

Goxèht'eè lanì goghàlaı̨dà, gıgha ehkw'ı-ahodı t'à gıdzeè degaı agǫ̀ǫ̀là.

Rome 15:12

Eyıts'ǫ nakwenàoɂǫǫ Isaıah dıı hadı dek'eèhtł'è, “Jesse wèot'ı̨ gıta gots'ǫ chekoa dǫ elı̨ ha, ededı̨ sìı dıı nèk'e dǫ hazǫǫ̀ gha k'àowo elı̨ ha. Israel got'ı̨į̀ agı̨ı̨t'e-le sìı weghǫ gınì nàtsoò ade ha,” dek'eèhtł'è.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Colosse 1:5

Yak'e t'asìı deè naxıdawhelaa sìı naxıgha ehkw'ı-ahodı t'à dǫ ghǫnıahtǫ. Yatı ehkw'ıı sìı weàhkw'ǫ ı̨lè t'à, eyı t'asìı deè naxıdawhelaa sìı hòt'a wek'èahsǫ hǫt'e. Eyı yatı ehkw'ıı sìı godı nezı̨ı̨

2 Thessalonıca 2:16

Nǫ̀htsı̨-Gotà goghǫneètǫǫ sìı wesǫnıwǫ t'à welǫ whìle ts'ǫ̀ ts'eeda ha edeyatıì nàtsoo goghàı̨ɂǫ, eyıts'ǫ wet'à goınì nàtsoò agǫ̀ǫ̀là. Gots'ǫ̀ K'àowo Zezì-Krı xàè ededı̨ eyıts'ǫ Nǫ̀htsı̨-Gotà

Tıtus 3:7

Gots'ǫ̀ sǫnıwǫ ts'ıhɂǫ̀ ehkw'ı agòìdlà hǫt'e, hanì-ı̨dè welǫ whìle ts'ǫ̀ ts'eeda ha sìı goghaelı̨į̀ ade ha, eyı gha sìı gogha ehkw'ı-ahodı hǫt'e.

Hebrew 12:14

Dǫ hazǫǫ̀ xè ts'èwhı̨į̀ aahda, eyıts'ǫ nàowo degaı k'ę̀ę̀ aahda gha hòtł'ò eghàlaahda. Dǫ wı̨ı̨zìı nàowo degaı k'ę̀ę̀ eda lenǫsıı gots'ǫ̀ K'àowo eɂį̀ ha nıìle.

Hebrew 6:18

Nǫ̀htsı̨ sìı t'asìı nàke ładı̨į̀ adle ha-le t'à yatı whehtsı̨ hǫt'e, eyı weghàà Nǫ̀htsı̨ hots'ì ha honàedı nıìle wek'èts'eezǫ. Goxı̨ hoìla ch'à edaxàgoeze gha Nǫ̀htsı̨ ts'ǫ̀ kwı̨ts'eèhdee sìı eyı ghǫ goınì nàtso welì.

Hebrew 7:26

Hanì yahtıı-wet'àaɂàa-deè sìı gots'àdı ha dìì-le hǫt'e; degaı elı̨ı̨, hołı̨ı̨ wek'e wheɂǫ-le, hołı̨ı̨-hogehtsı̨ı̨-dǫǫ̀ ta gots'ǫ nıìle, yak'e gote-ts'ǫ̀ nıwıìtı̨ hǫt'e.

James 4:8

Nǫ̀htsı̨ ts'ǫ̀ nıwà-le aahde, hanì-ı̨dè ededı̨ sı naxıts'ǫ̀ nıwà-le ade ha. Naxı̨ hołı̨ı̨-hoahtsı̨ı̨-dǫǫ̀ aaht'ee sìı naxıhołı̨į̀ wedę aahłe, eyıts'ǫ naxınì nàke laaht'ee sìı naxıdzeè degaı aahłe.

1 Peter 1:15

Amìı naxıkayaı̨htıı sìı degaı hǫt'e, eyıt'à wexèht'eè degaı aaht'e ha hǫt'e.

1 Peter 1:3

Nǫ̀htsı̨, Zezì-Krı wetà, weghàsǫts'eedı welè. Sıì gots'ǫ̀ wedzeè eteèɂı̨ t'à k'achı̨ dǫ nats'edlı̨į̀ agǫ̀ǫ̀là hǫt'e. Gots'ǫ̀ K'àowo Zezì naìdà ts'ıhɂǫ̀, ts'eeda ha gogha hòɂǫǫ̀ ayį̀į̀là.

2 Peter 1:4

Gots'ǫ̀ hanì naɂa ts'ıhɂǫ̀ t'asìı deè godawhelaà ayį̀į̀làa sìı ghǫ edeyatıì goghàı̨ɂǫ hǫt'e. Eyı ts'ıhɂǫ̀ Nǫ̀htsı̨ xè aaht'ı̨į̀ aahjà eyıts'ǫ dıı nèk'e dǫ gınàowołı̨ı̨ k'ę̀ę̀ aahda ch'à edaxàwhahde hǫt'e.

2 Peter 3:14

Eyıt'à seàgı̨ą, naxınà xè wexaahłı t'à t'asìı wejıı wı̨ı̨zìı naxık'e wheɂǫ-le gha hòtł'ò eghàlaahda, naxık'e nìdahoet'à ha-le, eyıts'ǫ Nǫ̀htsı̨ xè ts'èwhı̨į̀ naxıxè hòɂǫǫ gha hotıì edeahdzà.

1 John 2:6

Amìı “Nǫ̀htsı̨ wek'ę̀ę̀ ehda,” hadıı sìı Zezì dànì ı̨ı̨dàa sìı k'ę̀ę̀ eda ha hǫt'e.

1 John 4:17

Hanì-ı̨dè deghàà ełeghǫnets'eètǫǫ̀ ats'ede ha hǫt'e, eyıts'ǫ dıı nèk'e wexèht'eè ts'ı̨ı̨dà t'à gosınìyaetıı dzęę̀ k'e nı̨dè ts'atà goınì nàtso ha.